Մսի միջուկով նրբաբլիթներն ամանորյա սեղանի անբաժան մասն են: Բայց գիտե՞ք արդյոք, որ նրբաբլիթներից կարելի է շատ յուրահատուկ ու համեղ նախուտեստներ պատրաստել, որոնք հաճելիորեն կզարմացնեն ձեր հյուրերին ու բավականին հաճելի ակնթարթներ կպարգեւեն տանտիրուհուն: Ձեր ուշադրությանն ենք ներկայացնում նրբաբլիթների մատուցման մի քանի հետաքրքիր ու անսովոր տարբերակ:
Նրբաբլիթներից ռոլեր. դրա համար ձեզ անհրաժեշտ են նրբաբլիթներ, սերուցքային պանիր, մի քանի հատ կանաչ սոխ ու կարմիր ձկնկիթ: Պարտադիր չէ թանկարժեք կարմիր ձկնկիթ գնել, կարելի է նաեւ տեղական արտադրության ձկնկիթ օգտագործել, որը վաճառում են ձկան խանութներում. 100 գրամ նման ձկնկիթը 1000-1500 դրամ կարժենա: Սերուցքային պանրի մեջ ավելացնում ենք մի քանի հատ կտրատած կանաչ սոխ եւ ձկնկիթը: Համեմում ենք սեւ պղպեղով ու անհրաժեշտության դեպքում նաեւ աղով: Եթե պանիրը չափից խիտ է, այն կարելի է մի քիչ լուծել սերուցքով կամ կաթով: Լցոնը տեղադրում ենք նրբաբլիթի վրա ու գլանաձեւ փաթաթում, դնում ենք սառնարան: Մատուցելուց առաջ ռուլետը զգուշությամբ կտրատում ենք մի քանի մասի՝ ստացվում են գեղեցիկ ռոլեր:
Ի դեպ, ձկնկիթին կարելի է հավելել կամ ցանկության դեպքում այն փոխարինել ոչ աղի սաղմոնով: Այդ դեպքում սոխի փոխարեն ավելի լավ է սամիթ օգտագործեք ու բարակ կտրատած վարունգ:
Կարելի է օգտագործել նաեւ ապխտած սիգ: Այդ դեպքում սերուցքային պանրի մեջ մի քիչ ծովաբողկ ենք հավելում, մի քիչ կտրատած չոր սոխ ու մաղադանոս:
Կա նաեւ կարտոֆիլով ու ծովատառեխով ռոլերի տարբերակ: Դրա համար պետք է շատ նուրբ կարտոֆիլի պյուրե պատրաստել: Նրբաբլիթի վրա քսել բարակ շերտ մայոնեզ, որից հետո պյուրեն, վրայից հավելել մանր կտրատած ծովատառեխը ու կանաչ սոխը: Գլանաձեւ փաթաթել ու դնել սառնարանը: Մատուցելուց առաջ հավասար կտորների բաժանել:
Նրբաբլիթներից կարելի է նաեւ տաք ուտեստ պատրաստել: Ձեզ առաջարկում եմ լցոնման համար երկու միջուկ՝ ըստ ձեր ճաշակի: Առաջին դեպքում ձեզ հարկավոր է պահածոյացված թունա ձուկ, կապար, կանաչ սոխ, մաղադանոս: Բոլոր բաղկացուցիչները կտրատում ենք, խառնում, հավելում սերուցքային պանիր կամ թթվասեր: Փաթաթում ենք նրբաբլիթները, դնում թավայի մեջ, որի վրա նախապես յուղ ենք քսում, վրայից թթվասեր ու քերած պանիր լցնում, դնում ջեռոց մինչեւ կարմիր կեղեւ կազմելը: Երկրորդ տարբերակում լցոնը պատրաստվում է եփած հավի կրծքամսից, տապակած սոխից ու սնկից: Երկու դեպքում էլ շատ համեղ կստացվի: Հյուրերը հաստատ ըստ արժանվույն կգնահատեն ուտեստները։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար