Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Յոթ խորհուրդ ամուսնացածներին

21:11, 19 նոյեմբերի

Այս յոթ խորհուրդները նրանց համար են, ում ընտանեկան հարաբերություններն արդեն երբեմնի ուրախություն չեն պատճառում: Դա նշանակում է, որ Դուք մտածելու առիթ ունեք:

1. Երբեք մի դադարեք սիրահետել ձեր կնոջը

Երբեք մի դադարեք ծանոթանալ իրար հետ: Ամենամեծ սխալն այն է, երբ դադարում եք գնահատել կնոջը՝ համարելով, որ նա այսպես թե այնպես միշտ ձեր կողքին պետք է լինի: Երբ խնդրում էիք, որ նա ամուսնանա ձեզ հետ, հաստատ վստահ էիք, որ միշտ պայքարելու եք նրա սիրտը նվաճելու, նրան պաշտպանելու համար: Բայց տարիների ընթացքում այդ խոստումները մոռացվում են: Ձեր կինը ձեր կյանքի ամենակարեւոր ու սրբազան գանձն է: Դուք ինքներդ եք ընտրել այդ գանձը: Երբեք մի մոռացեք այդ մասին: Եվ երբեք մի զլացեք պահպանել ձեր սերը:

2. Պաշտպանեք ձեր սիրտը

Դուք պետք է լինեք ոչ միայն ձեր կնոջ, այլեւ հենց ձեր սրտի պահապանը: Պահպանեք այն այլ կանանցից: Ձեր սիրտը պետք է բաց լինի միայն ձեր կնոջ համար: Իսկ նա էլ իր հերթին պետք է կարողանա մուտք գործել այնտեղ ձեր առաջին իսկ պահանջով:

3. Սիրահարվեք: Նորից, նորից ու նորից

Դուք անընդհատ փոխվում եք: Դուք արդեն այն նույն մարդը չեք, ով նոր էր ամուսնանում: Հինգ տարի հետո էլ դուք արդեն այն չեք լինի, ինչ հիմա եք: Փոփոխություններն անդադար են, դրա համար էլ դուք պետք է գիտակցաբար վերաբերվեք ձեր համատեղ կյանքին: Պայքարեք, նվաճեք նրա սերը՝ այնպես ինչպես անում էիք ձեր ծանոթության առաջին օրերին:

4. Միշտ ձեր կնոջ մեջ փնտրեք լավագույն հատկանիշները

Ձեր ուշադրությունը կենտրոնացրեք նրա վրա, ինչը ձեզ դուր է գալիս նրա մեջ, այլ ոչ թե նրա վրա, ինչը ձեզ զայրացնում է: Միայն այդ դեպքում ձեր սերը նրա նկատմամբ կշարունակի աճել: Կենտրոնացեք ձեր կյանքի այն պահերի վրա, երբ ձեզ սիրված ու երջանիկ մարդ էիք զգում: Չէ՞ որ դուք հենց այնպես չեք նրա հետ ամուսնացել:

5. Մի փորձեք փոխել նրան

Դա ձեր խնդիրը չէ. ձեր խնդիրն է պարզապես սիրել նրան: Մի փորձեք նրա բնավորությունը ձեզ հարմարացնել: Մի կոտրեք նրան: Եվ այդ ժամանակ նա ինքը այնպես կփոխվի, որ դուք նրան ավելի շատ կսիրեք:

6. Պատասխանատվություն ստանձնեք

Ձեր զգացմունքների համար ամբողջ պատասխանատվությունն ինքներդ ստանձնեք: Ձեր անձնական երջանկությունը ձեր կնոջ հոգսը չէ: Նա չի կարող ձեզ երջանկացնել, եթե դուք ինքերդ չուզեք դա: Դուք պատասխանատու եք, որ ձեր ընտանիքի բոլոր անդամները երջանիկ լինեն: Եթե կարողանաք երջանիկ լինել, ապա եւ ձեր ընտանիքը, եւ ձեր ամբողջ ընտանիքը կկարողանա երջանիկ լինել:

7. Երբեք մի հանդիմանեք նրան՝ ասելով, որ նա է մեղավոր ձեր բարկության համար

Եթե դուք անտրամադիր եք կամ բարկացած եք ձեր կնոջ վրա, ապա դրանք միայն ձեր անձնական զգացմունքներն են ու ձեր սեփական ընտրությունը: Ձեր զգացմունքները ձեր պատասխանատվությունն են: Ձեր կինը պարտավոր չէ ամոքել ձեր մանկական վնասվածքները կամ էլ վազվզել ձեր հետեւից ու արդարանալ: Եթե պետք է՝ մի քիչ առանձնացեք, փորձեք վերլուծել ձեր զգացմունքներն ու հասկանալ: հենց կարողանաք կայունացնել ձեր զգացմունքային ֆոնը, միանգամից կնկատեք, որ ընտանեկան հարաբերությունները սկսել են հարթվել:

 

Աղբյուր՝ Creu


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել