• Հայկական ծագմամբ ֆրանսիացի ռեժիսոր Ժան-Բեռնար Մառլինը վերադարձել է Կանն իր երկրորդ՝ «Սալեմ» ֆիլմով

  Ֆրանսահայ ռեժիսոր Ժան-Բեռնար Մառլինը 2018 թվականի Կաննի քննադատների շաբաթին մեծ աղմուկ էր բարձրացրել․․․

• Playtime-ը կզբաղվի «Մսյե Ազնավուր» կենսագրական ֆիլմի արտադրական աշխատանքներով

  Ֆիլմն, անկասկած, այս տարի Կաննի շուկայում ներկայացված ամենաթեժ փաթեթներից է․․․

• «Արեւմտյան ճակատում առանց փոփոխությունների» ֆիլմը դարձել է British Academy Film Awards 2023-ի ռեկորդակիր

  7 մրցանակ է ստացել, այդ թվում՝ լավագույն ֆիլմ անվանակարգում․․․

• Դեւա Կասելը կնկարահանվի «Գեղեցիկ ամառ» ֆիլմում

  Ֆիլմի սցենարի հիմքում իտալացի գրող Չեզարե Պավեսեի «La Bella Estate» վեպն է...

• Ալեն Դելոնը հարցազրույց կունենա Ուկրաինայի նախագահ Վոլոդիմիր Զելենսկիի հետ

  Հարցազրույցը կկայանա ուրբաթ օրը...

• Մահացել է ֆրանսիացի լեգենդար ռեժիսոր Ժան-Լյուկ Գոդարը

  Գոդարի կատարած աշխատանքը նպաստել է համաշխարհային կինոյի զարգացմանը..

• Մեթյու Լոպեսի ֆիլմում Ումա Թուրմանը կմարմնավորի ԱՄՆ նախագահին

  Ռոմանտիկ կատակերգություն․․․

• Վիկտոր Դոբրոնրավովը կխաղա Ռոման Պոլանսկիի ֆիլմում

  Ժապավենում կխաղան Միքի Ռուրկը, Ֆանի Արդանը․․․

Այսօր ուրբաթ է, իսկ դա նշանակում է, որ շատերին սպասում է երկօրյա հանգիստը. այսինքն՝ վաղն առավոտյան ստիպված չեք լինի արթանանալ շատ վաղ, ինչն էլ լավ առիթ է այսօր երեկոյան լավ ֆիլմեր դիտելու համար:

NEWS.am STYLE-ն այս հարցում միշտ փորձում է օգտակար լինել իր ընթերցողներին: Այսօր խորհուրդ ենք տալիս դիտել գերմանական արտադրության՝  «չՆԱՅԱԾ դրան» կատակերգությունը, որի հիմքում ընկած է իրական պատմություն:

Ֆիլմի ռեժիսորը Մարկ Ռոտեմունդն է, իսկ գլխավոր հերոսին մարմնավորում է գերմանացի դերասան Կոստյա Ուլմանը, որը շատերին ծանոթ է «Երկրպագուները նախաճաշին չեն մնում», «Ամառային հեղեղ», «Սկիզբը» ֆիլմերից:

33-ամյա դերասանը ֆիլմում մարմնավորում է Սալիային՝ նպատակասլաց երիտասարդ, որն օրերից մի օր հայտնաբերում է, որ տեսողության հետ կապված խնդիրներ ունի: Տղայի տեսողությունը օրեցօր վատանում է, եւ շուտով նա գրեթե ամբողջովին կուրանում է: Չնայած նրան, որ տղայի ծնողները հորդորում էին նրան թողնել համալսարան ընդունվելու երազանքն ու սովորել կույրերի համար նախատեսված հատուկ ուսումնական կենտրոնում, Սալիան չի հանձնվում. չէ՞ որ երիտասարդն ի սկզբանե ուներ մեծ նպատակներ՝ սովորել բարձրագույն ուսումնական կենտրոնում եւ փորձաշրջան անցնել Մյունխենի լավագույն հյուրանոցներից մեկում: Քրոջ եւ նոր ընկերների շնորհիվ Սալիային հաջողվում է թաքցնել տեսողության խնդիրն ու գնալ իր երազանքի հետեւից եւ նույնիսկ սիրահարվել:

Որքա՞ն ժամանակ երիտասարդին կհաջողվի թաքցնել տեսաղության հետ կապված խնդիրն ու ինչպիսի՞ դժվարությունների մեջ կհայտնվի նա:

Մանրամասների մասին նախընտրում ենք լռել, որպեսզի ավելի հետաքրքրությամբ դիտեք ֆիլմը: Միայն կավելացնենք, որ այն համեմված է ոչ միայն հուզիչ, այլեւ զվարճալի եւ հետաքրքիր դրվագներով, որոնք ապացուցում են, որ կյանքում ոչ մի խնդիր չպետք է խոչընդոտի, որպեսզի իրականացնենք մեր երազանքները:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում