Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

Սվյատոսլավ Վակարչուկ. «Դլե Յամանն» իմ ամենասիրելի հայկական երգն է, որը կարող են երգել միայն հայերը

15:55, 1 հունիսի

Հունիսի 1-ին՝ երեկոյան 19։00-ին, Կ. Դեմիրճյանի անվան մարզահամերգային համալիրում կկայանա ուկրաինական «Օկեան Էլզի» ռոք խմբի երեւանյան համերգը։ Սակայն մինչ այդ խմբի մենակատար Սվյատոսլավ Վակարչուկը հանդիպել է լրագրողների հետ եւ նշել, որ շատ ուրախ է լինել Հայաստանում։

Վակարչուկը վերջերս ուկրաինական «Ձայնը» նախագծում Դիանա Դիկովսկու ելույթից հետո (Դիանան կատարել է «Դլե Յաման»-ը) հայտարարել էր, որ այն իր ամենասիրելի հայկական երգն է։ Հաշվի առնելով սա՝ հանդիպմանը ներկա NEWS.am STYLE-ի թղթակիցը հետաքրքրվեց Սվյատոսլավից, որտեղ է լսել «Դլե Յաման»-ը եւ արդյոք գիտի երգի նշանակությունը։

«Այո, դա իմ ամենասիրելի հայկական երգն է։ Ես դրա մասին իմացել եմ իմ հայ եւ հայկական արմատներ ունեցող ուկրաինացի ընկերներից։ Նման ընկերներ ունեմ ոչ միայն Կիեւում, այլեւ Լվովում։ Ուկրաինայում հայտնի ռեժիսոր Ռոման Բալայանը նույնպես իմ ընկերն է։ Այնպես ստացվեց, որ նրանց հետ շփվելիս ես սկսեցի հետաքրքրվել հայկական մշակույթով ու հայոց պատմությամբ եւ իմացա «Դլե Յաման»-ի մասին։ Ես գիտեմ, թե ինչի մասին է այն եւ ինչ իրադարձությունների՝ Ցեղասպանությանն է նվիրված։ Ես հիացած եմ հայկական մշակույթով, նախքան Հայաստան գալը։ Ընկերներս մի ամբողջ ցուցակ են ինձ համար գրել, թե ուր պետք է գնամ։ Այսօր մենք եղել ենք Էջմիածնում. շատ հավանեցի։ Գիտեք, Լվովում հայկական եկեղեցի կա, ես հաճախ եմ այնտեղ գնում։ Այնտեղ ինձ համար լավագույն փողոցը «Հայկական փողոցն» է։ Ափսոս, շատ ժամանակ չունենք Երեւանից հեռու վայրերն էլ այցելելու համար, բայց հոկտեմբերին մեկնելու ենք Թբիլիսի եւ ով գիտե՝ միգուցե նորից  գանք Երեւան»,- պատասխանեց Վակարչուկը։

Խոսքն ավարտելուն պես լրագրողներից մեկը Վակարչուկին հարցրեց՝ արդյոք երաժիշտը կկատարի «Դլե Յամանը» երեւանյան համերգի ժամանակ. 

«Ոչ, «Դլե Յամանն» այնպիսի երգ է, որը պետք է զգալ, ոչ թե ուղղակի կատարել։ Այն կարող են երգել միայն հայերը։ Իսկ համերգին մենք անակնկալ ենք պատրաստել, տեսնենք ինչպես կստացվի»։

Ասուլիսին ներկա լրագրողները նաեւ հարցրեցին «Օկեան Էլզի» ռոք խմբի եւ Ջիվան Գասպարյանի համագործակցության մասին, ինչին ի պատասխան Սվյատոսլավը նշեց.

«Շատ կցանկանայի նորից համագործակցել Ջիվան Գասպարյանի հետ։ Մենք նրան շատ ենք սիրում եւ շատ էինք ցանկանում այստեղ հանդիպել նրա հետ։ Բայց ինձ ասացին, որ այժմ Ջիվան Գասպարյանն ԱՄՆ-ում է, հետեւաբար չստացվեց։ Բայց նորից միասին աշխատելը չենք բացառում»։ 

Ձեր ուշադրությանն ենք նաեւ ցանկանում ներկայացնել խմբի մենակատարի պատասխանը ազգային եւ սահմանադրական հայրենասիրությունների մասին.

«Կյանքն այսօր այնպես է, որ սահմանները բաց են, եւ մենք կարող են հանգիստ դուրս գալ երկրից։ Ձեզ՝ հայերին, շատ ծանոթ է այն իրավիճակը, երբ մարդիկ երեխաների համար ավելի լավ կյանք փնտրելու համար հեռանում են, օրինակ, Լոս Անջելես, իսկ հետո տարին մեկ անգամ վերադառնում են այստեղ եւ հայտարարում, որ սիրում են իրենց ժողովրդին եւ դրա մասնիկն են իրենց համարում։

Բայց կան հասկացություններ, որոնք ես փորձում եմ տարածել Ուկրաինայում։ Դա մեկ այլ մակարդակի հայրենասիրությունն է։ Ես դա կոչում եմ սահմանադրական։ Կարեւոր չէ, թե դուք ինչ ազգություն ունեք, բայց եթե ձեր երկրի քաղաքացին եք, ուրեմն պարտավոր եք այն շենացնել։ Ոչ մեկը ձեր փոխարեն չի անի դա։ Ես ուզում եմ ապրել այստեղ եւ ցանկանում եմ, որ իմ երեխաներն էլ այստեղ ապրեն, այդ պատճառով ես կառուցում եմ իմ երկիրը։ Ուզում եմ՝ հասնենք նրան, որ կոռուպցիան վերանա, խոսքի ազատություն լինի, ազատ բիզնես, լավ կրթություն եւ առողջապահություն։ Ես սկզբում երկիր եմ կառուցում, հետո սիրում եւ պաշտպանում այն, քանի որ ես եմ այն շենացրել։ Եթե Ուկրաինայում հասնենք կյանքի մակարդակի բարձրացմանը, ուրեմն դրանից բաժանված մասն ակամայից կցանկանա վերադառնալ»,- խոսքը եզրափակեց երգիչը։


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ