• TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը  

  Ձեզ անհրաժեշտ է ընդամենը վարսակաձավար...

• Ինչո՞ւ որոշ հայտնի դիետաներ չեն աշխատում

  Ամերիկացի սննդաբան Ջոյս Պատերսոնը դիետիկ որոշ միտումներ հորինված է համարում...

• «Հրաշք ըմպելիք» նիհարելու համար՝ ընդամենը երկու հասանելի բաղադրիչներով

  Այուրվեդիկ ըմպելիքը, որը պատրաստված է քրքումից եւ կոճապղպեղից, կօգնի նիհարելուն․․․

• Նորաձեւ ինտերվալային քաղց. կողմ եւ դեմ

  Ինտերվալային քաղցը մեծ տարածում է ստանում՝ խոստանալով ցնցող արդյունքներ, առանց հատուկ ջանքերի եւ խիստ սննդակարգերի․․․

• Մեկ գդալ ձիթապտղի յուղը դատարկ ստամոքսին կօգնի բարելավել ձեր նյութափոխանակությունը

  Ձիթապտղի յուղը կոչվում է «հեղուկ ոսկի»․․․

• Ինքնակարեկցանքն օգնում է նիհարելուն

  Նրանք, ովքեր դիետայի ընթացքում որոշ թուլություններ են իրենց թույլ տալիս, հավանական է․․․

• Հայերի սիրելի սուրճը նիհարելու լավագույն «օգնականն է»

  Դիետան եւ ֆիզիկական վարժությունները միշտ ընկած են հաջող նիհարելու ռազմավարության հիմքում․․․

• Օփրա Ուինֆրիի սլացիկ կազմվածքի գաղտնիքը

  Գաղտնիք չէ, որ Օփրա Ուինֆրիի քաշը տարիների ընթացքում տատանվել է…

Այդ բազմատարբերակ ցածր ածխաջրային սննդակարգը հանձնարարված համադրություններում ցանկացած մթերքի ճկուն ընտրություն է առաջարկում: Միաժամանակ ենթադրվում է, որ սննդի մեջ կկրճատվեն ածխաջրերը, նախ եւ առաջ` օսլան  (հացը, ձավարեղենը, խմորե արտադրանքները եւ կարտոֆիլը)  եւ շաքարը (եւ դրանք պարունակող բոլոր մթերքները): Դա կայունացնում է ինսուլինի մակարդակը` դրանով խթանելով ճարպի այրման գործընթացը եւ արագացնելով նյութափոխանակությունը: Տվյալ սննդակարգը ժողովրդականություն է վայելում հոլիվուդյան աստղերի եւ այլ հայտնի անձանց շրջանում: 

Սննդակարգը նախատեսված է մեկ շաբաթի համար, որի ընթացքում հնարավոր է մինչեւ 5 կգ նիհարել։ Անպայման շատ ջուր խմեք (օրական 2,5-3 լ հեղուկ): Խորհուրդ է տրվում հետեւել այս կանոններին.

1. Նախաճաշը պետք է ընդունել արթնանալուց հետո ոչ ուշ, քան 2 ժամ անց:

2. Սննդի 4 ընդունում պետք է լինի. նախաճաշ (ժամը 6-9-ը), ճաշ (ժամը 10-13-ը), հետճաշիկ (ժամը 14-16-ը) եւ ընթրիք (ժամը 17-20):

Ամեն օրվա ճաշացանկը կազմվում է ինքնուրույն` ելնելով հետեւյալ սխեմայից. Նախաճաշ. 1 բաժին սպիտակուցներ (ցուցակ 1) եւ մեկ բաժին միրգ կամ բանջարեղեն (ցուցակ 2):

Ճաշ. Մեկ բաժին սպիտակուց, մեկ բաժին բանջարեղեն/միրգ եւ մեկ բաժին ածխաջրեր (ցուցակ 3):

Հետճաշիկ. Մեկ բաժին սպիտակուց, մեկ բաժին բանջարեղեն/մրգեր եւ մեկ բաժին ածխաջրեր:

Ընթրիք. մեկ բաժին սպիտակուցներ եւ մեկ բաժին բանջարեղեն կամ մրգեր: 

Ցուցակ 1. Սպիտակուցներ:  Հավի երկու ձու ցանկացած վիճակում:

- 100 գ կաթնաշոռ` ոչ ավելի, քան 2 տոկոս յուղայնությամբ:

- 120 մլ յուղազուրկ կաթ կամ 120 մլ յուղազուրկ յոգուրտ + կես մասնաբաժին ցանկացած տեսակի սպիտակուցային մթերք այդ ցուցակից:

- 110 գ ոչ ճարպոտ խոզապուխտ կամ էլ ցանկացած ոչ ճարպոտ միս:

- 170 գ թյունաձուկ կամ այլ ոչ ճարպոտ ձուկ, ծովամթերք:

- 2 ճաշի գդալ ընկույզի պաշտետ:

- 60 գ ոչ յուղոտ պանիր:

- 100 գ խաշած սոյա կամ տոֆու պանիր:

- 30 գ ցանկացած ընկույզ:

Ցուցակ 2. Մրգեր/Բանջարեղեն:

- Մի բաժակ ցանկացած միրգ` մանր կտրատված, կամ երկու միջին չափի միրգ կամ երկու կտոր սեխ: 

- 2-3 բաժակ բանջարեղենով աղցան ցանկացած հում բանջարեղենից կամ էլ մի քանի ամբողջական հում բանջարեղեն:

- 300 գ շոգեխաշած ցանկացած բանջարեղեն (բացառությամբ սիսեռի եւ եգիպտացորենի):

- 150 գ եգիպտացորեն կամ կանաչ ոլոռ:

- 60 գ չիր:

Ցուցակ 3. Ածխաջրեր:

- Մի կտոր հաց:

-Մի փոքրիկ յուղաբլիթ:

- Կես օղակաբլիթ:

- 3-4 ճաշի գդալ խաշած բրինձ, հնդկաձավար կամ մակարոնային արտադրանք տոմատի սոուսով:

- 3-4 ճաշի գդալ խաշած կարտոֆիլ, կարտոֆիլային պյուրե, ոլոռ, ոսպ կամ եգիպտացորեն: 

- Միջին չափի եգիպտացորենի մեկ կողր:

- 15 գ քրեքեր կամ չիփսեր յուղի ցածր պարունակությամբ:

- Մի բաժակ ադի-բուդի առանց հավելումների: 

Այս սննդակարգի համար մրգերի եւ հատապտուղների լավագույն հավաքածուն է թուրինջ  (նարինջ, մանդարին), տանձ, ծիրանաչիր, կիտրոնի շերտիկ, ելակ, բալ կամ գիլաս: 

Աղբյուրը` Dieta.ru

Հետևեք NEWS.am STYLE-ին Facebook-ում, Twitter-ում և Instagram-ում