• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Ալեքս Քուրթցմանի գլխավորությամբ կինոնկարի անսպասելի վերաթողարկումը հին պատմության շարունակությունը չէ, այլ «Յունիվերսալ»-ի առանձին կինոտիեզերք ստեղծելու փորձ: Սակայն այս ռեսթարթը իմաստից զուրկ չէ, քանի որ անկրկնելի Բրենդան Ֆրեյզերի եւ նրա թիմի արկածների երրորդ մասը չարդարացրեց ակնկալիքները եւ միանգամայն անարտահայտիչ ստացվեց, այդ պատճառով «Յունիվերսալ» ստուդիայի համար ռիսկային էր չորրորդ ֆիլմի արտադրության մեկնարկը: Եվ, ահա, էկրաններին հանդիսատեսին է սպասում «Մումիայի» թարմացված տարբերակը՝ Թոմ Քրուզի գլխավոր դերակատարմամբ:

Ցավոք, Քուրթցմանի պատմության սյուժեն չի տարբերվում առանձնահատուկ շրջադարձերով, հակառակը՝ կինոնկարը շատ հարթ է եւ տեղ-տեղ՝ նույնիսկ անշարժ: Գլխավոր հերոսը գտնում է մումիան, ազատագրում, եւ այն նրան իր ընտրյալ է նշանակում, իսկ դրանից հետո նրա ետեւից է սուրում ամբողջ ֆիլմը:

Չնայած բազմաթիվ թերություններին, նոր «Մումիան» կարող է պարծենալ դերասանական թարմացված կազմով՝ ի դեմս խարիզմատիկ Թոմ Քրուզի, սեքսուալ Սոֆիա Բուտելայի եւ անզուգական Ռասել Քրոուի: Սակայն ակնհայտ է, որ նրանցից ոչ մեկը չի համեմատվի եւ անգամ մոտ չի կանգնի «Մումիայի» դասական դերասանական կազմի շարքին՝ Բրենդան Ֆրեյզերի, Ռեյչել Վայսի, Ջոն Հաննի, Առնոլդ Վոսլի եւ Պատրիսիա Վելասկեսի հետ (մինչդեռ Ռասել Քրոուի հերոսը կինոնկարի ամենահետաքրքիր կերպարներից մեկն է՝ իր մենախոսություններով):

Կինոնկարի բնութագրական գիծը սեւ տիեզերքի ապագա սերիաներին հղումների առատությունն է, որոնք հազիվ թե իրականություն դառնան, եթե մտաբերենք ֆիլմի վարկանիշը (5.8, այո, անգամ ոչ 6): Ընդհանուր առմամբ, մեծ թվով հղումների, զուգահեռների եւ խճճված սյուժեի պատճառով կինոժապավենը հանդիսատեսին է ներկայանում թեթեւակի չավարտված: Ամբողջ ֆիլմը կարելի է բնութագրել որպես սերիալի առաջին սերիա, որտեղ հանդիսատեսին են ներկայացնում հերոսներին, իսկ սյուժեում, ըստ էության, ոչ մի հետաքրքիր կամ դյութիչ բան տեղի չի ունենում:

Ըստ ժանրի՝ «Մումիան» միանշանակ ֆանտաստիկա է՝ միստիկայի տարրերով: Անկեղծ ասած, լրակազմում սուպերհերոսական էքշն՝ զոմբիներով:

Սակայն ոչ մի դեպքում չի կարելի այն վատ ֆիլմ անվանել: Հետաքրքիր է, որ մումիան այստեղ ներկայանում է միանգամայն նոր եւ, ավաղ, պարզամիտ ամպլուայում՝ ինչպես արտաքին տեսքով, այնպես էլ հոգեբանական դիմանկարով: Հիշենք օրիգինալի պտտեցրած պատմությունը, որտեղ Իմհոթեփը տառապում է Անկսունամունի սիրուց զրկվելու համար՝ այս սյուժեն էր դրված 30-ական թվականների օրիգինալ մումիայում: Իսկ նոր ֆիլմում իր՝ մումիայի կերպարը վերաիմաստավորված է, նա սեքսուալ է եւ նրբագեղ, արգելված սիրո տառապյալ չէ, այլ սովորական չարագործ, որը ծարավի է իշխանության, ցանկացած էքշնի բացասական հերոսի հավաքական կերպար: Այսինքն՝ չնայած կերպարների նոր ուղղություններին եւ հերոսների հոգեբանական դիմանկարներին, պատմությունը ոչ մի առանձնահատկություն չունի՝ սցենարի անբավարար մշակման պատճառով:

Պիրկ կոստյումով Բրենդան Ֆրեյզերի եւ վհուկի հայացքով երկարամազ Ռեյչել Վայսի մասնակցությամբ դասական ժապավենները հիմնավոր են ֆիքսվել եւ նրանց հետ համեմատությունից շատ դժվար է խուսափել: Բայց եթե փորձեք, ապա կարող եք նկատել, որ նոր ֆիլմը հրաշալի է նկարահանված, Բեն Սերեսինի օպերատորական աշխատանքը արժանի է ուշադրության. բավական է հիշել թեկուզ զիլ էքշն տեսարանները (օրինակ՝ ավիաաղետը), որոնք առավելագույն որակով եւ վառ են կատարված, հետապնդումները, ծեծկռտուքները եւ Լոնդոնում եզրափակիչ էքշն տեսարանը, որը տառացիորեն ուղղակի հղում է Բրենդան Ֆրեյզերի մասնակցությամբ ժապավենին: Լավ է ներկայացված Հարավի մթնոլորտն ու էկզոտիկան:

Հատուկ էֆեկտները միանշանակ կինոնկարի ուժեղ կողմն են:

Եզրափակիչ ձախողում կարելի է համարել ֆիլմում հումորի լիակատար բացակայությունը: Բացարձակապես անիմաստ է նորույթը նախորդ տարբերակների հետ համեմատելը:

Այո՛, սա այն բլոքբասթերը չէ, որը սպասում էինք, սակայն ձուկ չունենալիս խեցգետինն էլ է ձուկ: Այնուամենայնիվ, գեղեցիկ ֆիլմ է՝ հետաքրքիր էքշն տեսարաններով, բայց ոչ մի բանի մասին սյուժեով: Այն կարող է դիտելիս ձեր ուշադրությունը գրավել, իսկ հետո արագ ցնդել:

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում