Անցած շաբաթ իսպանական «Ձայնը» նախագծի շրջանակներում իր ելույթով Դեւիդ Բիսբալին հիացրեց 12-ամյա Հայկ Արսենյանը, որը ներկայացավ Talking to the Moon հայտնի հիթով: NEWS.am STYLE-ն, իհարկե, չէր կարող անտարբեր գտնվել Բարսելոնայում բնակվող տաղանդավոր հայ տղայի նկատմամբ:
Մենք զրուցել ենք Հայկի հետ` Իսպանիայում բնակվելու, «Ձայնը» նախագծին մասնակցելու եւ Դեւիդ Բիսբալի թիմում հայտնվելու մասին:
«Նախորդ տարվա ծրագիրը նայել եւ հավանել էի, այդպիսով` ես էլ որոշեցի մասնակցել այս նախագծին: Վերջին օրն ենք գրանցվել քասթինգին… Երբ գնացինք նշված վայրը, ցուցակներն արդեն տպված էին, իսկ իմ անունը վերջում ավելացված էր գրչով: Քանի որ ուշ էինք դիմել, չէին հասցրել տպել անունս»,-պատմում է փոքրիկ երգիչը, որը երգել սկսել է 3-4 տարեկանից:
Հայկը շատ ուրախ է, որ հենց Դեւիդ Բիսբալի թիմում է հայտնվել.
«Շատ եմ սիրում Դեւիդ Բիսբալին: Նա յուրահատուկ ձայն ունի եւ շատ էմոցիոնալ է երգում»,-ասում է նա` հավելելով.
«Շատ եմ ուզում հաղթել: Շատ եմ սիրում երգել, երաժշտությունն ինձ համար կյանք է: Միշտ երգում եմ. ծնողներս ասում են, որ անգամ քնած ժամանակ եմ երգում»,-կատակում է պատանին:
Հայկը դեռեւս չի հասցրել շփվել բոլոր մրցակիցների հետ, բայց նկատել է, որ բոլորն էլ տաղանդավոր եւ ուժեղ երեխաներ են:
Իսպանիայում ծնված երգիչը հաճախ է լինում Հայաստանում.
«Քանի որ սովորում եմ դպրոցում եւ կոնսերվատորիայում, ամառը միակ ժամանակն է, երբ կարողանում եմ գալ Հայաստան: Վերջին անգամ այդտեղ եղել եմ անցած տարի` ամռանը: Հանգստանալուց բացի` Երեւանի ջազի պետական քոլեջի վոկալիստ Լիլիթ Պապոյանի հետ զբաղվել եմ վոկալի պարապմունքներով»,-ասում է Հայկը:
NEWS.am STYLE-ը հաջողություն եւ հաղթանակ է մաղթում հայ փոքրիկին` «Ձայնը» նախագծի հետագա փուլերի ընթացքում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը