Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Գիրության առաջացման հոգեբանական պատճառը

20:21, 24 սեպտեմբերի

Դուք ի՞նչ կասեիք, եթե լսեիք, որ գիրությունը ագահության նշան է: Մեծ մասը հավանաբար չէր համաձայնի այդ ձեւակերպման հետ: Չէ որ մեզանից յուրաքանչյուրին հայտնի են շատ «ծանրակշիռ» մարդիկ, որոնք այնպիսի հատկանիշներ ունեն, ինչպիսիք են բարությունը եւ առատաձեռնությունը: 

Բայց եկեք «ագահություն» բառը դիտարկենք ոչ թե բարոյականության տեսանկյունից, այլ փորձենք բացատրել նրա էությունը: Ըստ էության, ագահությունը ինչ-որ բանից չբաժանվելու ցանկությունն է, չնայած մարդը դրանից շատ ունի: 
Մեր կյանքն այնպես է կառուցված, որ մենք մշտապես ինչ-որ բան ստանում ենք եւ ինչ-որ բան տալիս. նման ինքնատիպ էներգափոխանակություն է. ներշնչում-արտաշնչում, աշխատանք-հանգիստ, փող ստանալ-գնումներ եւ այլն:

Սննդի եւ օդի հետ մենք էներգիա ենք ստանում, որը հետագայում անհրաժեշտ է փոխակերպել (տալ) ինչ-որ գործունեության` ֆիզիկական, մտավոր, հուզական եւ այլն: Եվ այստեղ շատ կարեւոր է հետեւել էներգիա ստանալու եւ տալու միջեւ հավասարակշռությանը: 

Ավելորդ քաշի պատճառները թաքնված են այդ հավասարակշռության խախտման մեջ. մենք անհամեմատ ավելի շատ ենք ստանում, քան տալիս ենք: Մարդու օրգանիզմը, չգիտես ինչու, սկսում է պահուստներ կուտակել: Իսկ ինչի՞ համար: Արժե մտածել: 
Գուցե ձեր կյանքի ինչ-որ ոլորտում շեղում կամ արգելակում է առաջացել: Միաժամանակ, որքան էլ տհաճ լինի ձեզ համար, դուք չեք փորձում որեւէ բան փոխել եւ ինչ-որ կերպ շտկել տվյալ իրավիճակը: Դուք չեք փորձում ձեր էներգիան, ժամանակը, ներքին ռեսուրսները տալ, որպեսզի շտկեք առկա իրավիճակը, այսինքն դուք ագահություն եք անում, նշանակում է` հոգեբանական նախադրյալներ են առաջանում ավելորդ քաշի խնդրի առաջացման համար: 

Ոչ միշտ է, որ կալորիաների հստակ վերահսկողությունը եւ կանոնավոր կերպով մարզասրահ այցելելը կարող է մարդուն ազատել ավելորդ կգ-ներից: Չէ որ օրգանիզմի էներգետիկ հավասարակշռությունը չի կարող հանգեցվել միայն մեկ սխեմայի. կերար-շարժվեցիր:

Անհրաժեշտ է կյանքը դիտարկել իր բոլոր դրսեւորումներում: 

Նայեք այն մարդկանց, որոնք իրենց եւ շրջապատող աշխարհի հետ ներդաշնակության մեջ են ապրում. նրանք գործնականում միշտ լավ տրամադրություն ունեն, շատ պլաններ, նրանք լի են էներգիայով, նրանց շատ բան հետաքրքիր է: Ամենից հաճախ նման մարդիկ լիովին նորմալ կազմվածք ունեն: Նույնիսկ եթե նրանցից ինչ-որ մեկին նիհար չես կոչի, միեւնույն է` նրա կազմվածքը գեղեցիկ է եւ ավելորդ քաշի զգացողություն չի առաջացնում: 
Իսկ եթե մարդու գիրությունն աչքի է զարնում, տհաճ է շրջապատողների համար, ուրեմն ամենայն հավանականությամբ ավելորդ քաշի հետ կապված հոգեբանական խնդիրներ կան:

Այդ մարդը հավանաբար վախենում է բաժանվել ինչ-ոչ բանից` կյանքի սովորական դրվածքից, իրենց սպառած հարաբերություններից, արդեն ձանձրացնող աշխատանքից, վնասակար սովորույթներից եւ այլն: Նման մարդը վախենում է որեւէ նոր բան սկսել, փոխվել. իսկ եթե չստացվի՞: Այդ պատճառով էներգիան, որ դրսից գալիս է, ելք չի գտնում եւ կուտակվում է ավելորդ կգ-ների տեսքով: 

Եթե ուզում եք սլացիկ լինել, նախ եւ առաջ պետք է վերացնեք ավելորդ քաշի գլխավոր պատճառը` «ագահությունը»` այն դրսեւորմամբ, որի մասին խոսել ենք: 100 տոկոսով իրացրեք ձեր ներուժը եւ ձեր գիրությունից հետք չի մնա: Զբաղվեք ստեղծագործելով, պլաններ կառուցեք եւ իրականացրեք դրանք, ձեր մեջ նոր պլաններ եւ տաղանդներ հայտնաբերեք եւ իրացրեք դրանք: Առատաձեռնորեն ձեր հույզերը նվիրեք մտերիմներին եւ ընկերներին, օգնեք նրանց, ովքեր դրա կարիքն ունեն, ապրեք լիարժեք, վառ կյանքով, այդ դեպքում ավելրոդ կգ-ները ձեզ չեն դիպչի: 


Աղբյուրը` Otvetnavse.com


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել