• Հինգ փուլ՝ մինչեւ վերջնական բաժանում

  Կարծում եք վեճերի բացակայությունը լա՞վ նշան է...

• Տղամարդկանց կարծիք. կնոջ մարմնի ամենասեքսուալ մասերը

  Իսկ որոնք են կնոջ մարմնի ամենասեքսուալ մասերն ըստ տղամարդկանց...

• 5 փաստ սիրո մասին, որոնք դու կիմանաս միայն դավաճանությունից հետո

  Դուք կիմանաք, որ հարաբերություններում ամենակարեւորը վստահությունն է...

• Աղջիկների մասին 15 փաստ, որ տղամարդիկ չեն կռահում

  Նրանք երբեք չեն հանում շապիկը`թիկունքից քաշելով այն...

• Բազմակողմանի մտածողության հինգ պատճառ

  Նոր գաղափարները կբարելավեն ձեր կյանքը...

• Կնոջ էներգիան

  Կանացի էներգիայով լեցուն կինը, որն իր էության հետ շփման մեջ է, հեշտորեն գրավում եւ պահում է տղամարդկանց, սերը, փողը եւ ներդաշնակությունը...

• Միլիարդատերերի տասը խորամանկություն

  Միլիարդատերերը թիմ են հավաքում խելացի/փորձառու/հնարամիտ մարդկանցից...

• Երջանիկ կանայք երբեք չեն ընդվզում

  Երջանիկ մարդիկ ոչ մեկի հետ չեն մրցակցում...

Մերֆիի օրենք. «Եթե որեւէ անախորժություն կարող է տեղի ունենալ, ապա անպայման տեղի կունենա»

Մերֆիի օրենքը հայտնի է նաեւ որպես «ստորության օրենք» ու «բուտերբրոդի օրենք»։ Այն ձեւակերպվել է 1949-ին մայոր Էդվարդ Մերֆիի կողմից, որը ծառայում էր ԱՄՆ ՌՕՈՒ Քալիֆորնիայի բազայում։ Մերֆին հավաստիացնում էր, որ տեղական տեխնիկաները խափանվում են բոլոր հնարավոր դեպքերում ու վայրերում։ Ասում են՝ մայորը, իբր, դա նշել է այն պահին, երբ օդանավի շարժիչը հանկարծ սկսել է սխալ ուղղությամբ պտտվել։ Նույն օրը պարզվել է, որ տեխնիկները հակառակ ուղղությամբ են տեղադրել մանրակները։

Օկկամի օրենքը. «Պետք չէ առանց անհրաժեշտության ավելացնել այն, ինչն արդեն բավարար է»

Օկկամի օրենքը նաեւ հայտնի է որպես «խնայողության սկզբունք» ու «տնտեսման օրենք»։ «Այն ամենը ինչ կարող է բացատրվել բազմաթիվ փաստարկներով, կարող է բացատրվել նաեւ ընդամենը մեկ փաստարկի հիման վրա»,- ասում էր անգլիացի վանական, փիլիսոփա Ուիլյամ Օկկամը։ Ժամանակակից գիտության մեջ Օկկամի օրենքը հասկանում են՝ որպես հավատիացում այն մասին, որ պետք է ճշմարիտ համարել այս կամ այն երեւույթի բազմաթիվ բացատրություններից ամենահասարակը, եթե այդ բացատրությունները տրամաբանորեն չեն հակասում իրար։

Հենլոնի օրենքը. «Երբեք չար միտումին մի վերագրեք այն, ինչը կարելի է բացատրել հիմարությամբ»

Այս մեջբերումն առաջին անգամ օգտագործել է Ռոբերտ Հենլոնը՝ Մերֆիի օրենքին նվիրված կատակների հավաքածուուն, որը 1980-ին է հրատարակվել ու կոչվում էր «Մերֆիի երկրորդ գիրքը ու էլի մի քանի պատճառ, թե ինչու են գործերը վատ ընթանում»։ Այդ մեջբերման հիմքում Մարգարեթ Թետչերի մամուլի քարտուղար Բեռնարդ Ինգամի խոսքն է։ Նա ասում էր. «Շատ լրագրողներ հակված են հավատալ կառավարության դավադրության տեսությանը։ Ես ձեզ վստահեցնում եմ, որ նրանց նյութերն ավելի հավաստի կստացվեին, եթե նրանք հնարավոր համարեին, որ կառավարությունը պարզապես սխալվել է»։

Պարկինսոնի առաջին օրենք. «Աշխատանքը լրացնում է այն ժամանակը, որը կա մեր տրամադրության տակ»

Այլ կերպ ասած՝ ծեր կինը կարող է մի ամբողջ օր ծախսել իր զարմուհուն նամակ գրելու համար, մինչդեռ զբաղված ջենթլմենը դրան ընդամենը երեք րոպե կհատկացնի։ Այդ օրենքը ձեւակերպվել է Սիրիլ Նորթկոթ Պարկինսոնի կողմից երգիծական հոդվածում, որը հրապարակվել է The Economist ամսագրում 1955-ին։ Նրան առաջին հերթին հետաքրքրում էին ձեռնարկությունների ու կառավարական մարմինների բյուրոկրատիան ու աշխատելաոճը։ Մասնավորապես, Պարկինսոնը հավաստիացնում էր «Հաստատությունը, որտեղ աշխատում են ավելի քան հազար աշխատակիցներ, դառնում է հավերժ կայսրություն, որն այնքան շատ ներքին աշխատանք է ստեղծում, որ այլեւս արտաքին աշխարհի հետ կապի կարիք չի ունենում»։

Փիթերի սկզբունք. «Հիերարխիայի համակարգում ցանկացած աշխատող բարձրանում է եւ հասնում իր ոչ կոմպետենտության մակարդակի սահմանին»

Մանկավարժ Լոուրենս Փիթերը, որն ուսումնասիրել է հիերարխիայի համակարգի կառուցվածքը, այս սկզբունքի մասին գրել էր իր համանուն գրքում։ Նա պնդում էր, որ մարդը, ով աշխատում է հիերարխիկ համակարգում, առաջ կշարժվի կարիերայի աստիճանավանդակով, քանի դեռ չի հասել այն մակարդակին, որտեղ այլեւս ոչինչ չի կարող հասկանալ։ Այդ աստիճանի վրա նա կմնա այնքան ժամանակ, քանի դեռ չի լքել այդ համակարգը։

Աղբյուրը՝ Wday.ru

Հետևեք NEWS.am STYLE-ին Facebook-ում, Twitter-ում և Instagram-ում