Վերջին շրջանում բոլիվուդյան ֆիլմերը կամա, թե ակամա ներխուժել են մեր կյանք` իրենց պատմություններով լարված պահելով հայ հեռուստադիտողին:
Որքան էլ, որ շատերը քննադատեն դրանց բովանդակությունը, միեւնույն է հնդկական ֆիլմերի մշակույթի մեջ մի բան կա, որը համատարած վարակում է բոլորին:
Հենց այդ ամենից ելնելով էլ` հետաքրքության համար որոշեցի դիտել «Մեկ գիշերվա պատմություն» հնդկական արտադրության ֆիլմը, որն աչքովս ընկավ պատահաբար, երբ ինքս էլ փորձում էի հասկանալ` ինչ ֆիլմ կարելի է դիտել աշխատանքային օրվա ավարտից հետո:
Ֆիլմը դիտելուց առաջ, բնականաբար, կարդացի նաեւ դրա նկարագրությունը, որն անկեղծ ասած` ավելի թույլ էր գրված, քան այն իրականում կար: Դիտելու ընթացքում, նույնիսկ, ավելի համոզվեցի, որ այն կարելի է մինչեւ վերջ նայել եւ խոհուրդ տալ նաեւ մեր ընթերցողներին:
Ասել, թե սա այն ֆիլմերից է, որը կարելի է դիտել մի քանի անգամ, սուտ կլինի, բայց մեկ անգամ դիտել հաստատ արժե:
Ֆիլմի սյուժեն ծավալվում է երիտասարդ գործարար Ուրվիլի եւ գեղեցկուհի Սելինայի շուրջ:
Գործուղումներից մեկի ժամանակ Ուրվիլը ընկերոջ հետ գրազ է գալիս, որ կկարողանա գերել ցանկացած աղջկա: Այդ ժամանակ նրա տեսադաշտում հայտնվում է գեղեցկուհի Սելինան եւ երիտասարդը` մոռանալով իր ամուսնացած լինելու մասին, իր առջեւ նպատակ է դնում հմայել գեղեցկուհուն եւ նրա հետ անցկացնել մի ողջ օր: Սելինան, միանգամից, հասկանում է, որ հմայիչ երիտասարդն իրեն մոտեցել է գրազի պատճառով: Սակայն աղջիկը եւս որոշում է մտնել Ուրվիլի խաղի մեջ: Այդ ընթացքում նրանք երկուսն էլ հասկանում են, որ հրապուրված են միմյանցով, իսկ հաջորդող գիշերն անցկացնում են միասին:
Առավոտյան Սելինան անհետանում է, սակայն Ուրվիլը, նույնիսկ, տուն վերադառնալուց հետո չի կարողանում մոռանալ խորհրդավոր գեղեցկուհուն:
Շուտով երիտասարդը անսովոր պայմաններում հանդիպում է Սելինային, սակայն բացահայտում է, որ վերջինս եւս ամուսնացած է` այն էլ քաղաքի ամենաազդեցիկ գործարարներից մեկի հետ: Մինչ Սելինան ամեն կերպ փորձում է հեռու մնալ Ուրվիլից, վերջինս չի էլ,պատրաստվում հրաժարվել Սելինայից` անտեսելով սեփական կնոջն ու նրա տառապանքը:
Թե ինչ է լինում հետո, երբ Ուրվիլի կինը բացահայտում է ամուսնու դավաճանությունն ու ինչի է վերածվում երբեմնի հոգտար ամուսինը, ավելի լավ է ինքներդ տեսնեք ֆիլմը դիտելու ընթացքում:
Խոսեմ նաեւ դերասանական կազմի մասին: Ռեժիսոր Ժասմին Դուզայի ֆիլմում գլխավոր հերոսներին մարմնավորում են Թանուժ Վիրվանին (Ուրվիլ), Սաննի Լեոնեն (Սելինա), Մադհուրիմա Բաներջին (Ուրվիլի կնոջ դերում) եւ այլք:
Ի դեպ, սա այն բացառիկ հնդկական ֆիլմերից է, որտեղ առկա չեն երգ ու պարեր, եւ որը տեւում է, ընդամենը, 97 րոպե (սովորաբար բոլիվուդյան ֆիլմերը գերազանցում են 2 ժամը:)): Այնպես որ` իրադարձություները սպասեցնել չեն տալիս, իսկ սցենարն էլ արհեստականորեն ձգված չէ պարերի եւ երգերի հաշվին:
Եթե հետաքրքիր հանգուցալուծումներով դրամատիկ պատմությունների սիրահար եք, ուրեմն անպայման դիտեք նաեւ այս ֆիլմը: Հուսով եմ` իմ առաջարկած այս տարբերակը ձեզ դուր կգա:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը