• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Հոլիվուդում հայտնի պրոդյուսեր Վալերի ՄաքՔեֆրին մեր առաջին հայրենակիցներից էր, որը հաստատուն քայլերով նվաճեց համաշխարհային կինոարտադրությունը:

Որպես պրոդյուսեր եւ քասթինգի տնօրեն՝ Վալերին աշխատել է այնպիսի հայտնի ֆիլմերի շուրջ, ինչպիսիք են՝ «Ամերիկյան պատմություն X», «Լեգենդ 1900», «Լավագույն առաջարկը» եւ այլն՝ համագործակցելով հոլիվուդյան աստղեր Էդվարդ Նորթոնի, Դեննի դե Վիտոյի, Թիմ Ռոթի եւ այլ հայտնիների հետ:

Հայ հանդիսատեսին, հատկապես, հայտնի է «Կորած մոլորվածը Հայաստանում» ֆիլմը, որտեղ Վալերին հանդես է եկել որպես պրոդյուսեր:

Նոր նախագծերի, հայկական հռուստասերիալների եւ, առհաարակ, կինոարտադրության մասին բացառիկ հարցազրույց ենք ունեցել Վալերիի հետ: Մանրամասները ներկայացնում ենք ձեր ուշադրությանը:

-Վալերի,  հայ ֆիլմասերներին Ձեր աշխատանքներից, հատկապես, ծանոթ է «Կորած մոլորվածը Հայաստանում» ֆիլմը: Հետաքրքիր է՝ ներկա դրությամբ ի՞նչ նոր նախագծերի շուրջ եք աշխատում:

-Մի նախագիծ ունեմ, որը կոչվում է «Գրանիտե մարդը», որը մի ամերիկացու մասին է. նա ունի շատ տարօրինակություններ, բայց անկախ այդ ամենից նրան հաջողվում է դառնալ բասկետբոլի պետական մրցույթի հաղթող` չնայած նա խորը դեպրեսիայի մեջ էր: Մյուս նախագիծը, որի շուրջ աշխատում եմ, կոչվում է «Ամեն ինչ եփվելու է»:

Այն մի մոր մասին է, որն անդադար աշխատում է, մինչ նրա որդին տարված է մարիխուանայով:

Առհասարակ, ես հասարակությանը հուզող թեմաներին եմ անդրադառնում՝ թե դրամայի, թե կատակերգության միջոցով:

-Եկեք խոսենք Ձեր «Dirty Bomb» («Կեղտոտ ռումբը») ֆիլմից: Այն Երկրորդ համաշխարհայինի մասին է: Ի՞նչը դրդեց  Ձեզ  պատերազմի մասին ֆիլմ նկարահանել: Ինչ-որ անձնական պատմություն կա՞ կապված թեմայի ընտրության հետ:

-Իմ հորեղբայրը Երկրորդ համաշխարհայինի ժամանակ ծառայել է գեներալ Փաթթոնի մոտ: Ահա, թե ինչպես այդ պատմությունը հայտնվեց իմ մտքում: Ես ցանկացա պատմել այս պատմությունը, քանի որ ինչպես հայտնի է` հայերն էլ են անցել նույն բանի միջով, ինչ որ հրեաները: Այնուամենայնիվ, ես այս պատմությունն ավելի հաստատուն եմ ցանկանում ներկայացնել` այն կապելով ամերիկացի զինվորների հետ, որոնք իրենց կյանքը կորցրին այդ ծանր ժամանակաշրջանում: Երկու զուգահեռ պատմություններ, որոնք մի բանի մասին են` պայքար` հանուն կյանքի, ազատագրման եւ ազատության, եւ յուրաքանչյուր զոհաբերություն արվում է դրա համար:

-Մեր օրերում հեռուստատեսությունը ողողված է ահաբեկչության, ռմբակոծության, սպանությունների ու բռնության մասին հաղորդումներով ու ֆիլմերով: Ո՞րն է Ձեր ֆիլմի գլխավոր հաղորդագրությունը:

-Ես ցանկանում էի պատմել այս հերոսական պատմությունը, թե ինչերի ենք մենք դիմում մյուսներին պատերազմից պաշտպանելու համար: Այստեղ պատմվում է մի հրեա բանտարկյալի մասին, որը կիրառում է մահացու V-2 ռումբը` մեր զինվորների կյանքը փրկելու համար:  Մոտ 200 հրեա բանտարկյալների կախաղան են հանում դիվերսիոն գործողությունների համար եւ այդպես թողնում են 4-5 օր` մյուս բանտարկյալներին սարսափեցնելու համար:

Մյուս կողմից էլ ներկայացված են ամերիկացի զինվորները, որոնք տառապում են խստաշունչ ցրտից եւ ողջ մնալու ոչ մի ծրագիր չունեն: Այս ճակատամարտը տեղի ունեցավ Հիտլերի անակնկալ հարձակման հետեւանքով, իսկ V-2 ռումբը դարձավ նրա վերջին հույսը հաղթանակի հասնելու:

-Ֆիլմի նկարահանման համար Դուք դիմել եք crowd funding-ի միջոցին: Սա Ձեր կողմից հուսահատ քա՞յլ է, թե՞, պարզապես, չեք ցանկանում դիմել մեծ կինոընկերություններին,  որպեսզի Ձեր ֆիլմն անկախ լինի եւ զերծ մնա սցենարային փոփոխություններից:

-Սա կարճամետրաժ ֆիլմ է եւ, սովորաբար, մարդկանց կողմից հատկացված գումարի միջոցով են իրականանում նման ծրագրերը: Սա այն ուղղությունն էր, որը ես ընտրեցի: Ի դեպ, լավ արձագանքներ եմ ստանում, ինչն ինձ, իսկապես, ոգեւորում է:

-Երբեմն մենք դիտում ենք ֆիլմեր եւ նկատում, որ գլխավոր դերակատարն այնքան էլ ճիշտ ընտրված չէ տվյալ դերի համար: Դուք բազմաթիվ հոլիվուդյան ֆիլմերում հանդես եք եկել՝ որպես քասթինգի տնօրեն: Ինչպե՞ս եք կայացնում դերասանների ընտրությունը:

-Ես դեռ երիտասարդ տարիքից հետաքրքրված եմ եղել դերասանական արվեստով: Ես սկսեցի սովորել այն, եւ դա այն ժամանակահատվածն էր, երբ հայերն այդքան էլ հայտնի չէին ասպարեզում: Ես հաճախ էի թատրոն գնում, կարդում էի սցենարներ…Եվ միայն այդ ժամանակ կարողացա հասկանալ դերասանական նրբությունները: Ինձ շատ է տպավորել «Արամ, Արամ» ֆիլմի կազմը եւ ես, առհասարակ, փորձում եմ ամբողջ աշխարհում գտնել տաղանդավոր հայ դերասանների:

-Ինչ եք կարծում՝ օր օրի զարգացող IT տեխնոլոգիաները կարո՞ղ են ֆիլմարտադրությունը վերածել զուտ ժամանացի, թե՞ կինոն, այնուամենայնիվ, կմնա արվեստի մի ճյուղ:

-Ես հույս ունեմ, որ կինոն կմնա արվեստի ճյուղ, հակառակ դեպքում ստիպված կլինեմ ինձ համար նոր զբաղմունք գտնել: Մենք չենք կարող մարդկանց եւ պատմությունները փոխել: Ես վստահ եմ, որ մենք կպայքարենք հանուն արվեստի:

-«Կորած-մոլորվածը Հայաստանում» ֆիլմից հետո հայ հանդիսատեսի համար բացահայտում էր դերասանուհի Անժելա Սարաֆյանը, որը նկարահանվել է նաեւ Հոլիվուդյան այնպիսի նախագծերում, ինչպիսիք ենք՝ Westworld-ը, Twilight-ը եւ այլն: Այժմ նկատո՞ւմ եք այնպիսի հայ դերասանների, որոնց եւս հետագայում, միգուցե, տեսնենք հոլիվուդյան ֆիլմերում:

-Կարծում եմ` հրաշալի կլիներ, եթե մենք ունենայինք մի այնպիսի հեռուստասերիալ, որը գլոբալ կլիներ եւ կհետաքրքր աշխարհին: Հայաստանում շատ տաղանդավոր դերասաններ կան, որոնց ես շատ եմ կարոտել:

-Վերջին շրջանում Հայաստանում ավելացել է հեռուստասերիալների քանակը: Շատերի կարծիքով, սակայն, մենք  ունենք լավ տեխնիկա, դերասաններ, բայց  չունենք սցենարային բարձր որակի հեռուստանախագծեր:  Այստեղ մտածո՞ւմ եք նոր հեռուստանախագիծ իրականացնել:

-«Կորած-մոլորվածը Հայաստանում» ֆիլմի հիմնադիրներից Գոռն ու Մարալը, ինչպես նաեւ ես մի նախագիծ ենք մտածել երեխաների համար: Շատ շուտով այն կարող է  իրականություն դառնալ: Այն մանկական պատմություն է, մենք դեռ գումար ենք հավաքում դրա հետագա աշխատանքների համար:

Լավ սցենարը մեծ դեր է խաղում հեռուստատեսային պատմության մեջ: Կարծում եմ` հայկական հեռուստատեսության մեջ, նախ եւ առաջ, գրելու ձիրքը պետք է զարգացնել: Սա ժամանակի եւ փորձի խնդիր է եւ ես հույս ունեմ, որ ապագայում ամեն ինչ ավելի լավ կլինի:

-Եվ վերջում, պարզապես, կցանկանայինք իմանալ՝ ի՞նչ խորհուրդ կտայիք ֆիլմասերներին: Ի՞նչ սկզբունքով ընտրեն, թե որ ֆիլմը կարելի է դիտել: Որովհետեւ շատ հաճախ տվյալ ֆիլմի թրեյլերը բացարձակ չի համապատասխանում դրա բովանդակությանը:

-Ես առաջնահերթ ուշադրություն եմ դարձնում ներկայացված պատմությանը: Արդյոք դա ա՞յն է, ինչ ես ցանկանում եմ տեսնել: Ո՞վ է ռեժիսորը: Ովքե՞ր են նկարահանվել ֆիլմում: Արդյոք մի բան կսովորե՞մ կամ կզգա՞մ տվյալ ֆիլմը դիտելուց: Առհասարակ, ֆիլմ դիտելիս փորձում եմ կտրվել իրականությունից, ինչպես, օրինակ, «Լա Լա Լենդ»-ի դեպքում եղավ: Այնպիսի տպավորություն էր, ասես, հենց դերասանների հետ նստած լինեի: Ինձ համար դա շատ կարեւոր հատկանիշ է:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում