• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

«Գետաձի» ֆիլմը պատմում է այն մասին, թե ինչպես է գլխավոր հերոս Թեդ Ուոլիսը (Ռոջեր Ալամ), որը սկանդալների սիրահար տարեց, սրախոս բանաստեղծ է եւ թատերական քննադատ, իր կենսակերպի եւ հեղինակության պատճառով կորցնում աշխատանքը։ Շուտով նա հանդիպում է իր սանիկին, որը նրան խնդրում է հոնորարի դիմաց հին ընկերոջ տուն գնալ։ Աղջիկը պատմում է, որ այդ տանն իսկական հրաշքներ են տեղի ունենում։ Նա սպիտակարյունությամբ է տառապել, եւ բժիշկների կարծիքով՝ ապրելու շատ ժամանակ չուներ, սակայն այդ տարօրինակ տանը լինելուց հետո նա իրեն ավելի լավ է զգացել ու առողջացել է։ Ցինիկ վատատեսը, որն արդեն վաղուց հրաշքների չի հավատում, համաձայնում է ստուգել եւ հյուր է գնում իր հին ընկերոջը՝ համոզվեու համար՝ արդյոք տանտիրոջ կրտսեր որդին բժշկելու ձիրք ունի՞։ 

Ֆիլմը Սթիվեն Ֆրայի «Գետաձին» (The Hippopotamus, 1994) վեպի էկրանավորումն է։
Ֆիլմի կարգախոսն է՝ «զուտ անգլիական կատակերգություն», ինչպես չեխովյան ֆիլմերը՝ ոչ թե ունքին, այլ աչքին։
Հնարավոր է, նրանք, ովքեր վեպը կարդացել են, այնքան էլ չհավանեն ֆիլմը, քանի որ գրքային Թեդն ավելի վառ ու խարիզմատիկ է, քան ֆիլմի իր կրկնօրինակը։ Նա շատ օրիգինալ է եւ հարբեցող սկանդալիստի լավագույն մարմնավորումը։ Սակայն անիմաստ համեմատությունների փոխարեն, ավելի լավ է գնահատել ժապավենի երկխոսությունները. չէ՞ որ ֆիլմի գլխավոր առանձնահատկությունը երկխոսություններն են։ Այստեղ նրանք հանդիսատեսին թույլ չեն տա ձանձրանալ։ Վառ, հեգնանքով ու սարկազմով համեմված երկխոսությունները ֆիլմում պակաս լավ ներկայացված չեն, քան գրքում։
Իսկ պատմության հետ նոր ծանոթացողներին ավելի դյուրին կլինի ընկալել ֆիլմի Թեդի կերպարը։ Ֆիլմը հաճելի ժամանց կապահովի ու կբարձրացնի տրամադրությունը։ Լճակն ընկնելու, թատերական խմբի հետ ձեռնամարտերի տեսարաններն ու ամենակարեւորը՝ երկխոսությունները, միանգամայն դրական գնահատականի են արժանի։

Այստեղ, իհարկե, իմ ուղղությամբ քարեր կնետվեն. չէ՞ որ ֆիլմը չի համապատասխանում գրքի ոգուն եւ ընդհանրապես «գիրքն ավելի լավն է» (ինչն, իհարկե, անվիճելի է)։ Բայց պետք չէ մոռանալ, որ ֆիլմի ռեժիսոր Ջոն Ջենիքսը հազիվ թե գրականության սյուժեն կրկնօրինակելու եւ գծված շրջանակից դուրս չգալու խնդիր դներ իր առջեւ։ Ի դեպ, գրքերի էկրանավորման բոլոր սիրահարներին քաջ հայտնի է, որ ռեժիսորը կրկնօրինակող չէ եւ գրական ցանկացած ստեղծագործություն էկրանավորելիս առաջին հերթին ներկայացնում է գրքի իր ընկալումը։ Այդ միտքը կոտրում է գրքերի էկրանավորման պաշտապնների կողմ նետված ցնակացած քար, այդ թվում՝ նախապաշարմունքները։

Կարիք չկա շատ խոսել կինոնկարի սյուժեի մասին։ Այն որքան կանխատեսելի է, այնքան էլ՝ հիասքանչ է։ Վերջինի առումով իրենց ներդրումն ունեն միջավայրն ու երկխոսությունները։ Անգլիական հումորի սիրահարները չպետք է բաց թողեն ֆիլմը։

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում