Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ինչպես համադրել աչքերի եւ մազերի գույները

15:44, 11 հոկտեմբերի

Վստահ ենք, որ ինքներդ ձեզ բազմիցս հարցրել եք, թե ինչ գույն ներկեք մազերը, որպեսզի ձեր բնական տվյալները շահեկանորեն ընդգծեք: Դուք ցանկանում եք շիկահեր դառնալ, բայց ինչպես իմանալ, թե որ երանգն ավելի շատ կսազի՝ սառը մոխրագո՞ւյն կամ ոսկե ցորնագո՞ւյն: Մազերի երանգն ընտրելիս շատերը հաշվի են առնում մաշկի բնական գույնը, բայց մոռանում են աչքերի գույնի մասին: Մինչդեռ կան առաել հաջող եւ անհաջող համադրություններ:

Մոխրագույն աչքեր

Ծիածանաթաղանթի ամենատարածված եւ միաժամանակ «ամենապարզ» երանգը. մոխրագույն աչքերով աղջիկներին սազում են մազերի գործնականում բոլոր երանգները: Բայց այստեղ եւս նրբություններ կան: Կտրուկ արգելված են բոլոր «մաքուր» երանգները. նրանց ամենեւին չի սազում ինչպես արմատական սեւը, այնպես էլ մաքուր շեկը: Կրակաշիկավուն երանգի հետ եւս պետք է զգուշավոր լինել. չափազանց հազվադեպ արհեստական շեկ երանգը օրգանական է դիտվում:

Եթե նախապես մուգ երանգների ես հակված, մոխրագույն աչքերի հետ հրաշալի են համադրվում շոկոլադի բոլոր երանգները, աչքերի խորությունն ընդգծում է սրճային երանգը, էֆեկտիվ են նայվում կոնյակի եւ ընկույզի երանգները:

Եթե ցանկանում ես շիկահեր դառնալ, ընտրիր պղնձագույնի եւ ցորնաշիկավունի միջեւ, դեմքը շատ է թարմացնում ելակի երանգով շեկը:

Եթե նախընտրում ես մուգ շագանակագույնի երանգները, բայց չես ցանկանում «գորշ մուկ» լինել, հրաժարվիր մոխրագույնի ցանկացած երանգից՝ փոխարինելով ոսկեգույնով:

Շագանակագույն աչքեր

Տարածվածությամբ երկրորդն են եւ ամենավառն են: Գոյություն ունի ընդամենը մեկ երանգ, որը նրանց հակացուցված է՝ աչքերի գույնին համընկնող երանգը: Պարադոքս է, բայց դա կերպարի տեսքը շատ հասարակ եւ անհետաքրքիր է դարձնում: Բավական է այս կամ այն կողմ մեկ տոնով նահանջել, եւ միանգամայն այլ էֆեկտ կստացվի:

Եթե ցանկանում ես թխահեր լինել, լավագույն տարբերակը շագանակագույնի երանգներն են, մուգ կամ տեսանելի շիկակարմիր՝ ինքդ ընտրիր: Կարելի է նաեւ արմատական սեւ ընտրել. մուգ մազերի ֆոնին շագանակագույն աչքերն ավելի վառ են նայվում: Շագանակագույն աչքերով աղջիկներին ամենից շատ սազում են կարմրաշիկավունի երանգները, քանի որ բազային երանգը միանում է ծիծանաթաղանթի երանգին:

Եթե ցանկանում ես մազերը բաց երանգներով ներկել, ընտրիր կաթով, խտացրած կաթով սրճագույնը կամ բնական բաց փայտեգույնի երանգը: Ավելի լավ է խուսափել սառը երանգներից:

Թխահերների համար ամենաէֆեկտիվ գուներանգը շիկավունի երանգներն են: Շագանակագույնի կամ կարմրի, պղնձագույնի կամ ոսկեգույնի շեղմամբ՝ գործնականում շրջանակը սահմանափակված չէ:

Կապույտ աչքեր

Արգելված տարբերակ է շեկի տաք երանգները: Զարմացա՞ծ ես: Դա միանգամայն հասկանալի է, չէ՞ որ հենց տաք շեկ + կապույտ աչքեր համադրությունն է համարվում սլավոնական գեղեցկուհու չափանիշը: Ամեն ինչ ճիշտ է, եթե քեզ դուր է գալիս ռուս գեղջկուհու հովվերգական կերպարը եւ չի շփոթեցնում դրա ոչ ժամանակակից լինելը: Կապույտ աչքերի դեպքում շեկի տաք երանգները կերպարին հաղորդում են շինծու պարզություն: Կապույտ աչքերին չի սազում նաեւ շեկը՝ չափից ավելի շինծու է թվում:

Ի տարբերություն մոխրագույնի՝ պլատինային սառցե շեկը քո աչքերը անհատակ կդարձնի եւ շատ շահեկան կդիտվի:

Իսկ ահա մուգ երանգների դեպքում ազատ ես ընտրելու ցանկացած երանգ. սառը երանգները քո կերպարն ավելի ճակատագրական, նուրբ, ազնվազարմ կդարձնեն, իսկ տաք երանգները՝ ավելի անկեղծ: Ցանկացած դեպքում, մուգ մազերի կապույտ աչքերի համադրությունն ամենաէֆեկտիվներից մեկն է:

Կանաչ աչքեր

Հավանաբար քեզ մանկուց ասել են, թե ինչ գեղեցիկ աչքեր ունես: Կանաչ երանգն ամենահազվադեպ հանդիպողներից է, այդ պատճառով ուշադրություն է գրավում:

Արգելված է արմատական սեւը եւ շեկի բոլոր սառը երանգները:

Բայց ահա շիկակարմրի երանգների դեպքում բախտդ բերել է, ինչպես ոչ մեկին. այդ երանգները կատարելապես են համադրվում կանաչ աչքերին: Բաց պղնձագույնը, կրակակարմիրը, խորը թրծակավայինը հրաշալի ընտրություն է:

Եթե նախընտրում ես ավելի հանդարտ երանգներ, ընտրիր շիկամոխրագույնը. այդ երանգներն ընդգծում են կերպարի քնքշությունն ու կանացիությունը:

Մուգ երանգները շքեղ կնայվեն, հատկապես եթե նախապատվություն տաս սառը շոկոլադին կամ տաք կարամելին:

Աղբյուրը՝ Cosmo.ru


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել