Հմայիչ, հարուստ եւ ինքնահավան տղաների մասին շատ ֆիլմեր կան: Նրանք անում են այն, ինչ ցանկանում են եւ խաղում են աղջիկների զգացմունքների հետ: Այդպիսին է նաեւ «Ինտիմ հարաբերություններ չառաջարկել» ֆիլմի հերոս Իվանը:
Նա միայնակ ապրում է մեծ բնակարանում` վայելելով զվարճանքներն ու իր ազատությունը: Սակայն կյանքը Իվանի համար անակնկալ էր պատրաստել…
Աշխատանքից հեռանում է նրա սպասուհին` մեծահասակ կին, որը պարբերաբար այցելում էր Իվանին, մաքրում էր տունն ու նրա համար համեղ ուտեստներ էր պատրաստում:
Հոր հետ կոնֆլիկտի ժամանակ երիտասարդը նշում է, որ ինքը միայնակ էլ կարող է գլուխ հանել տան գործերից եւ հրաժարվում է ծանոթանալ հոր ընկերոջ աղջկա հետ, թեպետ նրանց երկուսի ծնողներն էլ մտադրություն ունեն ամուսնացնել իրենց զավակներին:
Մի քանի օր միայնակ ապրելուց հետո Իվանը հասկանում է, որ արագ սնունդով ամեն օր չի կարելի է սնվել եւ իրեն համեղ պատրաստող մեկն, այնուամենայնիվ, պետք է: Տղան որոշում է սենյակներից մեկը անվճար հանձնել` պայմանով, որ այնտեղ պետք է բնակվի կին, որը կկարողանա զբաղվել տնային գործերով եւ իրեն համեղ սնունդտով ապահովել: Իր հայտարարության վերջում Իվանն ավելացնում է` ինտիմ հարաբերություններ չեմ առաջարկում:
Իվանի հայտարարությունը տեսնում է Մարուսյան` մոտ 30 տարեկան չամուսնացած օրիորդ, որն աշխատում է Իվանի տան մոտակայքում գտնվող համալսարանում եւ նրան հենց այդ տարածքում վարձով բնակարան էր պետք: Համարձակ Մարուսյան որոշում է գնալ հայտարարության հետքերով: Իվանն էլ սիրով համաձայնվում է ընդունել նրան իր տանը, քանի որ աղջիկն ունի վստահելի` աչքի չընկնող արտաքին, մի քանի ավելորդ կիլոգրամներ եւ աչքի չի ընկնում ճաշակի զգացումով` մի խոսքով, ընդհանրապես, չի համապատասխանում իր ճաշակին եւ վստահորեն կարելի է ասել, որ նրանց միջեւ ոչ մի հարաբերություն չի էլ կարող լինել:
Ինքնահավան Իվանը Մարուսյային հենց սկզբից փորձում է հասկացնել, որ վերջինս իր հետ ռոմանտիկ հարաբերությունների հույս անգամ չունենա: Մինչդեռ Մարուսյան զարմացնում է Իվանին` հայտարարելով, որ տղան եւս իր ճաշակով չէ, այնպես որ` կարող է հանգիստ շունչ քաշել:
Մարուսյայի այս հայտարարությունը հետաքրքրում է կնամոլ Իվանին, որը հոգու խորքում ցանկանում էր, որ մոլորակի բոլոր կանայք միայն իրեն ուշադրություն դարձնեն: Արդյոք կհաջողվի՞ զուսպ եւ խելացի Մարուսյային սանձահարել ինքնահավան Իվանին… Դա արդեն չենք նշի, որպեսզի ավելի հետաքրքրությամբ դիտք այս ֆիլմը:
Ի դեպ, «Վերադարձրու իմ սերը» ռուսական հեռուստասերիալի սիրահարներին տեղեկացնենք, որ ներկայացված կատակերգությունում Իվանին մարմնավորում է հայտնի սերիալում Վլադի դերակատար Ստանիսլավ Բոնդարենկոն, իսկ Մարուսյայի դերում հանդես է գալիս Անաստասիա Սավոսինան:
Ռեժիսոր Օլեգ Շտրոմի այս կինոնկարում բացի Իվանից եւ Մարուսյայից կհանդիպեք այլ հետաքրքիր եւ կարեւոր կերպարների, որոնք եւս նշանակալի դեր են խաղում գլխավոր հերոսների խճճված պատմության մեջ:
Ֆիլմը նկարահանվել է 2016 թ-ին, այնպես որ` ռուսական կատակերգությունների սիրահարների համար սա նորություն է, որն անպայման խորհուրդ ենք տալիս դիտել ուրբաթ երեկոյան:)
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը