Նկարում ենք Քիմ Քարդաշյանին. հայ նկարչուհու փորձարկումը՝

Մերի Մակարյանի 32-ամյակն ԱՄՆ-ում

Despacito-ն՝ երեւանցիների կատարմամբ. NEWS.am STYLE-ի երաժշտական ֆլեշմոբը

«Իմ մասնակցությամբ ֆիլմերը դիտելիս քնում եմ». Ռոբերտ Դե Նիրոն դարձավ 74 տարեկան

Քլոե Քարդաշյանի զուգընկերը նրան Հայաստանի զինանշանով ոսկե կախազարդ է նվիրել

Պուշկին փողոցի վտանգված շենքերը

Մադոննան դարձավ 59 տարեկան

«Հայրենիքում վախի օրեր շատ ապրեցի». օգոստոսի 16-ը էլվինա Մակարյանի ծննդյան օրն է

Կարապի լճում շարժական քանդակների ցուցահանդես է բացվել

Ամուսնության առաջարկություն՝ Արագածի գագաթին

Արաբո Իսպիրյանն իր հարսանիքի օրը անակնկալ ելույթ է ունեցել Հյուսիսային պողոտայում

Կադրեր՝ Սիրուշոյի նոր տեսահոլովակի նկարահանման ընթացքից

Ավանդական եւ ժամանակակից տարրերով հարսանիք՝ Սաղմոսավանքում

«Իմ ողջ կյանքի ընթացքում ես մի բանից եմ վախեցել». Հոլի Բերին դարձավ 51 տարեկան

Միլա Կունիսը նշում է ծննդյան 34-ամյակը

Shine&Food. Խոհարարի տետրից «գողացված» բաղադրատոմս

Ջուսի խելահեղ ելույթն ու դիջեյների միքսերը` Երիտասարդների միջազգային օրվան նվիրված միջոցառմանը

Քայլի Ջենները դարձավ 20 տարեկան. գեղեցկուհու TOP 10 ամենաոճային կերպարները

Ի՞նչ հագնել Ամանորի գիշերը տանը, ռեստորանում եւ ընկերական շրջապատում. դիզայներ Թերեզա Ղարաբաղցյանի խորհուրդը (ֆոտո)

12:08, 27 դեկտեմբերի

Կրկին Ամանոր ու կրկին սպասված հարց` ի՞նչ հագնել տարվա ամենակախարդական գիշերը դիմավորելիս: Ամեն տարի այս հարցը հուզում է հազարավոր կանանց: Մենք էլ փորձեցինք պատասխանել հայուհիներին տանջող հարցին եւ զրուցեցինք երիտասարդ դիզայներ Թերեզա Ղարաբաղցյանի հետ, որն աչքի է ընկնում իր յուրօրինակ եւ նուրբ ճաշակով.

«Որքան էլ որ մեզանից յուրաքանչյուրը ունենա ձեւավորված նախասիրություններ, մոտեցումներ, նախընտրելի գույներ հագուստի հարցում, միեւնույն է մենք, անգամ ենթագիտակցորեն, ձգտում ենք հետեւել թրենդներին:  Հատկապես, երբ խոսքը կարեւորագույն առիթներին լավագույնս ներկայանալու մասին է: Իսկ ինչպես ասում են` տարվա գլխավոր երեկոն ավելին քան առիթ է՝ մանրամասնությամբ պատրաստվելու եւ  երանելի տեսքով ներկայանալու համար»,-համոզված է դիզայները, որը խորհուրդ է տալիս հագնվել միջավայրին համապատասխան.

«Եթե Ամանորի գիշերը դիմավորելու եք ռեստորանում, ապա  միանշանակ պետք է ներկայանալ վառ, առանձնացող եւ  շատ շքեղ տեսքով: Խրախուսելի է երկար զգեստը, կամ շքեղ գործվածքից կամբինիզոնը, որը պետք է շատ համապատասխան լինի ձեր մարմնի կառուցվածքին:

Հաճոյախոսությոնները Ձեզ կուղեկցեն ողջ երեկոյի ընթացքում, եթե ընտրեք նաեւ միջին երկարության (ծնկներից ավելի քան 15 սմ երկար) զգեստ, կամ կիսաշրջազգեստի  ու բլուզի համադրություն:

Խուսափեք կարճ ու մարմինը խիստ ընդգծող զգեստներից: Եթե նույնիսկ շատ եք ուզում կարճ զգետով լինել այդ երեկո, ապա գոնե ընտրեք թույլ ձեւվածքներ, նույնիսկ ձեր չափսերից մեծ տարբերակով (oversize):

Համեմատաբար ավելի փոքրիկ ընկերական կամ ընտանեկան խնջույքի դեպքում ընտրեք թեթև կոկտելային, հարմարավետ, ոչ այդքան պարտադրող լուծումներ:

Եթե Ամանորը որոշել եք դիմավորել տանը` ընտանկան միջավայրում, ապա այս դեպքում օգնության են գալիս ամենաթրենդային լուծումները՝ գիշերազգեստ հիշեցնող տաք հագուստները, որոնք այնքան հարմարավետ են տոնը վայելելու համար: Այս տարբերակին կարող են փախարինել նաև հենց տոները խորհրդանշող բլուզներով:

Իսկ այ եթե երեկոն պատրաստվում եք նշել Ձեր սիրելիի հետ, ապա սա այն դեպքն է, երբ անկասկած պետք է ընտրել ամենաշքեղ զգեստը, ցանկալի է մինչեւ հատակ երկարությամբ: Գույների եւ գործվածքի հարցում, նույնպես, այստեղ համարձակ եղեք: Ձեզ թույլ տվեք այդ երեկո այն զգեսը, որը գուցե այլ առիթով որեւէ անգամ այլեւս չկրեք»,-մանրամասնեց դիզայները:

Ինչ վերաբերում է տարվա թրենդային գույնին` ապա Թերեզի խոսքով` այս հարցում թրենդները թույլ են տալիս ընտրության լայն հնարավորություն, սակայն այս տարի նույնպես դոմինանտ է համարվում կարմիր գույնը, իր բոլոր երանգներով՝ հատկապես մուգ:

«Բայց մի շտապեք «տխրել», եթե կարմիրը, այնուամենայնիվ, չի կարողանում «գրավել» ձեր սիրտը: Կարող եք ընտրել կանաչի ու կապույտի մուգ երանգների մեջ, որոնք նույնպես կօգնեն ձեզ այս Ամանորին ներկայանալ հավուր պատշաճի» :

Կարծում ենք` շատերին կհետաքրքրի, թե ինչպես են որոշվում ամենամյա թրենդները: Այս թեմայով էլ զրուցեցինք Թերեզի հետ.

«Առհասարակ նորաձևության թրենդները որոշվում ու թելադրվում են մի քանի ստադիաներում: Նախ մի կողմից դա զուտ բիզնես գործընթաց է, որտեղ դոմինանտ  են խոշոր տեքստիլ արդյունաբերողների որոշումները: Մյուս կողմից թելադրող են համարվում բարձր նորաձեւության տները, ովքեր որոշում են ձեւվածքները, համադրությունները, մշակումները: Մեկ այլ ստադիայում էլ դոմինանտ են դառնում հայտնի նորաձեւության ամսագրերի գլխավոր խմբագիրները եւ, իհարկե, նաեւ, Fashion Bayer-ները, հայերեն մի քիչ լավ չի հնչում՝ նորաձևության գնորդները: Սրանք այն փորձագետներեն են, ովքեր ընդհանուր առաջարկի մեջ ընտրում են այն, ինչ պետք է հասնի վերջնական սպառողին:

Իսկ Ամանորի համար ընդունված է կարծել, որ որոշումները կայացվում են ըստ համաստեղության, ըստ հին արեւելյան օրացույցի կենդանակերպի տվյալ տարվա խորհրդանշի: Ինչ-որ կերպ դա կարելի է այդպես համարել, որովհետև ինչպես ես սիրում եմ ասել, գաղափարները օդում են, որոնք արդեն վերը նշված ոլորտների, մասնագետների կողմից տվյալ ժամանակահատվածում դառնում են շոշափելի ու կիրառելի»,-նշեց դիզայները, որը չզլացավ նաեւ իր մասնագիտական խորհուրդներով կիսվել մշտապես նորաձեւ երեւալ ցանկացող աղջիկների եւ կանանց հետ:

«Մենք ամեն պարագայում Ամանորի հագուստը ընտրելիս «ղեկավարվելու ենք» թրենդներով, եթե, նույնիսկ, մեզ թվա՝ բացարձակ ուշադրություն չենք դարձնում: Որովհետեւ մեզ վրա տարբեր կերպ բազմաթիվ ազդակներ են գործում որոշում կայացնելիս, դրանք կլինեն գովազդների, ֆիլմերի, մեդիայի այլ բաղադրիչների,  ազդեցություն ունեցող մարդկանց եւ այլ գործոններ: Այնպես որ` դա անխուսափելի է: Սակայն կա մի կարեւոր հանգամանք, որը պետք է հագուստի ընտրությունը կատարելիս հիմնական ազդակը լինի, դա ինքներս մեզ հետ այդ հագուստով ներդաշնակ լինելու հանգամանքն է:

Կարծում եմ, որ Ամանորի հագուստը ընտրելիս պետք չէ մտածել, թե ինչպես գոհացնել կենդանակերպի որեւէ նշանի, այլ ձգտել է պետք գոհացնել առաջին հերթին ինքներս մեզ: Այնպես, որ հայելու մեջ նայելով ինքնաբերաբար ժպտանք: Եվ կարծում եմ, ջանքերը պետք է ուղղված լինեն գոհացնելու նաեւ մեր  սիրելիներին»,-ընդգծեց նա:

Սյունե Առաքելյան

NEWS.am STYLE





  • Այս թեմայով

  • Արխիվ
Որոնել
  • Հարցում
Ամենասեքսուալ հայ երգիչը
Արամե
Անդրե
Միշո
Արսեն Սաֆարյան
Նարեկ Մակարյան