Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

«Ես ծնվել եմ աճպարար լինելու համար». Ռոման Խալաֆյանը` «Минута славы» նախագծի եւ Պոզների արձագանքի մասին

11:03, 30 մարտի

Հայ երիտասարդները շարունակում են իրենց տաղանդով գրավել ամենահայտնի նախագծերը: Ռուսական «Փառքի րոպե» («Минута Славы») նախագծի հերթական թողարկման ժամանակ իր աճպարարական հնարքներով ժյուրիին հիացրեց հայազգի Ռոման Խալաֆյանը, որը ոչ միայն անցավ հաջորդ փուլ, այլեւ արժանացավ գովեստի խոսքերի: Նրա ելույթից տպավորված Վլադիմիր Պոզները նշել է, որ ուրախ է հայ մասնակցի հաջողության համար, քանի որ ինքը Հայաստանի մեծ սիրահար է:

NEWS.am STYLE-ը զրուցել է երիասարդ աճպարարի հետ` հնարքներով տարվելու, նախագծին մասնակցելու եւ Պոզների արձագանքի մասին:

-Ռոման, նախ` շնորհավորում ենք «Փառքի րոպե» նախագծում հրաշալ շոուի եւ հաջորդ փուլ անցնելու առթիվ: Եվ, իհարկե, առաջնահերթ կցանկանայինք իմանալ` ի՞նչը Ձեզ ոգեշնչեց զբաղվել աճպարարությամբ:

-Շատ շնորհակալ եմ: Դե, ամեն ինչ սկսվեց մի տեսանյութից, որտեղ աճպարարի ձեռքի ծխախոտը պարբերաբար հայտնվում էր եւ անհետանում: Հայրիկիս ծխախոտով որոշեցի նման հնարք կատարել: Պատկերացրեք` 3 ժամ տանջվելուց հետո դա ինձ հաջողվեց: Հետո օրեցօր նոր հնարքներ էի փորձում` հետեւելով մյուս աճպարարների հմտություններին:

-Նշել էիք, որ կարիերայի սկզբում Ձեզ շատ է օգնել Դմիտրի Մոսինը: Իսկ համաշխարհային ճանաչում ունեցող աճպարարներից ո՞վ է Ձեզ ոգեշնչել: 

-Ինձ մինչ օրս ոգեշնչում է Դեւիդ Կոպերֆիլդը: Նրանից բացի` կառանձնացնեի Էրլիխ եղբայրներին, Լանս Բյորթոնին եւ Ջեֆ Հոբսոնին:

-Ի՞նչ եք կարծում` աճպարար կարող ե՞ն դառնալ, թե՞ այդպիսին պետք է ծնվեն:

-Անկեղծ ասած` չգիտեմ (ժպտում է): Ամեն դեպքում, կարծում եմ` աճպարար դառնում են, չնայած` բացառություններ էլ են լինում: Երբ վերլուծում եմ ինքս ինձ, հասկանում եմ, որ առանց աճպարարության չեմ կարող ապրել: Ես ծնվել եմ աճպարար լինելու համար:

-Կրկին անդրադառնանք «Փառքի րոպե» ծրագրին: Ինչպե՞ս որոշեցիք մասնակցել այդ նախագծին: 

-Լրացրեցի հարցաթերթիկն ու հայտնվեցի նախագծում: Սկզբում ինձ մերժեցին, բայց ես խնդրեցի, որ եւս մեկ ելույթի հնարավորություն տան, ու անցա նախընտրական փուլ: Նախագծից մեծ ակնկալիքաներ ունեմ. տեսնենք` ինչ կստացվի:

-Անձամբ Վլադիմիր Պոզներն էր տպավորված Ձեր ելույթից. նրանից այդպիսի արձագանք սպասո՞ւմ էիք:

-Մտքովս անգամ չէր անցնում, որ նա այդքան շատ կսիրի աճպարարությունը: Անչափ ուրախ եմ նրա արձագանքից:

-Կպատե՞ք Ձեր ընտանիքի մասին: Գիտեմ, որ դեռեւս չեք եղել Հայաստանում. մոտ ապագայում նման ծրագրեր կա՞ն:

-Ծնողներս Բաքվից են: Ստիպված էին լքել Բաքուն եւ տեղափոխվել Երեւան, որից հետո մեկնեցին Խարկով: Ես այնտեղ եմ ծնվել: Այո, իսկապես դեռ չեմ եղել Հայաստանում, բայց շատ եմ ուզում գալ, հատկապես Սեւանն եմ ուզում տեսնել: Հուսով եմ` այս տարի կկարողանամ իրականացնել երազանքս:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել