Հաշված օրերից արդեն պարզ կդառնա, թե ով է ներկայացնելու Հայաստանը «Եվրատեսիլ-2017» երգի մրցույթում: Սակայն մինչ այդ հայ հեռուստադիտողը շարունակում է հետեւել «Դեպի Եվրատեսիլ» նախագծի մասնակիցների թեժ պայքարին:
Այս նախագծի շնորհիվ սիրվեցին շատ արտիստներ, նույնիսկ, նրանք, որոնք այս պահին այլեւս չեն շարունակում պայքարը մրցույթում: Նրանց թվում է նաեւ գեղեցկուհի Հասմիկ Շիրոյանը, որին հեռուստադիտողը կհիշի նաեւ ուկրաինական «Ձայնը» նախագծից, որտեղ նա հանդես էր գալիս Անի Լորակի թիմում:
Ինչպե՞ս Հասմիկը որոշեց մասնակցել «Դեպի Եվրատեսիլ»-ին, ի՞նչ է կարծում Իվետա Մուկուչյանի ընտրության մասին եւ արդյոք շարունակո՞ւմ է համագործակցել Անի Լորակի հետ:
Այս եւ մի շարք այլ հարցերի պատասխնները ստացանք հենց Հասմիկից:
«Նախագծին մասնակցելու հրավերը լսումների փուլից մի քանի օր առաջ եմ ստացել: Շատ ժամանակ չունեի մտածելու համար: Որոշեցի թողնել Կիեւում իմ ունեցածն ու գալ Հայաստան` նախագծին մասնակցելու նպատակով»,-ասում է Հասմիկը, որը նախկինում առանձնապես հետաքրքրված չի եղել «Եվրատեսիլ»-ով:
«Երեւի վերջին տարիներին եմ սկսել հետեւել այս մրցույթին, երբ արդեն ինքս սկսեցի մասնակցել մեծամասշտաբ եւ միջազգային նախագծերին: Այն ինձ համար միշտ մշուշոտ է եղել` եւ տեսել եմ ինձ այնտեղ, եւ, միեւնույն ժամանակ, չեմ տեսել: Բայց այդ բեմը գրավելը կարելի է համեմատել մի մեծ բարձրունք գրավելու հետ: Զգում եմ` ամեն ինչ դեռ առջեւում է»:
Հասմիկի խոսքով` ինքն իզուր չէր եկել Հայաստան եւ միանշանակ հաղթելու ցանկությունը մեծ էր, սակայն երգչուհին առավել գնահատում է այն սերը, որը զգացել է հայ հեռուստադիտողի կողմից.
«Իմ երկրպագուները, նույնիսկ, միավորվել եւ հարցում էին ստեղծել` խնդրելով, որ ինձ վերադարձնեն նախագիծ: Մինչեւ հիմա ինձ շատերն են ոգեւորում: Ես շատ շնորհակալ եմ նաեւ այնպիսի ազդեցիկ մարդկանց, ինչպիսիք են` Հ.Ա. Դեր Հովան եւ Թամար Կապրելյանը, որոնք ինձ շատ են աջակցում: Այս ամեն ինչը հաշվի առնելով` ժյուրիի ընտրությունն ինձ չի հիասթափեցնում: Իվետան միջազգային մակարդակի երգչուհի է: Նա սիրված է շատերի` այդ թվում նաեւ իմ կողմից: Այնպես որ` եթե նա որոշել է ինձ չընտրել եզրափակչի համար, ուրեմն այդպես է ճիշտ համարել: Ես իրավունք չունեմ քննարկել նրա որոշումը: Ես, պարզապես, շատ շնորհակալ եմ նրան` թե փորձի, թե շփման համար»,-ասում է երգչուհին, որն, ի դեպ, արդեն մեկնել է Հայաստանից.
«Հայաստանից մեկնել եմ նախագծից դուրս մնալուց մոտ մեկ ամիս հետո: Հիմա կրկին ապրում եւ աշխատում եմ Կիեւում: Ինչպես նախկինում` հիմա էլ երաժշտությամբ եմ զբաղվում: Գրում եմ երգեր, համագործակցում եմ շատ տաղանդավոր մարդկանց հետ»:
Երգչուհուց հետաքրքրվեցինք նաեւ արդյոք այժմ կապ պահո՞ւմ է իր մարզչի` Անի Լորակի հետ.
«Ցավոք սրտի` ոչ: Շոուից հետո ես գնացի իմ ճանապարհով: Անի Լորակը շատ պրոֆեսիոնալ անձնավորություն է, հուսով եմ` կյանքի բերումով դեռ կհանդիպենք»,-պատասխանեց նա:
Հասմիկը խոստովանում է` «Դեպի Եվրատեսիլ»-ի լսումների ժամանակ շատ տաղանդավոր երգիչների հետ է ծանոթացել.
«Անգիտակցաբար բոլորին սկսում էի համեմատել «Ձայնը» նախագծի մասնակիցների հետ: Հայերն ինձ զարմացրեցին իրենց ձգտող տեսակով: Շատերը եկել էին աշխարհի տարբեր ծայրերից` հույս ունենալով, որ, միգուցե, հենց իրենք կներկայացնեն Հայաստանն այդ հեղինակավոր մրցույթում: Շատերին եմ համարում արժանի մրցակիցներ ու ամեն անգամ համոզվում եմ` դիտելով նրանց ելույթների եթերային տարբերակները: Բայց սա երաժշտական մրցույթ է եւ, բնականաբար, ես ունեմ իմ ֆավորիտը, սակայն նրա անունն առայժմ չեմ ցանկանում բարձրաձայնել: Խոստանում եմ` եթե նա հաղթի, սիրով կշնորհավորեմ նրան սոցիալական կայքերի միջոցով»:
Ինչ վերաբերում է Հայաստան վերադառնալուն եւ կրկին ուժերը «Եվրատեսիլ»-ի համար փորձելուն` Հասմիկը նշեց.
«Ժամանակն ամեն ինչ ցույց կտա: Ես մի փոքր անկանխատեսելի մարդ եմ: Երբեմն գլխումս ծրագրեր եմ մշակում, իսկ կյանքի բերումով այլ բաներ եմ անում: Այնպես որ` կանխատեսումներ չեմ կարող անել, բայց մի բան հստակ է`միշտ սիրով պատրաստ եմ վերադառնալ հայրենիք»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ