Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Երեւանյան կինոազդ. «Հեռո՛ւ» ժապավենը՝ սարսա՞փ, թե՞ կատակերգություն

20:05, 14 մայիսի

Այս գարնան նորույթներից մեկը «Հեռո՛ւ» (Get Out) կոչվող սարսափ ֆիլմն է: Այն հայտնի սթենդափ երգիծաբան Ջորդան Փիլի դեբյուտային ֆիլմն է: Նրա համար ռեժիսորի ամպլուան բոլորովին նոր է եւ, կարելի է ասել, որ դեբյուտը ստացվել է:

Ջորդանի սեւ հումորը վաղուց է գրավել հանդիսատեսին, ուստի զարմանալի չէ մասնագետների բարձր գնահատականը: Արեւմտյան կինոքննադատները գրեթե միաձայն ֆիլմը գլուխգործոց են համարում: Միջին գնահատականը rotten tomatoes-ում 8.3 է: Շարքային հանդիսատեսը նույնպես բարձր է գնահատել. imdb-ում գնահատականը 8.0 է: Ֆիլմի բյուջեն 4.500.000 դոլար է, այն դեպքում, երբ միայն ԱՄՆ-ում վարձույթից 130.000.000 դոլար է հավաքվել:

Սյուժեի հիմքում երիտասարդ լուսանկարիչ Քրիսի (Դանիել Քալույա) պատմությունն է, ով հանգստյան օրերին եկել է ընկերուհու՝ Ռոուզի (Էլիսոն Ուիլյամս) ծնողների հետ ծանոթանալու: Սիրելիի ընտանիքն ապրում է քաղաքի արվարձանում գտնվող տանը, որտեղ էլ տեղի են ունենում ֆիլմի հիմնական հատվածի գործողությունները: Լիբերալ-սնոբների խելագար ընտանիքը՝ սեւամորթ սպասավորներով, միանգամից կասկած է առաջացնում: Սեւամորթների վերաբերյալ կարծրատիպերը ֆիլմում շատ նուրբ, բայց բավական բաց են ներկայացված: Քննարկենք ֆիլմը՝ ըստ առանձին բաղադրիչների:

Սկսենք թերություններից: Ռեժիսորը մի քանի անգամ վատահամբավ հնարքների է դիմել՝ սքրիմերներ, լղոզված ուրվապատկերներ եւ այլն: Այսպես, թե այնպես ֆիլմը «սարսափ» է համարվում, եւ մի քանի դասական հնարքներ ներկայացված են: Սրանով թերություններն օբյեկտիվորեն ավարտվում են: Ֆիլմի բացարձակ արժանիքը կարելի է համարել հանդիսատեսին հոգեբանական լարվածության մեջ պահելը: Էսթետիկ կողմը նույնպես ուշադրության արժանի է: Ֆիլմը բավական կոշտ եւ սյուրռեալիստական երանգներով է նկարահանված: Առկա է գույների գրագետ խաղ, ինչը չի կարող հանդիսատեսին չուրախացնել: Ու թեեւ ժապավենը «սարսափ» եւ դետեկտիվի ժանրում է, բայց դասական «սարսափ» չի կարելի համարել: Ֆիլմում առկա է ռասիզմի թեման, բայց ռեժիսորը սեւամորթներին չի ներկայացնում որպես աշխարհում ամենաճնշվածների, եւ դա թարմ մոտեցում է: Միաժամանակ, այն ոչ մի կերպ չի կարելի հակառասիստական անվանել:

Չնայած սուր սոցիալական թեմային՝ ֆիլմը կարելի է ավելի շատ զվարճալի եւ հեգնական սարսափ համարել: Իսկ հումորի մասը մեկնաբանությունների կարիք չունի: Տանտիրուհին հյուրին համառորեն առաջարկում է թողնել ծխելը հիպնոզի օգնությումբ, որով նա զբաղվում է: Ավելորդ լրջությունն այս ֆիլմին կխանգարեր, իսկ մի քանի հեգնական պահեր նույնիսկ շատ տեղին են: Հումորի եւ սարսափի սինթեզը գրագիտորեն փոխգործակցում է այստեղ: Գլխավոր հերոսի սեւամորթ ընկերը հումորի հիմնական բեռն իր վրա է կրում:

Ժապավենի մյուս առավելություններից կարելի է համարել ամբողջական եւ միմյանց չնմանվող կերպարները: Ֆիլմի գլխավոր հերոսները հեռու են տիպական լինելուց, որոնց մահվանը դու անհամբերությամբ ես սպասում ֆիլմի արդեն 15-րդ րոպեից: Դրանցից շատերը հետաքրքրություն ու իրենց ավելի լավ ճանաչելու ցանկություն են առաջացնում: Արագ զարգացող իրադարձությունները հանդիսատեսին թույլ չեն տալիս ձանձրանալ: Կարեւոր է հիշել, որ այն «Blumhouse»-ի արտադրանքն է, իսկ դա որոշակի պարտավորություններ է առաջացնում ֆիլմի հեղինակների համար:

Ուշագրավ է նաեւ, որ ֆիլմը երեք դեբյուտ է ներկայացում. Ջորդան Փիլի համար՝ ռեժիսորի դերում առաջին աշխատանքի, կոմպոզիտոր Մայքլ Էբելսի եւ տղամարդու գլխավոր կերպարը մարմնավորող Դենիել Քալույայի համար: Արժե նշել նաեւ այսօրվա ամենահաջող պրոդյուսերներից մեկի՝ Ջեյսոն Բլումի մասնակցությունը:

Օպերատորական աշխատանքն արժանիք է, որի մասին չի կարելի լռել: Պրոֆեսիոնալ Թոբի Օլիվերը կարողացել է հրաշալիոեն համադրել պլանները: Երաժշտական ձեւավորումը նույնպես տարբերվում է: Մայքլ Էբելսը միանշանակ ֆիլմին դրական միավորներ է ավելացրել. միայն ջութակն ամեն ինչ արժե:

«Հեռո՛ւ»-ն օրիգինալ, գրավող եւ տեղ-տեղ ծիծաղաշարժ ֆիլմ է, իսկական հայտնություն՝ օրիգինալ սյուժեների սիրահար կինոմանների համար:

Ռիգա Մելիքյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել