NEWS.am STYLE-ը չէր կարող մեծն երաժիշտին չնվիրել այս հոդվածը:
Մարտի 18-ին 90 տարեկանում մահացել է «Ռոք-ն-ռոլի հայր»-ը (Father of Rock 'n' Roll)` Չաք Բերին: Մահվան մանրամասների մասին դեռեւս քիչ բան է հայտնի, սակայն նշվում է, որ Միսուրի նահանգում շտապ օգնության ավտոմեքենան 90-ամյա երգչին եւ կիթառահարին օգնության է շտապել ժամը 12:40-ին, բայց բժիշկներին չի հաջողվել փրկել նրան:
Երգչի ընտանիքը դեռեւս մանրամասներ չի հաղորդում:
Առհասարակ, Չաքին «Ռոքի հայր» անվանելը սխալ է, Չաքը հենց ռոք-ն-ռոլն ինքն էր` ինչպես երաժշտության մեջ, այնպես էլ կյանքում: Բերին այն մարդն է, որն ԱՄՆ սեւամորթ բնակչության «ռիթմ -ընդ- բլյուզը» դարձրեց «մեյնսթրիմային» ռոք-ն-ռոլ` սպիտակամորթների համար:
Բերիի «ֆիրմային»` կիթառով քառատակտ ելույթը եւ երգերի սուր տեքստերը արտացոլում էին 1950-ականներին նրա երիտասարդության ըմբոստ ոգին: Սակայն, չնայած ցնցող հաջողությանը` Բերին ֆինանսական բարդություններ է ունեցել սեփական մենեջերների անբարեխճության պատճառով եւ հաճախ խնդիրներ ունեցել օրենքի հետ:
Բերիի մայրը դպրոցի տնօրեն էր, հայրը` քահանա բապտիստական եկեղեցում: Չաքի առաջին համերգը տեղի է ունեցել դպրոցում՝ 1941-ին: Իսկ հետո նա 1944-ին` դեռեւս դպրոցում սովորելու տարիներին, երկու ընկերների հետ` օգտագործելով կոտրված ատրճանակ, Կանզասում երեք խանութ է կողոպտել եւ ավտոմեքենա գողացել, ինչի համար երեքն էլ դատապարտվել են 10 տարվա ազատազրկման:
Բանտում Չաքը շարունակել է զբաղվել երաժշտությամբ` նա երաժշտական կվարտետ է կազմակերպել: 21 տարեկանում՝ ժամկետից շուտ, նա ազատ է արձակվել:
1955-ի մայիսին Բերրին` Մադի Ուոթերսի խորհրդով, հետաքրքրվել է Chess Records բլյուզային լեյբլի սեփականատեր Լեոնարդ Չեսիով: Նույն տարում այդ ստուդիայում ձայնագրվել է Չաք Բերիի առաջին սինգլը` «Maybellene»-ը:
Սինգլը վաճառվել է ավելի քան մեկ միլիոն օրինակով եւ առաջին տեղը զբաղեցրել ամերիկյան հիթ-շքերթում` ռիթմ-ընդ-բլյուզ կատեգորիայում, իսկ սեպտեմբերին զբաղեցրել է հինգերորդ տեղը` ԱՄՆ-ի գլխավոր ազգային հիթ շքերթում: Իսկ հետո Չաքի ամբողջ կյանքում միմյանց են հաջորդել երաժշտության ստեղծումը, բանտն ու դատական պարզաբանումները:
Եթե դուք չեք տեսել «Կադիլակ Ռեքորդս» ֆիլմը, ապա արժե այն դիտել: Ի դեպ, բլյուզի եւ ռոքի ծննդյան մասին կինոնկարի պրոդյուսերը Բեյոնսեն է (ժապավենում խաղում է նաեւ Էթու Ջեյմսը), իսկ գլխավոր դերում Էդրիեն Բրոուդին է (մարմնավորում է Չեսին):
Բարետես Մոս Դեֆը մարմնավորել է Չաքին` իր դերը գերազանց կատարելով: Ֆիլմն ամբողջությամբ արտացոլում է դարաշրջանի ոգին: Դիտեք այն՝ ի հիշատակ Բերիի:
Rolling Stone պարբերականը նրան ներառել է բոլոր ժամանակների 50 մեծն կատարողների առաջին տասնյակում:
Ռոքի աստղերը մահից հետո չեն խամրում, այլ ավելի ուժգին են վառվում...
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը