Ուկրաինական X Factor-ում տարած հաղթանակից հետո Սեւակ Խանաղյանը մենահամերգներով հանդես է գալիս աշխարհի տարբեր ծայրերում: Ընդամենը մեկ ամիս առաջ հայ երկրպագուներն արդեն հասցրել էին վայելել երգչի փոքրիկ մենահամերգը՝ Երեւանի ռեստորանային համալիրներից մեկում: Սակայն երեկ՝ փետրվարի 19-ին, Արամ Խաչատրյան համերգասրահում կայացած մեծ մենահամերգը թե Սեւակը, թե նրա երկրպագուները երբեք չեն մոռանա:
Դա երգչի առաջին խոշոր համերգն էր, որի ընթացքում սիրված արտիստը բացի արդեն ճանաչված հիթերից եւ cover-ներից՝ ներկայացրեց նաեւ նոր երգեր ու անակնկալներ, որոնցից մեկը Գայա Արզումանյանի հետ «Արցախ» կոչվող զուգերգն էր:
Համերգից առաջ Սեւակը մեզ հետ կիսվեց իր հույզերով եւ ապրումներով.
«Շատ ուրախ եմ, որ հայրենիքում ինձ այսքան ջերմ են ընդունում: Նախորդ անգամ այստեղ ելույթ ունենալուց հետո շատ դրական լիցքերով եմ հեռացել: Երբեք չեմ մոռանա այդ այցելությունը: Հաճելի է, որ համերգիս տոմսերն այսքան կարճ ժամանակահատվածում սպառվեցին: Դա միայն վկայում է այն մասին, որ հանդիսատեսը սպասում էր այս հանդիպմանը: Սա իմ առաջին մեծ մենահամերգն է, այդ պատճառով էլ շատ հուզված եմ եւ հուսով եմ՝ հանդիսատեսին դուր կգա»,-նշեց երգիչը, որը վերջին շրջանում համերգներից հետո հանգստանալու ժամանակ անգամ չի ունենում: Օրինակ՝ երեւանյան շոուից մեկ օր առաջ Սեւակը երգել է նաեւ Մոսկվայի հանդիսատեսի համար: Սակայն երգիչը փաստում է՝ բոլորովին հոգնածություն չի զգում:
«Հանդիսատեսից եւս շատ բան է կախված: Սովորաբար համերգներս երկու ժամ են տեւում, բայց հանդիսատեսն այնքան մեծ էներգիա է փոխանցում, որն ինձ լիցքավորում է: Ես փոխանցում եմ, ինձ տալիս են այդ նույն էներգիան»,-ասում է նա:
Հայ հանդիսատեսը Սեւակին ոչ թե, պարզապես, ջերմ, այլ շատ թեժ ընդունեց՝ նրան ձայնակցելով եւ նրա հետ անգիր երգելով բոլոր երգերը: Համերգի ընդմիջումների ընթացքում դահլիճում հաճախ էին բղավում՝ «Սեւա՜կ»,-ինչին ի պատասխան վերջինս իսկական հայ տղամարդու պես պատասխանում էր. «ջա՜ն»:
Համերգի վերջում ոգեւորված երկրպագուների հորդորով երգիչը համաձայնվեց լուսանկարվել յուրաքանչյուրի հետ, ով նման ցանկություն ուներ:
Ի դեպ, բոլոր նրանց, ովքեր բաց թողեցին երեկվա համերգը, տեղեկացնենք, որ երգիչը նույն ծրագրով հանդես է գալու նաեւ փետրվարի 26-ին եւ մարտի 12-ին:
Սեւակ Խանաղյանի երեկվա համերգի մյուս բոլոր մանրամասներին կարող եք հետեւել NEWS.am STYLE-ի ֆոտոռեպորտաժի եւ տեսանյութերի միջոցով:
Տեքստը, լուսանկարները եւ տեսանյութը՝ Սյունե Առաքելյանի
Հետևեք NEWS.am STYLE-ին Facebook-ում, Twitter-ում և Instagram-ում
16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ