• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

«Ռոքի», «Ռեմբո», «Կոբրա», «Մարդասպանները» եւ հոլիվուդյան այլ հանրահայտ ֆիլմերից հայտնի դերասան Սիլվեսթր Ստալոնեն այսօր՝ հուլիսի 6-ին, նշում է ծննդյան տարեդարձը: Ամերիկացի դերասանը դարձավ 71 տարեկան:

Այսօր Ստալոնեի ֆիլմերը դիտում են տարբեր տարիքի հեռուստադիտողներ, սակայն կար ժամանակ, երբ հոլիվուդյան աստղը նկարահանվում էր միայն մեծահասակների համար նախատեսված ժանրում: Նրա մասնակցությամբ առաջին ֆիլմը «Միջոցառում՝ Քիթիի եւ Սթադի տանը» էրոտիկ կինոնկարն էր, որի համար դերասանը բավականին մեծ հոնորար է ստացել: Ավելի ուշ Ստալոնեն խոստովանել էր, որ ստիպված է եղել նկարահանվել այդ ֆիլմում, քանի որ տունն իր ձեռքից վերցրել էին, եւ նրան միջոցներ էին անհրաժեշտ նոր բնակարան վարձելու համար:

Դերասանը լայն ճանաչում ձեռք բերեց 1975 թ-ին՝ «Ռոքի» ֆիլմում նկարահանվելուց հետո, դե, իսկ, հանրահայտ Ռեմբոյի կերպարի մասին խոսելն ավելորդ է:

Իր կարիերայի ընթացքում հոլիվուդյան աստղը մի շարք պարգեւների է արժանացել, որոնց թվում են «Ոսկե Գլուբուսի» հաղթանակն ու «Օսկարին» 3 անգամ առաջադրվելը:

Դերասանը միշտ էլ սիրված է եղել հայ ֆիլմասերների կողմից, սակայն այդ սերը կրկնապատկվեց, երբ Սիլվեստրը Լոս Անջելեսում մասնակցեց Հայոց Ցեղասպանության մասին «Խոստումը» ֆիլմի պրեմիերային՝ իր աջակցությունը ցուցաբերելով հայ ժոովրդի համար այդչափ կարեւոր թեմային:

Ձեր ուշադրությանն ենք ներկայացնում Ստալոնեի՝ բոլոր ժամանակների ամենահետաքրքիր մեջբերումները.

«Պետք է միշտ ստեղծել փորձություններ: Այնքան սարեր կան, որոնք պետք է բարձրանալ: Երբ ես մեկը մագլցում եմ, նորն եմ կառուցում»:

«Ես համոզված եմ, որ մարդ հաջողության է հասնում, երբ առաջնորդվում է կույր եւ հաստատուն լավատեսությամբ»:

«Ես աշխարհի ամենահարուստ, ամենախելացի ու ամենատաղանդավոր մարդը չեմ, բայց ես հասել եմ հաջողության, քանի որ շարունակ առաջ եմ շարժվել»:

«Երբ մարդ իրեն շատ է ցուցադրում, ուրեմն նա շատ թույլ է»:

«Կերպար ստեղծելու կարեւոր նախապայմանը հագուստն է»:

«Ես գիտեմ, որ անտանելի անկանխատեսելի եմ: Դա միակ բանն է, ինչում ես վստահ եմ»:

«Սովորաբար, երբ մի բանից վախենում ես, դա պետք է անես: Եթե չունես մտավախություն, ուրեմ մի ձեռնարկիր դա»:

«Ֆիլմերում ես հսկա տղամարդկանց կացնահարում եմ, իսկ իրական կյանքում նույնիսկ փոքրիկ աղջնակի չեմ կարողանում կառավարել»:

«Մարդը պետք է ցույց տա իր հոգին, այլապես կվերածվի ինչ-որ մի սարքի»:

«Մարդիկ կարծում են՝ թոշակի անցնելը հրաշալի է: Բայց երբ դու ներսումդ դեռ կրակ ես ունենում, դա ամենաանտանելի բանն է դառնում»:

«Կյանքն ավելին է, քան արեւային ակնոցներն ու հիթային ֆիլմերը: Կյանքում կարեւորը իրականությունն է»:

Հետևեք NEWS.am STYLE-ին Facebook-ում, Twitter-ում և Instagram-ում