Սիրելի հակումներ
Հարաբերություններում ռոմանտիկան վերականգնելուն կօգնեն սիրելի կեսի հետաքրքրություններն ու հակումները: Փոքրիկ նվերները, ինչպիսիք են նոր կոմպակտ սկավառակը, գիրքը կամ համերգի, ներկայացման կամ մարզական խաղի երկու տոմսը: Առանց առիթի նման նվերը հավանաբար դուր կգա ամուսնուն եւ պատասխան արձագանք կառաջացնի: Բացի այդ, չարժե մոռանալ ծննդյան օրերի, տոների կամ հոբելյանների, ինչպես նաեւ զույգի համար նշանակալի օրերի նվերների մասին: Ժամանակ առ ժամանակ փոքրիկ անակնկալները կօգնեն հարաբերություններում վերականգնել խորհրդավորության մթնոլորտը:
Հաճելի մերսում
Ոտքերի, ուսերի հաճելի, լիցքաթափող մերսումը կամ մարմնի ամբողջական մերսումը աշխատանքային օրվա ավարտին հավանաբար դուր կգան երկրորդ կեսին: Ավելին, տարբեր հոտավետ յուղերի օգտագործումը կօգնի հանել սթրեսը եւ հոգնածությունը, կհանգստացնի եւ կվերադարձնի լավ տրամադրությունը: Այնուամենայնիվ, չարժե սեփական գործողությունների համար հատուկ պարգեւ սպասել: Դա ոչ միայն հարաբերություններին չի վերադարձնի ռոմանտիկան, այլեւ ապագայում մերսում կատարելու առաջարկի հետեւում ամուսինը կսկսի գաղտնի մոտիվներ փնտրել:
Հաճելի մանրուքներ
Փոքրիկ բացիկները եւ նվերները սիրելիին ավելի լավ կպատմեն ամենաքնքուշ զգացմունքների մասին, որովհետեւ դրանք միշտ ռոմանտիկայի մարմնացում են եղել: Էլեկտրոնային նամակները կամ հեռախոսային հաղորդագրություններն ի վիճակի չեն փոխանցել սիրելի մարդու հանդեպ ամբողջ ջերմությունը եւ քնքշանքը: Մեր ժամանակներում ձեռագիր նամակները, որ ուղարկվում են փոստով, շատ հազվագյուտ բան են դառնում: Այնուամենայնիվ, հենց դրանք են առավել ռոմանտիկը նամակ եւ հաղորդագրություն ուղարկելու բոլոր տարբերակներից:
Ուշադրության րոպեներ
Չարժե երկրորդ կեսին մշտապես հայտնել յուրաքանչյուր թերության մասին, որը նյարդայնացնում է: Որպեսզի ռոմանտիկան չկորի, անհրաժեշտ է հնարավորություն գտնել գոհացնելու երկրորդ կեսի փոքրիկ քմահաճույքները: Գրկախառնությունները եւ համբույրները կօգնեն ամրապնդել հարաբերությունները: Բացի այդ, քնքուշ բառերը երբեք չեն խանգարի, դրա համար ավելի լավ է հնարավորինս հաճախ իրար խոստովանել սեփական զգացմունքները:
Հաճելի խոսքեր
Հաճոյախոսությունները եւ գովեստները դուր են գալիս բացարձակապես բոլորին եւ չարժե դրանց մասին մոռանալ երկար տարիներ միասին ապրելուց հետո: Շատ հաճախ տարբեր պատճառներով գորշ առօրյայի եւ կենցաղային խնդիրների պատճառով ամուսինները դադարում են հիշել այն ամեն լավը եւ քնքուշը, որ ինչ-որ ժամանակ գրավում էր սիրելի մարդու մեջ: Այդ պատճառով ընկերների կամ ազգականների հետ հանդիպումների ժամանակ ավելի լավ է պատմել ամուսնու դրական հատկանիշների մասին: Դա կարելի է անել նաեւ հեռախոսով զրույցի ընթացքում, երբ սիրելի մարդն այդ պահին իբր պատահաբար կարող է լսել: Չէ որ յուրաքանչյուր մարդու համար կարեւոր է լսել, որ իրեն առաջվա նման սիրում են:
Աղբյուրը` Klubber
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով