Մոդել եւ գեղեցկուհի Լիլիթ Մարտիրոսյանին, որն անցած տարի ներկայացրել է Հայաստանը Շրի Լանկայում տեղի ունեցած Miss Intercontinental-2016 գեղեցկության մրցույթում, NEWS.am STYLE-ը բազմիցս անդրադարձել է:
Այս անգամ որոշել ենք ձեր ուշադրությանը ներկայացնել գեղեցկուհի մոդելին մեկ այլ տեսանկյունից՝ նրա հետ զրուցելով ոչ միայն մասնագիտական ձեռքբերումների, այլեւ այլ թեմաների շուրջ: Իսկ նման բացահայտումներ անելու լավագույն տարբերակն, իհարկե, բլից հարցումն էր:
Ի դեպ, մոդելը լուսանկարվել է նաեւ մեր արեւոտ ֆոտոշարքում, որը կարծում ենք՝ շատերիդ կտաքացնի այս ցուրտ ձմռան օրերին
-Լիլիթ, ո՞րն է եղել տարվա ամենամեծ ձեռքբերումդ...
-2016-ը շատ լավ տարի էր եւ այն ինձ բերեց մի շարք ձեռքբերումներ, անակնկալներ, ճամփորդություններ, շատ ընկերներ, հաճելի էմոցիաներ, ժպիտներ եւ աշխատանքային բազում հաջողություններ: Տարվա մեծագույն ձեռքբերումս Miss Armenia Intercontinental-2016 տիտղոսին արժանանալն էր, որից հետո մեկնեցի Շրի Լանկա եւ մասնակցեցի համաշխարհային մեծ ճանաչում ունեցող Miss Intercontinental-2016 գեղեցկության մրցույթին: Այստեղ գրանցած բազում հաջողություններից զատ՝ ինձ նկատեց նաեւ մրցույթի գլխավոր հովանավորը՝ Biona մաշկի եւ մազերի խնամքի ընկերությունը, որն ամենամեծն է Շրի Լանկայում: Նրանք բոլոր մասնակիցների միջեւ մաշկի հետազոտություն կատարեցին, որի արդյունքում հաղթեցի ես եւ ինձ ճանաչեցին Miss Intercontinental Biona Beauty: Այս ամենին չէի կարող հասնել առանց իմ ընտանիքի օգնության, հատկապես, եղբայրս ինձ շատ է աջակցում: Հատուկ շնորհակալություն եմ ուզում հայտնել պարոն Աշոտ Խաչատրյանին, որի շնորհիվ շատ հայ գեղեցկուհիներ միջազգային բեմերում Հայաստանը ներկայացնելու պատվի են արժանանում: Ի դեպ, 2017 թ-ին շատ արտառոց լուր ենք հայտնելու՝ կապված առաջիկա գերհզոր մրցույթի հետ: Այդ մասին բացառիկ կերպով կտեղեկացնենք NEWS.am STYLE-ին:
-Ի՞նչ է քեզ համար գեղեցկուհու տիտղոսը:
-Կասեմ կարճ՝ իմ երկրի գեղեցկուհու տիտղոսը կրելն ու տարբեր երկրներում հանդես գալն ինձ համար մեծ պատիվ ու հպարտություն է:
-Որո՞նք են գեղեցկուհի լինելու դժվարությունները:
-Մեր կյանքում ամեն ինչ հեշտ ու դժվար դարձնում ենք ինքներս: Կապ չունի ոլորտը, յուրաքանչյուր մարդ ինքն է կառուցում իր կյանքն՝ իր մտքով եւ գիտակցությամբ: Երբ մարդը ներդաշնակ է իր մարմնի եւ հոգու հետ, կարող է շատ հեշտ ապրել ու վայելել Աստծո կողմից տրված ամենօրյա պարգեւները եւ, ի վերջո, միշտ փառք տալ Աստծուն, որ ապրում է...
-Եթե չլինեիր մոդել...
-Կլինեի մեծ թենիսի մարզուհի:
-Ո՞ր ճանաչված լուսանկարչի հետ ես երազում աշխատել:
-Ես ավելի վեհ երազանքներ ունեմ: Իրականում, ես երազկոտ մարդ չեմ: Սիրում եմ իմ առաջ դնել նպատակներ ու հասնել դրանց. ոչ թե երազել, այլ գործել:
Լուսանկարիչների հետ միշտ հաճելի է աշխատել, հատկապես, նրանց հետ, ովքեր կարողանում են ցույց տալ մարդու հոգին՝ շեշտը դնելով նրա աչքերի վրա: Այս պահին չկա որեւէ լուսանկարիչ, որին կարող եմ մատնանշել: Լուսանկարչությունն արվեստ է, որին քչերն են տիրապետում, իսկ ովքեր տիրապետում են, արժանանում են իմ մեծ հիացմունքին:
-Ո՞ր ամսագրի շապիկին կցանկանայիր տեսնել քո լուսանկարը:
-Vogue New York:
-Երբեք չես անի…
-Երբեք չեմ ուրանա իմ սկզբունքները:
-Ինչպիսի՞ տղամարդու հետ կկապեիր կյանքդ:
-Բարդ հարց է… Երբ հանդիպեմ այն միակին ու հավատամ, որ իրոք սեր կա, կնկարագրեմ Նրա ինչպիսի լինելը: Հիմա քանի որ չկա ընտրյալ, կամ մեկը, որին սիրում եմ, չեմ կարող միայն պատկերացումներով նկարագրել, թե ում հետ կկապեի կյանքս: Դա կարծում եմ՝ անիմաստ ռոմանտիզմի դրսեւորում կլինի:
-Լիլիթ Մարտիրոսյանը՝ 10 տարի անց…
-10 տարի անց եւս չեմ դադարի լինել բեմի մարդ, արդեն ուրիշ բնագավառում: Խոսքը դերասանական արվեստի մասին է, քանի որ այն ինձ շատ է գրավում: Առաջ Աստված… ամեն ինչ շատ լավ է լինելու: Չէ՞ որ, լավատեսությունը միայն լավ իրադարձություններ է բերում մեր կյանք:
Նյութը՝ Սյունե Առաքելյան
Լուսանկարները՝ Արման Ղարիբյանի
Դիզայներներ՝ Լիանա Սարգսյան/ElSi, Ջուլի Խանջյան
Դիմահարդար Քրիստինա Սիմոնյան
Գեղարվեստական ղեկավար՝ Սաքո Մկրտչյան
Նկարահանումն իրականացվել է Congress Hotel-ում
Հատուկ շնորհակալություն Ջոննիին
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից