Օրերս գրել էինք, որ Երեւանում ՄԵԳԱԻՐԱԴԱՐՁՈՒԹՅՈՒՆ է սպասվում. միջազգային մասշտաբի ռոք փառատոն՝ Music Drive Festival, որի ընթացքում հանդես կգան ոչ միայն տեղական խմբեր՝ Dogma-ն, Time Report-ը, Artsruni Progressive Music Act-ը, Unaesthetic-ը, The Beautified Project-ը, Empyray-ը, Vostan Hayots-ը, այլեւ միջազգային հանրահայտ խմբեր, եւ գրողը տանի, այն էլ ինչպիսիք՝ Corpo-Mente (Ֆրանսիա, հրաշալի վոկալիստուհի ունեն), Antimatter (Անգլիա, Միկի Մոսի հրաշալի ձայնն ու տեքստերը), Theodor Bastard՝ մեգատաղանդավոր խումբ Ռուսաստանից (նրանք առաջին անգամ են մեզ մոտ, բաց մի թողեք նրանց ելույթը), Agent Fresco-ն՝ Իսլանդիայից, Anekdoten (սուպերխումբ համաշխարհային ռոքի օրրանից՝ Շվեդիայից), Saturnus (Դանիա), Human Ellement (ԱՄՆ), Authentic Light Orchestra (Շվեյցարիա):
Փառատոնը կտեւի երեք օր՝ մարտի 24-ին, 25-ին եւ 26-ին, եւ ձեր աչքերը, ականջներն ու հոգիները կպատկանեն ռոք, ֆոլկ, էթնո, պրոգրեսիվ ու այլընտրանքային ռոքին: Համերգները տեղի կունենան Սունդուկյանի անվան պետական ակադեմիական թատրոնում, ինչպես նաեւ երեւանյան ակումբներում:
Որպեսզի վերջնականապես գիտակցեք, թե Ձեզ ինչ է սպասում, NEWS.am STYLE-ը որոշել է Ձեր ուշադրությունը հրավիրել բրիտանական Antimatter խմբի վրա:
Daddy didn't want you and mummy gave you pain
Now anyone who gets inside is just gonna get the same
Should we sound the horn or is it all a crying shame?
Who cares who's to blame, the outcome is all the same...
Just another dream that died to stillborn empires
Just another dream that died in stillborn empires
Եթե պրոգրեսիվ ռոքի եւ գոթական երաժշտության սիրահար եք, միացեք մեզ:
Ձեզ է սպասում այս խմբի մեներգիչ, երգերի ու երաժշտության հեղինակ Միք Մոսի աշխարհը:
Լիվերպուլյան այս խումբն ընդհանրապես դժվար է խումբ կոչել. այն կազմված է մեկ մարդուց, որին տարբեր ժամանակներում տարբեր մարդիկ են օգնում:
Նախապես ստեղծվել է Միքի եւ Anathema-ի նախկին թմբկահար Դունկան Պատերսոնի կողմից, բայց հետո Միքը մենակ է մնացել, եւ յուրաքանչյուր երգի համար 41-ամյա երգիչն առանձին երաժիշտների է հրավիրում, որոնք Միքի երաժշտությանն ու տեքստերին առանձնահատուկ հնչողություն եւ էֆեկտ են հաղորդում:
Չնայած սկզբնական ալբոմներն Anathema-ի պատճեն էին հիշեցնում, սակայն Antimatter-ի հնչողությունը, ամեն դեպքում, տարբերվում էր բրիտանական հայտնի կոլեկտիվից:
Միքի վերջին երկու ալբոմները՝ Fear Of A Unique Identity-ը (2012) եւ The Judas Table-ը (2015), առանձնահատուկ ուշադրության են արժանի, քանի որ Միքը պոկվել է Anathema-ի ազդեցությունից ու երաժշտության եւ տեքստի իր ինքնատիպ աշխարհը ստեղծել:
Մարդի՛կ, իսկական երաժշտություն վայելեք, թե չէ, այսպես կոչված, ընտրությունները կուտեն ձեր ուղեղը...
Պարույր Սինյավսկի
Հետևեք NEWS.am STYLE-ին Facebook-ում, Twitter-ում և Instagram-ում
12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)