Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Գարիկ Մարտիրոսյանը՝ Comedy Club-ի 500-րդ թողարկման, նախագծի պատմության եւ ակումբի ռեզիդենտների մասին

12:29, 8 դեկտեմբերի

Գարիկ Մարտիրոսյանը հազվադեպ է հարցազրույց տալիս, բայց շոումենը չէր կարող չմեկնաբանել այնպիսի նշանակալի իրադարձություն, ինչպիսին բոլորի կողմից սիրված Comedy Club-ի 500-րդ թողարկումն է:

Ռուսական Gazeta.ru-ին տված հարցազրույցում Մարտիրոսյանը պատմել է, թե ինչպես է շոուն հայտնվել հեռուստատեսությունում, թույլատրելի հումորի եւ այն մասին, թե ինչպես է կարող է փողոցից որեւէ մեկը դառնալ ակումբի ռեզիդենտ:

«Մենք հանգիստ ենք վերաբերվում մեր թեթեւ ժանրին, մեզ լուրջ գործիչներ չենք ձեւացնում: Եվ դեմ ենք, որպեսզի հուշարձաններ կանգնեցնենք մեզ համար կամ արդյունքներ ամփոփենք, քանի դեռ գործում ենք: Այդ պատճառով ամեն ինչ առանց ավելորդությունների կլինի:

500-րդ թողարկումը հերթական զվարճալի հաղորդումն է՝ նոր ծիծաղելի համարների պրեմիերայով: Իհարկե՝ երեք ռեզիդենտների մասնակցությամբ, որոնք վաղուց բեմում չեն եղել:

Այնքան շատ չէինք, որքան կցանկանայինք, բայց շնորհակալություն բոլորին, որ հավաքվեցին, եկան եւ միասին նշեցինք այդ հոբելյանը: Ամենակարեւորը, որով առանձնանում է այս թողարկումը, աներեւակայելի գեղեցիկ, շատ համեղ տորթն է»,- պատմել է Գարիկը:

Հայտնի երգիծաբանն անդրադարձել է նաեւ հումորի որակի փոփոխություններին:

«Ցանկացած ստեղծագործություն ճահճի է վերածվում, եթե տեղում կանգնած է: Այդ պատճառով մենք անընդհատ առաջ ենք շարժվում, փորձարկումներ ենք անում: Մեր ստեղծագործությունը փորձ է, մարտահրավերներ, որոնք ինքներս ենք մեզ առաջադրում, պատնեշներ, որոնք մենք ենք ստեղծում ու փորձում ենք հաղթահարել:

Եթե այսօր հաղորդումները համեմատենք 11-ամյա վաղեմության Comedy Club-ի հետ, սարսափելի փոփոխություններ կարող ենք տեսնել: Այն ժամանակ ուրախ հիմարություններ էին՝ թատերական տարրերով, ցինիկ ուրախ գործողություններով, ինչ-որ առումով՝ շատ աբսուրդ: Հիմա, իհարկե, Comedy Club-ում աբսուրդի տարրը հումորում պահպանվել է, բայց ամեն ինչ ավելի պրոֆեսիոնալ եւ ժամանակակից ձեւով է արվում:

Սկզբում Comedy Club-ում էին Տաշ Սարգսյանը, Արտակ Գասպարյանը, Արթուր Ջանիբեկյանը, շատ այլ տաղանդավոր տղաներ: Նրանք ոչ միայն «Նոր հայերն» էին եւ ոչ միայն ՈՒՀԱ-ից. կային Գարիկ Խառլամովը, Պաշա Վոլյան, Սլավա Բլագոդարսկին՝ պիտերյան թիմից: Ես նրանց շարքում չէի: Նրանք հավաքվեցին եւ որոշեցին անդերգրաունդային, ինչ-որ առումով խուլիգանական, առանց որեւէ արգելքի ազատ շոու ստեղծել: Եվ առաջին երկու կամ երեք տարին Comedy Club-ը գործում էր ակումբային նախագծի տեսքով, ելույթ էր ունենում փոքր ակումբներում, որոնք հումորի հետ ոչ մի առնչություն չունեին: Դա հատուկ որոշում էր: Հիմնական խնդիրը հյուրերին զվարճացնելն էր՝ անկախ նրանց տրամադրությունից:

Մեզ մոտ բազմաշերտ հասարակություն էր հավաքվում՝ միլիարդատերերից եւ ընկերներից մինչեւ այնպիսի լեգենդար պրոֆեսիոնալներ, ինչպիսին Ալեքսանդր Աբդուլովն է: Չեմ ուզում բոլորին թվարկել: Եվ մենք փորձում էինք բոլորին ծիծաղեցնել՝ չտրվելով հանդիսատեսի ճաշակին, ձգտում էինք, որ դա նաեւ մեզ հետաքրքիր լինի: Դա իսկական ստեղծագործական պրոցես էր»,- հիշել է Գարիկ Մարտիրոսյանը:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել