Հունիսին նոր սերնդի միանգամից երեք դիզայներ՝ Արմինե Մարտիրոսյանը, Արփինե Կոշտոյանն ու Թերեզա Ղարաբաղցյանն ամուսնացան։ Դիզայներներից յուրաքանչյուրը անհամբերությամբ է սպասել կյանքի այդ պատասխանատու եւ կարեւոր օրվան, հատկապես, երբ հարսանեկան զգեստների հեղինակներն էլ հենց իրենք են եղել:
NEWS.am STYLE-ը զրուցել է նորահարսիկների հետ՝ պարզելու նրանց զգեստների ընտրությունն ու դրանց ստեղծման հետաքրքիր պատմությունը.
«Դեռ մանկուց միշտ մտածել եմ, որ ես ինքս պետք է իմ զգեստի հեղինակը լինեմ: Ինձ բծախնդիր մարդ չեմ համարում, շատ հեշտ ստացվեց զգեստիս ընտրությունը: Ես ուղղակի պատկերացրեցի, թե ինչպիսին պետք է լինի այն եւ աշխատանքը վստահեցի իմ թիմին. նրանք ստացան այն, ինչը ես պատկերացրել էի»,-ասում է Արմինեն, որը ցանկանում էր, որ զգեստը լիներ ավանդական, բայց տարբերվող դետալ ունենար.
«Իմ դեպքում այդ դետալը քողն էր, որն ամբողջովին ձեռքի աշխատանք էր: Շատ սեղմ ժամկետներում ենք քողը հավաքել, քանի որ զուգահեռ նաեւ շատ պատվերներ ունեինք, իսկ զգեստը ստեղծվել է մոտ 2 ամսում:
Կորսետի հատվածն ամբողջությամբ մանրակրկիտ ձեռքի աշխատանք է: Ուզում էի էլեգանտ, դասական ու շատ եթերային զգեստ, եւ մենք կարողացանք ստանալ դա»,-նշեց նա:
Ի տարբերություն Արմինեի՝ Արփինեի զգեստը կարվել է հարսանեկան արարողությունից երեք օր առաջ:
«Վաղուց գիտեի հարսանիքիս օրը, բայց աշխատանքս թույլ չէր տալիս ավելի շուտ պատրաստվել:
Սակայն հենց սկսեցինք ստեղծել այն, ես հստակ գիտեի, որ այն պետք է լինի իմ երազանքների շքեղ զգեստը՝ մեծ փեշով: Զգեստը կարելու համար մեզ պետք եկավ 150 մետր կտոր: Այն երկու շերտով էր:
Այդ տարբերակով պսակադրվեցի, որից հետո հանեցի եւ մնացի ավելի կանացի եւ համեստ ոճի զգեստով, որով էլ շարունակեցի հարսանեկան արարողությունս»,-պատմում է նա:
Թերեզան էլ նախտընտրել է այլ կերպ յուրահատուկ դարձնել իր զգեստը։ Մեզ հետ զրույցում դիզայները պատմել է հարսանեկան զգեստի փոքրիկ «գաղտնիքի» մասին.
«Հարսի զգեստս հեղինակային է՝ փոքրիկ հետաքրքիր նոր լուծումով: Այն կոմբինիզոն-զգեստ է, եւ հնարավոր է կրել 2 տարբերակով՝ վերնազգեստով եւ առանց:
Հարսնազգեստի դիզայնի հարցում վերջնական կողմնորոշվեցի, երբ արդեն որոշել էինք խնջույքի ընդհանուր ձեւաչափը: Եվ, պատկերացրեք, դեռ վերջին օրով զգեստի հուլունքներն էինք հավաքում»:
NEWS.am STYLE-ը երջանկություն է ցանկանում երեք դիզայներներին էլ՝ մաղթելով հարսանեկան զգեստների պես շքեղ եւ գեղեցիկ կյանք:)
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին