• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

• Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը

  Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը։ Ստեղծման օրվանից՝ 25 տարի առաջ, Oran-ը դարձել է աշխարհի ամենաբաղձալի կոշիկներից (և աքսեսուարներից)...

• Նաոմի Քեմփբելը պատրաստվում է բացել սեփական ցուցահանդեսը

  Բացմանն ընդառաջ Նաոմին որոշել էր ճաշկերույթ կազմակերպել Դորչեսթերում․․․

Հաջողված ամառային հանգստի լավագույն ապացույցը ոչ թե FB-ում տեղադրված լողափնյա լուսանկարներն են, այլ սպիտակ հանդերձանքի լուռ վկայությունը:

Սպիտակի հանրաճանաչության հետ չի կարող մրցակցել եւ ոչ մի այլ գույն, հատկապես ամռան երկրորդ կեսին, երբ արդեն սպիտակ գործվածքի տակից կարելի է ցուցադրել արեւայրուքը:

Սպիտակ սարաֆանն, ասես, «Ես եւ ծովը» անվերջանալի ծովափնյա սիրավեպի շլեյֆ լինի, իսկ փոքրիկ սպիտակ զգեստը վաղուց դասական է դարձել: 

Սպիտակ զգեստներն ու կոմբինեզոնները որպես երեկոյան հանդերձանք նույնպես ակտիվ դիրք են գրավել: 

«Ես մշտապես համարել եմ սպիտակ շապիկը նորաձեւության այբուբենի ալֆան ու օմեգան»,- ասում է Արմանին: Իսկ այն մասին, որ ճիշտ ընտրված սպիտակ վերնաշապիկը կփոխարինի տասնյակ զանազան հանդերձանքին, գիտեն բոլոր իմաստուն կանայք: 

Իմաստուն կանայք նաեւ օգտվում են սպիտակ բաճկոնից եւ կարդիգանից (երկար վերնազգեստ), որ վստահաբար ուղեւորվեն տարբեր վայրեր՝ գրասենյակից մինչև ռեստորան: Փոխելով աքսեսուարները՝ շարֆերը, կրծքազարդերը, ծաղիկները, ամեն անգամ հնարավոր է նոր հագուստ ստանալ:

Սպիտակ տաբատը տարիք չի ճանաչում, անհրաժեշտ է պարզապես ճիշտ որոշել ձեզ համապատասխանող ձեւվածքը, գործվածքը եւ վայրը, որտեղ այն կրելու եք:

Նորաձեւության ինդուստրիայում սպիտակի երանգների թեման շատ ավելի արդիական է ու հարուստ, քան կյանքում մոխրագույնի 50 երանգների թեման: Սպիտակը, ինչպես ցանկացած այլ գույն, բազմաթիվ երանգներ ունի, եւ հաճախ մեկ անսամբլում սպիտակը սպիտակի հետ համադրելու ցանկություն է առաջանում, որը ձեզնից առանձնահատուկ վարպետություն կպահանջի, եւ եթե պատրաստ չեք տոտալ սպիտակ լուքին, ավելի լավ է առավելագույնը երկու երանգ փորձեք:

2017 թվականի ցուցադրություններում սպիտակն ակտիվորեն թելադրվում է ոչ միայն որպես ամռան խորհրդանիշ, այլ նաեւ որպես տարվա թրենդ: Բոլոր գույները ծնվում են սպիտակի եւ մահանում են սեւի մեջ. գուցե սա է պատճառը, որ 2017-ի համար ամենաարդիականը սպիտակի եւ սեւի համադրություններն են: 

Սպիտակ աքսեսուարները՝ պայուսակը, ակնոցը եւ շարֆերը, կարող են թարմացնել ամառային ցանկացած կերպար, եւ այսօր դրանք թիվ 1 թրենդն են:

Դե, իսկ սպիտակ ժանյակը կարող է համարվել հակադեպրեսանտ եւ թարմացնող կրեմ: 

Այնքան էլ բարդ չէ գլուխ հանել դասական տարբերակների մեջ, բայց, ահա, բոտիլյոնների (կոճերից մի փոքր բարձր բարձրակրունկ կոշիկ)  եւ կոշիկների հարցն արդեն ռիսկային է, իսկ մեզ ռիսկի դիմելու կոչ են անում ամենանվանի դիզայներները:

Սպիտակ կոշկեղենն, ահա, արդեն քանի սեզոն կեդերի, թենիսային կոշիկի, սաբոների եւ մարզակոշիկների տեսքով է մեզ մոտենում՝ թարմություն և  երիտասարդություն հաղորդելով կանանց, սակայն հիմա քաղաքներին սպառնում է փակ սպիտակ կոշիկների, բոտիլյոնների եւ երկարաճիտների վտանգը:

Ապագա աշնան եւ ձմռան ամենաարդիական թրենդը սպիտակ կոշիկն է, որը ոչ բոլորն են ի վիճակի պատվով հաղթահարելու, իհարկե՝ պետք էլ չէ. դիզայներներին ոգեշնչող ամեն ինչը չէ, որ պետք է իրականություն քարշ տալ, չնայած պետք է նշել, որ շատ քաղաքներում կանացի սպիտակ կոշիկը նորաձեւությունից երբեք դուրս չի գալիս:

P.S. Սպիտակ գործվածքի վատ որակը, ձեւվածքի թերությունները ավելի նկատելի են, քան այլ գույնի մոդելներում, այս պատճառով խոստանում ենք շատ շուտով ավելի մանրամասն քննարկել սպիտակ զգեստներն ու տաբատները:

Հետևեք NEWS.am STYLE-ին Facebook-ում, Twitter-ում և Instagram-ում