22-ամյա Ալլա Իգիթյանը մի քանի տարի առաջ չէր կարող պատկերացնել, որ երգելն իր համար անփոխարինելի հոբբի է դառնալու: Աղջիկը միշտ պատկերացրել է, որ պետք է ծրագրավորող դառնա։ Ֆիզմաթ դպրոցն ավարտելուց հետո Ալլան ընդունվել է կիրառական մաթեմատիկայի ու ինֆորմատիկայի ֆակուլտետ, սակայն այժմ աշխատանքին եւ ուսմանը զուգահեռ` իրականացնում է նաեւ մանկության երազանքը` երգում է, ձայագրվում, իսկ հետո արդյունքով կիսվում է YouTube-ի հետեւորդների հետ:
«Երաժշտության հետ առնչվել եմ հենց առաջին դասարանից, երբ դպրոցին զուգահեռ ընդունվեցի նաեւ ջութակի դասարան։ Ճիշտն ասած` շատ էի ծուլանում ու քիչ էի ժամանակ հատկացնում պարապելուն: Իսկ հենց երգել սկսեցի մոտավորապես 16 տարեկանում… Սկզբից ուղղակի երգում էի ինձ համար, սիրածս երգերի cover-ներ էի անում ու տեղադրում YouTube-ում։ Հետո սկսեցի երգեր գրել՝ անգլերեն ու հայերեն։ Միշտ տանը նվագում-երգում էի ու երազելով պատկերացնում էի, որ մի օր, չգիտեմ ինչ հրաշքով, այդ երգերը կգործիքավորվեն ու կձայնագրվեն ստուդիայում, ու ես հնարավորություն կունենամ կիսվել մարդկանց հետ»,-NEWS.am STYLE-ին պատմեց Ալլան, որը վերջերս կարողացավ իրականացնել անհասանելի թվացող երազանքը.
«Մի օր հասկացա, որ իմաստ չունի ուղղակի նստել ու սպասել, թե քո ցանկությունն ինքն իրեն կկատարվի, որովհետեւ, գրեթե, բոլոր ցանկություններդ կարող ես ինքդ իրականացնել։ Հետաքրքրվեցի, մի քիչ գումար հավաքեցի ու ձանյագրեցի առաջին երգս, որը կոչվում է No one, no more»:
Առայժմ Ալլան երգեր գրելով եւ երգելով գումար չի աշխատում, ընդհակառակը` միայն ծախսում է.
«Իմ մտերիմ մարդիկ միշտ խրախուսում են իմ` երգով զբաղվելը, բայց ոչ բոլորն են հասկանում, թե ինչու եմ դա անում։ Բոլորին զարմացնում է, որ ես կարող եմ աշխատել, հետո ամբողջ աշխատավարձս ծախսել մի երգ ձայնագրելու վրա ու փոխարենը ոչ մի նյութական բան չստանալ։ Բայց իրականում՝ այն հաճույքը, էներգիան ու էմոցիաները, որ ստանում եմ այդ պրոցեսից, չեն կարող համեմատվել ինչ-որ նյութական բաների հետ, ու եթե մեկի համար դա անիմաստ գումարի ծախս է, ինձ համար դա ամենաարդարացված բանն է, որի վրա կարելի է գումար ծախսել»,-ասում է նա:
Ալլան երաժշտությունից չի պատրաստվում հրաժարվել, որքան էլ, որ հոբբին իրենից շատ ժամանակ է խլում.
«Իրականում աշխատանքի հետ համատեղելը բավականին դժվար է, որովհետեւ հոգնում եմ ու չեմ կարողանում ժամանակ տրամադրել շատ երգելուն ու նվագելուն, որպեսզի այդտեղ էլ կարողանամ աճել։ Բայց սովորաբար միայն շաբաթ ու կիրակի օրերը երաժշտությանը տրամադրելով նույնպես հասցնում եմ ինչ-որ բաներ անել»,-պատմում է Ալլան:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)