• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

• «Հասկացա, որ պատկանում եմ այս վայրին». հնդիկ գրող Արջուն Կրիշնա Լալը Հայաստանում իր արկածների մասին պատմող գիրք է գրել

  Հնդիկ գործարար, ժամանակակից գրող, Penguin Harper-Collins-ի հեղինակ Արջուն Կրիշնա Լալը Հայաստանում իր արկածների մասին պատմող գիրք է գրել՝ «Կյանք, Սեր, Գինի»…

• Առաջին անգամ Հայաստանում կներկայացվի լեգենդար Էնիո Մորիկոնեի հեղինակային ծրագիրը

  «Երևանյան հեռանկարներ» 25-րդ միջազգային երաժշտական փառատոնը շարունակում է ներկայացնել իրադարձային համերգների շարքը...

• Աֆիշա․ ո՞ւր գնալ այս շաբաթ

  NEWS.am STYLE-ն առաջարկում է․․․

• «Չիկոյի ջազի ժամը»․ Երեւանում տեղի կունենա համերգ՝ նվիրված Արմեն Թութունջյանի ծննդյան 80-ամյակին

  Ապրիլի 1-ին «Արամ Խաչատրյան» համերգասրահում կկայանա Հայաստանի պետական ջազ նվագախմբի համերգը...

Առանց խուճապի: Մինչ կսկսեք մտքեր շարադրել, հայտարարություններ անել այս տողերը կարդացող իրավապահ մարմինների ներկայացուցիչների համար, այս տողերի հեղինակը չի օգտագործում, չի պահում եւ չի աճեցնում բույսեր, որոնք ՀՀ ՔՕ-ով արգելված են, եւ, ընդհանրապես, այս տողերի հեղինակը խախտում է աստվածաշնչյան պատվիրանները, բայց քրեական օրենսգիրքը չի խախտում, ինչպես Օստապ Բենդերը. նա այն հարգում ու պաշտում է:

Ես մի կողմ կդնեմ բոլոր հիստերիկ դիտողությունները եւ այլ բարբաջանքները, դրանց չարժե նույնիսկ ուշադրություն դարձնել, եւ միտքս կկենտրոնացնեմ հետեւյալ ուղղությամբ:

Երկրագնդի վրա ծխողների ընդհանուր թիվը հասել է մեկ միլիարդի. յուրաքանչյուր 4-րդ տղամարդը եւ յուրաքանչյուր 20-րդ կինը թմրանյութերից կախվածությամբ է տառապում, նշված է վերջերս Lancet ամսագրում հրապարակված հոդվածում: Կանոնավոր ծխող տղամարդկանց շրջանում առաջատարն Ասիան է՝ Ինդոնեզիայում, Լաոսում, Մարիանյան կղզիներում եւ Հայաստանում ուժեղ սեռի ներկայացուցիչների գրեթե կեսը ծխողներ են:

Ուշադիր կարդացի՞ք՝ ինչ է գրված վերեւում: Գրեթե կեսը (հասկանալի է, որ իգական սեռը չի հաշվարկվել, քանի որ հազիվ թե մեկն այս մասին հրապարակավ ասի, բայց բավական է մտնել ցանկացած փաբ, եւ պատկերը կհստակեցվի): Սակայն հարցը ծխողների թիվը չէ, հարցը հենց արտադրանքն է, որ կոչվում է ծխախոտ: Չէ՞ որ, բացի նիկոտինից, դրա մեջ ահռելի քանակությամբ խեժ կա, որը նիկոտինի հետ միանալով գրգռում է բրոնխների եւ թոքերի հյուսվածքները, քաղցկեղային ուռուցքներ եւ քրոնիկական հիվանդություններ առաջացնում: Նիկոտինը խթանիչի դեր է կատարում, որը մեծացնում է սրտի կծկումների հաճախականությունը, բարձրացնում զարկերակային ճնշումը, ուղեղի բջիջների ակտիվությունը: Այս նյութն արագ ընտելացում եւ հոգեբանական կախվածություն է առաջացնում: Մտապահեցի՞ք այս ամենը:

Իսկ հիմա ասածը լրացնելու համար հարց. մեր երկրում որեւէ մեկը մարիխուանայի վնասի վերաբերյալ հետազոտություններ կատարե՞լ է: Չարժե պատասխանից խուսափել եւ ասել, որ մեզ մոտ չեն ծխում, փստացնում են: Այն էլ ինչպես են ծխում, հատկապես երիտասարդները հանգստյան օրերին, դերասանները, երգիչ-երգչուհիները ծուխ են արձակում, չինովնիկները փստացնում են, իրավապահ մարմինների ներկայացուցիչները փստացնում են, կան նաեւ փստացնող հոգեւորականներ, դրա մեջ ոչ մի ամոթալի բան չկա: Ամբողջ հարցն այն է, որ մենք վաղ թե ուշ այն կօրինականացնենք, չգիտեմ՝ համաշխարհային վիճակագրությունը թվեր պարունակո՞ւմ է օրգանիզմին մարիխուանայի հասցրած նույնպիսի վնասի մասին, ինչպիսին հասցնում է ծխախոտը, բայց գիտեմ, որ Հնդկաստանում եւ Չինաստանում դրա որոշակի քանակն օգտագործվում է բժշկական նպատակներով, որտեղ վաղուց ի վեր այն լայն կիրառում ունի որպես ցավազրկող, հակաբորբոքային, հակաէպիլեպտիկ, հակաջղաձգումային միջոց եւ հակասրտխառնոցային բժշկական միջոց: Նրանք, ովքեր ավելի մեծ եռանդով կհետեւեն հակամարիխուանային շարժմանը, խնդրում եմ դիմել Մարոկկոյի թագավորին, նա ձեզ ամեն ինչ կպատմի մարոկկացիների մարիխուանային մշակույթի  եւ ձեր առողջության ու շրջակա միջավայրի վրա դրա ազդեցության մասին:

Սա ամենեւին չի նշանակում, որ այն վտանգավոր չէ. վտանգավոր է եւ այն էլ որքան, եթե չափավորություն չպահպանվի, իսկ չափավորություն է պետք պահպանել ամեն ինչում:

Բայց, ահա, այսպիսի հարց է ծագում՝ իսկ եթե այս ամբողջ գործն օրինականացնենք, ասենք, որեւէ կոնկրետ գոտո՞ւմ, օրինակ՝ Արցախում: Իսկ ինչո՞ւ ոչ: Դրանով հնարավոր կլիներ սնել ինչպես շրջանը, այնպես էլ այնտեղ նորմալ ենթակառուցվածքներ ստեղծել:

Դե, չէ՞ որ գաղտնիք չէ, թե երիտասարդ իրանցիները, նաեւ Կատարի ու Էմիրությունների արաբներն ինչու են Հայաստան գալիս. գալիս են անջատվելու (դե, հո մազոխիստ չե՞ն, որ այցելեն միայն այն նպատակով, որ նրանց հայ տաքսիստը հիմարացնի՝ Մոնումենտ-Օպերա ճանապարհի համար 2000 դրամ վերցնելով):

Ի՞նչ են անում իրանցիներն ըստ էության: Գալիս են ազատ ալկոհոլ խմելու, թեթեւ վարքի տեր աղջիկների հետ ժամանակ անցկացնելու եւ ծխելու, եթե այդպիսի հնարավորություն լինի:

Գրողը տանի, հարց է ծագում՝ իսկ ինչո՞ւ այս ամբողջ սեւ կանխիկ գումարը, որը չգիտես ում գրպանն է մտնում, չուղղել բյուջե (դե, հասկանալի է, որ այն այնտեղ էլ կգողանան, բայց գոնե ինչ-որ բան կմնա հասարակ մահկանացուներին):

Եթե ոչ ամբողջ երկրի մասշտաբով, ապա ինչո՞ւ այսպիսի գոտի չստեղծել: Ինչո՞ւ Երեւանում պաշտոնապես այսպիսի խանութ, սրճարաններ չգործարկել: Ախր այնտեղ կձգվեն Հայաստանում դիվանագիտական առաքելություններում եւ դեսպանատներում աշխատող մարդկանց զանգվածները՝ չհաշված երիտասարդներին:

Պատկերացրեք, թե Արցախում տուրիզմն ինչպես կխթանվի, եթե շրջան լցվեն ոչ միայն իրանցիները, այլեւ նախկին սովետից եւ Եվրոպայից եկող մարդիկ: Իսկ Հայաստանում թմրաբիզնեսի սեւ շուկան ստվերից դուրս կգա: Դուք գուցե զայրանաք, գուցե ժպտաք, բայց այս մասին արժե մտածել:

Եթե հաշվարկ կատարվի եւ ամեն ինչ գրագետ իրականացվի, ապա կարելի է հանգիստ այս ամբողջ գործընթացը սկսել՝ առանց երկրի թմրամոլացման մասին վայնասունի: Մտածեք...

Մարլի Բոբյան

Հետևեք NEWS.am STYLE-ին Facebook-ում, Twitter-ում և Instagram-ում