Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

«Դասարանցիները». նոր գեղարվեստական ֆիլմի պրեմիերան

Նոր սիթքոմ Մկրտիչ Արզումանյանի, Անուշ Առաքելյանի եւ Արմեն Մարգարյանի մասնակցությամբ

Գրիգը՝ իր նոր տեսահոլովակի նկարահանումների եւ Սոնային Մարտի 8-ին նվեր չտալու մասին

Սոնա Շահգելդյանը՝ հոր կարոտի, կյանքի դժվարությունների եւ զավեշտալի մանկության մասին

Օսկար 2020-ի մրցանակակիրներն ու կարմիր գորգի լավագույն եւ վատագույն կերպարները

Շատ հուշեր ու սեր. ինչպե՞ս է անցել Քրիստինե Պեպելյանի մենահամերգն ու ինչպե՞ս է որդին՝ Արեգը, օգնել նրան իր էներգետիկայով

Իրինա Թովմասյանի՝ անակնկալներով լի 38-ամյակն ու 80-ականների dress code-ը

5 փաստ սեւ զգեստների մասին. Գայանե Մանուկյան

Հայկ Մարությանը ներկա է գտնվել Մկրտիչ Արզումանյանի «Save Միլիոն» ներկայացմանը

Ինչո՞ւ Հայկ Պետրոսյանը հանդես չի գա ներկայացումներով, եւ ի՞նչ շարժառիթ է ստեղծել արտիստի առաջին սերը

Գարիկ Մարտիրոսյանը խաղում է կարաոկե «ռուլետկա»

«Խնդրում եմ Աստծուց, որ առողջ լինենք ու երջանիկ լինեն իմ բալիկները». Օլյա Հակոբյանը որդիների հետ՝ NEWS.am STYLE-ի ամանորյա ֆոտոշարքում

Պարտադիր չէ կոչվենք Հոլիվուդ, որպեսզի հասնենք հաջողության. Երեւանում 8-րդ անգամ կանցկացվի «ՌեԱնիմանիա» կինոփառատոնը

16:35, 28 հոկտեմբերի

Հոկտեմբերի 28-ից նոյեմբերի 3-ը ընկած ժամանակահատվածում Երեւանում 8-րդ անգամ կանցկացվի «ՌեԱնիմանիա» անիմացիոն կինոյի և պատկերապատման արվեստի փառատոնը: Այսօր՝ հոկտեմբերի 28-ին, կայացած ասուլիսի ժամանակ փառատոնի կազմակերպիչներն ու հյուրերը խոսեցին այս տարվա կինոփառատոնի մանրամասների մասին.

«ՌեԱնիմանիա»-ի հիմանդիր-տնօրեն Վրեժ Քասունին նախ շնորհավորեց բոլորին անիմացիայի միջազգային տոնի առթիվ.

«Այսօր անիմացիայի միջազգային օրն է, դրանով է պայմանավորված այն փաստը, որ մենք միշտ փառատոնի բացումը կատարում ենք հենց այս օրը: Այս 8 տարիների ընթացքում անիմացիայի ոլորտն, անխոս, զարգացում է ապրել մեր երկրում: Դրա վառ ապացույցը մեր երիտասադ անիմատորների հաջողություններն են տարբեր փառատոնների ժամանակ, ինչպես նաեւ այդ մասին վկայում են տարեց տարի բացվող նոր ստուդիաները: Պարտադիր չէ կոչվենք Հոլիվուդ, որպեսզի այս ժանրում հասնենք հաջողության»,-նշեց նա:

Ֆրանսիան միշտ էլ աչքի է ընկել անիմացիոն ֆիլմերի հաջողություններով: Ասուլիսին ներկա էր նաեւ Հայաստանում Ֆրանսիայի դեսպան Ժան-Ֆրանսուա Շարպանտիեն, որը ողջունեց Հայաստանում նման փառատոնի անցկացման գաղափարը.

«Ստեղծման պահից ի վեր սատարել եմ այս փառատոնին եւ այս տարի արդեն 8-րդ անգամ մենք կլինենք Հայաստանում անցկացվող այս փառատոնի կողքին: Այս տարի փառատոնին կներկայանանք 4 գեղարվեստական ֆիլմով: Ֆիլմերի ժանրերը տարբեր են: Ցանկանում եմ, որ ամեն տարի մեծ ակտիվութփյամբ եւ ցանկությամբ մասնակցենք այս միջոցառմանը»:

Այս տարի առաջին անգամ «ՌեԱնիմանիա»-ին սատարելու է նաեւ Լեհաստանի դեսպանությունը, ինչի առթիվ իր ոգեւորությունը հայտնեց Հայաստանում Լեհաստանի դեսպան Եժի Մարեկ Նովակովսկին.

«Շատ ուրախ եմ, որ մեր դեսպանությունը եւս միացել է փառատոնին: Մենք ներկայացնելու ենք մոտ 11 անիմացիոն ֆիլմ, ինչը բավականին լավ ցուցանիշ է Լեհաստանի համար: Շատ ուրախ եմ, որ հայ հանդիսատեսը մեր ֆիլմերը գնահատելու առիթ կունենա»,-նշեց նա:

Ինչպես նախորդ տարիներին՝ այս տարի եւս բացի ֆիլմերի ցուցադրություններից կանցկացվեն նաեւ վարպետության դասընթացներ: Այդ առթիվ Հայաստան է ժամանել նաեւ ԱՄՆ-ի ամենահայտնի անիմատորներից մեկը՝ Բիլ Փլիմփթոնը.

«Ուրախ եմ, որ հնարավորություն կունենամ այտեղ ներկայացնելու իմ ֆիլմերն ու անցկացնելու վարպետության դասընթացներ: Իհարկե, մեծ ընկերությունների հետ աշխատելը լավ է, բայց ես միշտ կողմնակից եմ անկախ անիմատորների գործունեությանը: Իմ ներկայացրած ֆիլմերի ցանկում կան եւ լիամետրաժ, եւ կարճամետրաժ ֆիլմեր: Ինչպես արդեն նշվեց՝ պարտադիր չէ ապրել Հոլիվուդում՝ այս ոլորտում հաջողություններ գրանցելու համար: Ամեն ինչ կախված է աշխատանքի որակից: Հենց այդ հմտությունների մասին էլ կզրուցենք մեր դասընթացների ընթացքում»:

Տեղեկացնենք, որ այս տարի փառատոնին  մասնակցում են 95 երկրներից ներկայացված մոտ 450 ֆիլմեր: «ՌեԱնիմանիա»-ին մասնակցելու է նաեւ Բրիտանական խորհուրդը՝ ներկայացնելով «Շեքսպիրը կադրում» ֆիլմերի շարքը: Փառատոնը կմեկնարկի «Կարմիր կրիան» ֆիլմի ցուցադրությամբ:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ