«Նման մասշտաբի միջոցառում առաջին անգամ է մեր երկրում տեղի ունենում։ Խորհուրդ եմ տալիս ներկա գտնվել փառատոնին, քանի որ, բացի տեղական հայտնի խմբերից, ելույթ են ունենալու նաեւ նորահայտ արտիստներ»,-այսօր լրագրողների հետ հանդիպման ժամանակ, անդրադառնալով Music Drive Festival-ին, ասաց փառատոնի գեղարվեստական ղեկավար Վարդան Գրիգորյանը։
Այսօր Երեւանում կայացած մամուլի ասուլիսի ընթացքում նա, ֆրանսիական Corpo-Mente խմբի անդամները, ի դեմս՝ հմայիչ վոկալիստ Լորեի, Զբոսաշրջության զարգացման հիմնադրամի ներկայացուցիչ Արա Խզմալյանը եւ Zhesht Events-ի ներկայացուցիչ Արսեն Հակոբյանը պատասխանեցին լրագրողների հարցերին։
Արսեն Հակոբյանն իր հերթին հավելեց, որ փառատոնը միայն ռոք երաժշտությանը չի վերաբերում. «Փառատոնի հիմքում ընկած է ռոքը, բայց ռոքը շատ լայն հասկացություն է։ Փառատոնի ընթացքում կհնչեն ինչպես էթնո-ռոք, ֆոլկ-ռոք, այնպես էլ ավանգարդ ոճի այլ կատարումներ»։
Արա Խզմալյանի խոսքով՝ տուր-օպերատորները հաճախ չգիտեն, թե Հայաստանում ինչ մշակութային իրադարձություններ են տեղի ունենում. «Նրանք հստակ երթուղի են գծել՝ եկեղեցիներ ու էլի եկեղեցիներ, եւ հաճախ չգիտեն, թե ինչ է կատարվում մեր երկրում։ Չի կարելի հույսը դնել միայն Գառնի-Գեղարդ-Սեւան եւ այլ երթուղու վրա։ Զբոսաշրջիկներին կարելի է գրավել նաեւ մշակութային իրադարձություններով»։
Հիշեցնենք, որ վաղը Երեւանում միջազգային մասշտաբի ռոք փառատոն է մեկնարկում ՝ Music Drive Festival-ը, որի ժամանակ հանդես կգան ոչ միայն տեղական խմբեր՝ Dogma-ն, Time Report-ը, Artsruni Progressive Music Act-ը, Unaesthetic-ը, The Beautified Project-ը, Empyray-ը, Vostan Hayots-ը, այլեւ միջազգային հանրահայտ խմբեր, եւ գրողը տանի, այն էլ ինչպիսիք՝ Corpo-Mente (Ֆրանսիա, հրաշալի վոկալիստուհի ունեն), Antimatter (Անգլիա, Միկի Մոսի հրաշալի ձայնն ու տեքստերը), Theodor Bastard՝ մեգատաղանդավոր խումբ Ռուսաստանից (նրանք առաջին անգամ են մեզ մոտ, բաց մի թողեք նրանց ելույթը), Agent Fresco-ն՝ Իսլանդիայից, Anekdoten (սուպերխումբ համաշխարհային ռոքի օրրանից՝ Շվեդիայից), Saturnus (առանց մեկնաբանությունների, ինքներդ գիտեք՝ ինչ է դա եւ ովքեր են), Human Ellement (ԱՄՆ), Authentic Light Orchestra (Շվեյցարիա, խումբն առաջին անգամ չէ մեզ մոտ):
Հետևեք NEWS.am STYLE-ին Facebook-ում, Twitter-ում և Instagram-ում
15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել