Սիրուն Մինասը` բոտեքսի միֆերի եւ հակացուցումների մասին

Հայտնիներ, որոնք իրենց երեխաներին այսօր ուղեկցել են առաջին դասարան

«Ուզում եմ երեխա ունենալ». Շպռոտը` իր երազանքի և 41-ամյակին նվիրված խնջույքի մասին

Եվա Խաչատրյանի, Վիկտորյա Սահակյանի եւ այլ դերասանուհիների մասնակցությամբ բացօթյա ներկայացումը

Backstage. Մեգին շուտով կթողարկի ամառային, ռիթմիկ նոր տեսահոլովակ

Backstage. «Աշխատում ենք ամեն ձեւով իրականացնել իրենց երազանքը». Արուս Տիգրանյան

Անդրանիկ Հարությունյանը` արկածային մանկության մասին եւ ոչ միայն

Backstage. Ինչպես են ընթանում «Երկուսով» հեռուստասերիալի նկարահանումները

Դիանա Տոռեսը` ծնողների կորստի, սիրահարվածության եւ ատամնաբույժի մասնագիտությամբ չաշխատելու մասին

Ինչպես է անցել Լիլիթ Բասյանի եւ Ալեքսանդր Բաբասյանի որդու 6-ամյակը. ծնողների անակնկալն ու խնջույքը

«Գրիշան իմ երազած ավտոմեքենան է նվիրել». Շողեր Թովմասյանը 28-ամյակի անակնկալների եւ խնջույքի մասին

Հասմիկ Կարապետյանը` խենթ հուշերի, կյանքի դժվար շրջանի ու Շանթի հետ իրենց առաջին հանդիպման մասին

Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Շոու-բիզնեսն ու հայ բեմի սիրված դերասանները` Էվելինա Շահիրյանի հոբելյանական երեկոյին (ֆոտոռեպորտաժ)

13:51, 4 նոյեմբերի

Գեղեցիկ, հմայիչ, կանացի եւ հավերժ երիտասարդ. այսպես են ընկերներն ու գործընկերները բնութագրում հայկական թատրոնի եւ կնոյի սիրված դերասանուհի, ՀՀ վաստակավոր արտիստ Էվելինա Շահիրյանին, որի ծննդյան 75-րդ հոբելյանին նվիրված երեկոն կայացավ երեկ` նոյեմբերի 3-ին, Հրաչյա Ղափլանյանի անվան դրամատիկական թատրոնում:

Երեկոն անակնկալ էր տիկին Էվելինայի համար, իսկ գլխավոր «մեղավորներն» ընտանիքի անդամներն էին` զավակներն ու թոռները, որոնք համերգային ծրագրի սկզբում փոքրիկ «վիճաբանություն» ունեցան, թե ով պետք է առաջինը հայտարարի սիրելի տատիկի անունը, թեպետ խոստովանում են` նրան նայելով դժվար է ասել տատիկ:

«Ամբողջ կյանքումս տատիկիս ասում եմ «մամա»: Երբ 8 ամսեկան էի, հայրիկիս տարան բանակ եւ մայրիկիս հետ ապրում էինք տատիկիս ու պապիկիս տանը: Մայրիկս ու մորեղբայրս տատիկիս ասում էին մամա, ես էլ փոքր էի ու այդպես նրանցից սովորեցի ու տատիկիս սկսեցի անվանել մամա: Կարծում եմ` դա շատ տրամաբանական է. նրան նայելով կարելի է ասել, որ կարող էր նաեւ մայրիկս լինել»,-նշեց հաղորդավար Արման Մարգարյանը, որը ողջ երեկոն վարում էր մայրիկի` Նաիրա Շահիրյանի հետ:

Շնորհավորանքներ, հուշեր, հատուկ մրցանակներ եւ պարգեւներ. օրն անակնկալներով լի էր տիկին Շահիրյանի համար: Իսկ օրվա ամենախորհրդանշկան պարգեւներից մեկը Գրիգոր Նարեկացու հուշամեդալն էր, որը դերասանուհուն հանձնեց ՀՀ մշակույթի նախարար Արմեն Ամիրյանը`  թատերարվեստում ոււնեցած նշանակալից ավանդի համար.

«Հայտնի կարծիք կա, որ կան մարդիկ, որոնց դեմ ժամանակն անզոր է: Այս պարագայում մենք գործ ունենք մի մարդու հետ, որն ինքն է ստեղծում ժամանակն ու ժամանակաշրջանը եւ այդ ժամանակաշրջանի մեջ ստեղծում է մարդկային երեւակայությունները: Ես ընտրեցի ռեժիսորի մասնագիտությունը, որպեսզի իմ սիրելի դերասանուհուն` Էվելինա Շահիրյանին, կարողանամ նկարահանել իմ ֆիլմերում: Ցավոք, չստացվեց, բայց շատ հպարտ եմ, որ կարող եմ համարվել նրա գործընկերը, որովհետեւ նա իր կարիերան սկսել է հեռուստատեսությունից:»,-նշեց պարոն Ամիրյանը:

Երեկոյի ընթացքում շատերը շնորհավորեցին տիկին Էվելնային, բարեմաղթանքներ ուղղեցին եւ արտահայտեցին իրենց հպարտությունը` նման ընկեր եւ կոլեգա ունենալու առթիվ, սակայն դերասանուհի Նաիրա Շահիրյանի խոսքն ավելի քան հուզիչ էր.

«Բոլորի համար դու սիրված դերասանուհի ես, գեղեցկության խորհրդանիշ, սակայն ինձ համար դու իմ անփոխարինելի մայրիկն ես ու ես միշտ թաքուն հպարտացել եմ, որ իմ մայրիկն աշխարհում ամենագեղեցիկն է»:

Եվ իրոք, տիկին Էվելինայի գեղեցկության  եւ հմայքի մասին մեկ անգամ չէ, որ խոսվեց երեկոյի ընթացքում: Իսկ ո՞րն է նրա գեղեցկության եւ հաջողության գաղտնիքը.

«Այդ հարցը ինձ միշտ տալիս են, սակայն ես չգիտեմ, թե որն է այդ գաղտնիքը: Պարզապես, պետք է հոգում ոչ մի վատ բան չպահել, ուրախանալ յուրաքանչյուր օրով, լինել բարի…»,-նշում է վաստակավոր դերասանուհին, որի կյանքում, սակայն, եւս եղել են դերեր, որոնք նա այդպես էլ չի մարմնավորել.

«Իհարկե, յուրաքանչյուր դերասան էլ երբեմն երազում է մի որեւիցե դեր խաղալ, սակայն չի ստացվում, իմ կյանքում էլ շատ են եղել այդպիսի դերեր, բայց, ամեն դեպքում, ինձ տրված բոլոր դերերն էլ հաճույքով եմ խաղացել»:

Սիրելի դերասանուհուն շնորհավորելու էին եկել հայկական բեմի մյուս անվանի եւ սիրված դերասաններն ու արվեստի հայտնի գործիչները, նրանց թվում էին` Գուժ Մանուկյանը, Արմեն Մարությանը, Տիգրան Ներսեսյանը, Նելլի Խերանյանը, Սոֆի Դեւոյանը, Արա Գեւորգյանը, Ժան Նշանյանը, Շաքե Թուխմանյանը, Լուիզա Ղամբարյանը, Գոհար Իգիթյանը, Սամվել Բաղինյանը, Հրաչյա Հարությունյանը, Արթուր Ութմազյանը, Ջուլիետա Բաբայանը եւ այլք: Հոբելյանական երեկոյին ներկա էր նաեւ Առաջին տիկին Ռիտա Սարգսյանը:

Իրենց ելույթներով տիկին  Էվելինային շնորհավորեցին հայկական էստրադայի հայտնի կատարողներ Ֆորշը, Արսեն Սաֆարյանը, Էմմա Պետրոսյանն ու Հայկոն:

Էվելինա Շահիրյանի հոբելյանական երեկոյի մանրամասները` մեր ֆոտոռեպորտաժում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ