• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

•  «Սելֆիի մշակույթը» մարդկանց ստիպում է դիմել պլաստիկ վիրահատությունների, որպեսզի նմանվեն ֆիլտրացված լուսանկարներին

  «Սելֆիի մշակույթի» արդյունքում օգտատերերը զարգացրել են «Snapchat դիսմորֆիա» և սկսել են ուղիներ փնտրել իրենց ֆիլտրացված պատկերները ստանալու համար...

• Համաշխարհային հետազոտությունը հայտնաբերել է պոռնոգրաֆիայի դիտման «խնդրահարույց» կողմերը

  Կանադացի հոգեբանի կողմից իրականացված խոշոր միջազգային հետազոտությունը լույս է սփռում մի թաքնված երեւույթի վրա․․․

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

1. Գերազանց կատարեք աշխատանքը

Այս խորհրդին քչերն են հետեւում։ Ճգնաժամն ընկերությանը ստիպում է տնտեսել ամեն ինչի վրա եւ օպտիմիզացման դանակի տակ են հայտնվում նախեւառաջ գումարային ավելցուկները, դրամական խրախուսումներն ու այլ հաճելի բոնուսներ։  Բացի այդ, աշխատանքից հեռացված կամ կրճատված աշխատակիցների պարտականությունները մեքենայաբար անցնում են մյուսներին։

Եթե հաստատ որոշել եք չկորցնել ձեր աշխատանքը, ապա պետք է անցնեք այդ բարդ, ճգնաժամային շրջանը։ Համենայն դեպս՝ կայուն ֆինանսական եկամուտ ունեք, իսկ դա արդեն շատ բանի մասին է խոսում։

Պարտականությունների ցուցակն ընդլայնելիս յուրացրեք թայմ–մենեջմենթի արվեստը եւ ճիշտ կարգով կատարեք տրված հանձնարարությունները՝ ըստ կարեւորության աստիճանի։ Եթե ձեզ ենթակա աշխատակիցներ կան՝ վերաբաշխեք աշխատանքը՝ նրանց հանձնելով շատ ժամանակ խլող գործերը։

Իսկ եթե տեսնում եք, որ հանձնարարություններն ավելի ու ավելի են շատանում, իսկ դուք պարզապես ապրում եք աշխատանքով, խոսեք այդ մասին ղեկավարի հետ։

2. Միշտ սովորեք

Մրցունակությունը ենթադրում է պրոֆեսիոնալ գիտելիքների մշտապես ավելացում ու թարմացում։ Հիշեք, թե որքան վաղուց եք դուք անցել որակավորման դասընթացներ կամ մասնագիտական վերապատրաստում՝ հմտությունները «պահպանելու համար», միջազգային քննություններ հանձնել կամ արտասահմանյան գործընկերների հետ փորձով փոխանակվել։ Արդյո՞ք օտար լեզու գիտեք։

Անդադար կրթվելը ձեզ թույլ կտա հետեւել փոփոխություններին, որոնք տեղի են ունենում ձեր պրոֆեսիոնալ ոլորտում եւ ընկերության համար անփոխարինելի աշխատակից դառնալ։

3. Նոր գաղափարներ առաջ քաշեք 

Այժմ՝ ինչպես երբեք, ընկերություններին անհրաժեշտ են նոր, թարմ գաղափարներ՝ շուկան նվաճելու, նոր հաճախորդներ ներգրավելու,ծախսերը նվազեցնելու, առավել մրցունակ արտադրանք մշակելու համար։ Մտածեք, թե ինչ եւ նոր օգտակար բան կարող եք առաջարկել ձեր ընկերությանը։ 

Պատրաստ եղեք այն բանին, որ գաղափարները կարող են դուր գալ եւ ձեզ կխնդրեն կյանքի կոչել դրանք։ Ուստի, նախապես մտածեք նաեւ իրացման համակարգի, տնտեսական ծախսերի ու ձեր առաջարկների ռեսուրսային ապահովման մասին։

Մի վախեցեք առաջարկել ինքներդ ձեզ անելու այն աշխատանքը, որը կարող եք որակյալ անել։

4. Փոխեք վերաբերմունքն աշխատանքի նկատմամբ

Կարիք չկա դեպրեսիայի մեջ ընկնել աշխատանքում անկայուն իրադրության պատճառով։ Մտածեք՝ հնարավոր է պետք է զարգացման նոր մարտավարություն մշակել եւ շարժվել դեպի նպատակը։ Եթե ձեզ կես դրույքով աշխատանքի են տեղափոխել, օգտագործեք այդ հնարավորությունը նոր աշխատաքն փնտրելու կամ հոբբին եկամտաբեր բիզնեսի վերածելու համար։

Բացասական փոփոխությունները ձեր կյանքում նոր բանի սկիզբ կարող են դառնալ։ Հանգստյան օրերին մի լավ հանգստացեք։ Ձեր աշխատանքը որակյալ կատարեք եւ մի տանջեք ձեզ աշխատանքից հեռացվելու հնարավորության մասին մտքերով։ Սակայն պատրաստ եղեք ամեն ինչի։

5. Պահեք ձեր իմիջը

Իմիջը մեր ամբողջականությունն է՝ կազմված արտաքին տեսքից ու տպավորություններից, որը մենք գործում ենք շրջապատի վրա։ Հագնվեք գործնական ոճով, կոկիկ եղեք,մաքուր պահեք կոշիկները։ Մի չարաշահեք օծանելիքն ու բիժուտերիան, հիշեք սանրվածքի ու բերանի խոռոչի հիգիենայի մասին։ Գոնե երբեմն ժպտացեք։ Ուշադրություն մի դարձրեք բամբասանքներին, քննադատություններին եւ կյանքից միշտ դժգոհ գործընկերներին։ Ինքնավստահ պրոֆեսիոնալի կերպար ստեղծեք, որի հետ հաճելի է շփվելը։

6. Շփման մեջ ճկունություն ցուցաբերեք

Շատ կարեւոր է կարողանալ տիրապետել ինքներդ ձեզ, երբ ընկերությունը գտնվում է ծանր վիճակում եւ գործընկերները լի են վատատեսությամբ։ Աշխատեք համբերատար լինել։ Ուշադրություն մի դարձրեք շրջապատողների նյարդային պոռթկումներին եւ մի տրվեք սադրիչ նկատողություններին։

Ձեզ արժանապատիվ պահեք եւ հարգանք ցուցաբերեք գործընկերների նկատմամբ։ Պատասխանեք հանգիստ, ավելի շատ լսեք, մի ընդհատեք զրուցակցին։

Հիշե՛ք, դուք անհատականություն եք եւ փորձառու մասնագետ, ով հարգում է ինքն իրեն եւ նորմալ վերաբերմունքի է արժանի։

Աղբյուրը՝ Liza.ua

Հետևեք NEWS.am STYLE-ին Facebook-ում, Twitter-ում և Instagram-ում