• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Քչերին է հայտնի, որ «Ֆուլ հաուս» եւ «Change» սիթքոմներից հայտնի դերասանուհի Լիլիթ Հարոյանը զբաղվում է նաեւ յոգայով եւ ունի յոգայի միջազգային մարզչի կոչում: NEWS.am STYLE-ի նոր ֆոտոշարքում դերասանուհին ցուցադրեց յոգայի ամենաբարդ դիրքերից մի քանիսը եւ կիսվեց մեզ հետ իր փորձով: 

Լիլիթ, երբվանի՞ց յոգան սկսեց հետաքրքրել քեզ:

Դեռեւս տարիներ առաջ ինձ համար շատ կարեւոր մարդիկ խորհուրդ էին տալիս զբաղվել յոգայով: Լսում էի նրանց, բայց չէի գործում: Սակայն մոտավորապես 4 տարի առաջ մի դեպք պատահեց ինձ հետ, որը ճակատագրական եղավ ինձ համար: Հասկացա, որ պետք է զբաղվեմ յոգայով: Այդ օրվանից սկսած յոգան դարձավ իմ, իսկ ես նրա անբաժանելի մասնիկը: Ինձ միշտ հետաքրքրել է ավելին իմանալ մարդու, կյանքի ու դրա իմաստի մասին, ահա թե ինչու եմ ընտրել հոգեբանի մասնագիտությունը: Թերեւս, այն միակ գիտությունը, որը տվել է բոլոր հարցերիս պատասխանները, յոգան է:

Ասում են՝ յոգան հաճախ փոխում է մարդու բնավորությունն ու վերաբերմունքը այս կամ այն երեւույթի նկատմամբ: Քո մեջ զգացե՞լ ես փոփոխություններ:

Յոգան օգնում է ներքին լուրջ աշխատանք տանել ինքներս մեզ հետ, ազատվել մանկուց ստեղծված կարծրատիպերից, սովորություններից, կախվածություններից ու կապվածություններից: Յոգայով զբաղվելով՝ մենք փոխում ենք մեր վերաբերմուքը երեւույթների նկատմամբ`դառնալով ավելի ներդաշնակ, էներգիայով լի եւ կենսուրախ: Զզացողությունների պատճառը միտքն է: Յոգայի օգնությամբ մենք կարողանում ենք կառավարել ոչ միայն մեր մարմինը, այլեւ մտքերն ու էմոցիաները: Այժմ ես դարձել եմ ավելի ներդաշնակ, առողջ, երջանիկ, էներգիայով եւ երախտագիտությամբ լեցուն:

Նկատեցի, որ որոշ դիրքեր պահանջում են ճկուն մկաններ: Սպորտով զբաղվե՞լ ես, թե այդ ամենին կրկին հասել ես յոգայի շնորհիվ:

Ի դեպ, այդ դիրքերը յոգայի մեջ կոչվում են ասանաներ: Որեւէ սպորտով խորապես չեմ զբաղվել: Մարմինս մանկուց ճկուն է եղել, բայց յոգայի շնորհիվ ավելի է կատարելագործվել: Ուրախալի է նաեւ այն փաստը, որ յոգան ֆիզիկական դիրքերի առումով անսահմանափակ է եւ անընդհատ աճելու տեղ ես ունենում:

Գիտեմ նաեւ, որ ինքդ էլ յոգայի մարզիչ ես...

Ունեմ յոգայի միջազգային մարզչի կոչում: Ինքս ինձ ուսուցիչ անվանելիս մի փոքր ամաչում եմՈւնեմ յոգայով զբաղվելու փորձ եւ շատ ուրախ եմ, որ այդ փորձով կարող եմ կիսվել ուրիշների հետ: Ինքս գերադասում եմ մնալ աշակերտ եւ միշտ սովորել: Իմ սաներին տված առաջին խորհուրդս հետեւյալն է` եթե երբեւէ համեմատելու ես քեզ ինչ-որ մեկի հետ, ապա միայն ինքդ քո: Պետք է կարողանալ լինել պահի մեջ եւ չթողնել, որ մտքերն անընդհատ տանեն մեզ անցյալ կամ ապագա: Պետք է անընդհատ կարողանանք շնորհակալ լինել այն ամենի համար, ինչ ունենք:

Համամի՞տ ես այն մտքի հետ, որ ներշնչանքի միջոցով կարելի է հասնել ամեն ինչի, նույնիսկ բուժել ամենաբարդ հիվանդությունները:

Յոգայի ֆիզիկական ասպեկտը կարգավորում է բոլոր էներգետիկ հոսքերը մարմին, ապահովում է լավ նյութափոխանակություն, արյան լավ շրջանառություն, առողջ ռեգենարացիա, տալիս է մարմնին ճկունություն, բալանս, առողջ մեջք ու նյարդային համակարգ, նաեւ գեղեցիկ ու ձիգ կեցվածք: Միանշանակ, համամիտ եմ այն մտքի հետ, որ ներշնչանքով կարելի է բուժել ոչ միայն ծանր հիվանդությունները, այլեւ փոխել կյանքը:

Որքա՞ն հաճախ է թույլատրվում զբաղվել յոգայով: Արդյոք կա՞ն սահմանափակումներ:

Կոնկրետ ոչ մի սահմանափակում չկա: Ես միշտ ասում եմ` մարդ պետք է  կարողանա լսել իր օրգանիզմին: Այն անհատական է...Յոգան սովորեցնում է մեզ ավելի լավ ճանաչել մեր մարմինը, ուստի զգալ, թե ինչ հաճախականությամբ կարելի է անել ֆիզիկական դիրքերը: Յոգան ապրելաոճ է:

Լավ, անցնենք հեռուստատեսությանը... այս պահին ի՞նչ նորությունների շուրջ ես աշխատում:

Այս պահին նկարահանվում եմ «Change» սիթքոմում: Ի դեպ, նաեւ հեռուստատեսությունից առաջարկ ունեմ հենց յոգայի հետ կապված:

Յոգայով զբաղվելը օգնո՞ւմ է հեռուստատեսության աշխատանքի մեջ:

Յոգան օգնում է, որ հատուկ շնչառական վարժությունների շնորհիվ հուզմունքս հասցնեմ նվազագույնի, շուտ չհոգնեմ, կարողանամ ավելի լավ կենտրոնանալ: Նկարահանման դադարների ժամանակ, երբեմն յոգայի դիրքեր եմ ընդունում (ծիծաղում է):

Ի դեպ, հիմնական կրթությանս զուգահեռ սովորել եմ նաեւ Երգի պետական թատրոնի հաղորդավարական բաժնում: Այնպես որ` գուցե ինձ կրկին տեսնեք հաղորդավարուհու կարգավիճակում:

Սյունե Առաքելյան

Լուսանկարները՝ Նարեկ Տ.Պ.

Նկարահանումն իրականացվել է «Լույս» յոգա ստուդիայում

Հետևեք NEWS.am STYLE-ին Facebook-ում, Twitter-ում և Instagram-ում