Սեպտեմբերի 7-ից մեծ էկրաններին կհայտնվի ռեժիսոր Ֆիլիպ Պողոսյանի «Իմ անցյալի դիմանկարը» մելոդրաման, որի գլխավոր դերերում հանդես են գալիս սերիալներից հայտնի դերասանուհի Թամարա Գեւորգյանն ու Ֆիլիպ Պողոսյանը:
NEWS.am STYLE-ը հետաքրքիր զրույց է ունեցել ֆիլմում առաջին անգամ դրական հերոսուհու մարմնավորող Թամարա Գեւորգյանի հետ, որը հատուկ մեր ընթերցողների համար բացահայտել է նկարահանման հետ կապված մի շարք մանրամասներ.
«Նկարահանման աշխատանքները սկսվել են անցած տարի, եթե չեմ սխալվում՝ նոյեմբեր ամսից: Նախապատրաստական աշխատանքները չհաշված՝ նկարահանման գործընթացը տեւեց մոտ 2 ամիս: Ֆիլմում մարմնավորում եմ գլխավոր հերոսուհու՝ Մարիայի կերպարը: Ինձ շատ գրավեց այն. դրական հերոսուհու իմ առաջին փորձն էր ֆիլմում: Որպես դերասանուհի՝ ինձ հետաքրքիր էր ներկայանալ նաեւ դրական կերպարով: Ֆիլմի հետ կապված ինձ գրավեց նաեւ հավաքված խումբը. նրանք իրենց գործի նվիրյալներն են»,-նշեց Թամարան՝ խոսելով նաեւ իր հերոսուհու հիմնական գծերի մասին.
«Մարիան սովորական աղջիկ է, որի համար Դավիթի՝ գլխավոր հերոսի հետ ունեցած կապն ուղղակի կյանքի էպիզոդ է: Ինքն էլ չհասկանալով` մեծ հետք է թողնում Դավիթի կյանքում: Մարիան կենսուրախ է, սկզբունքային եւ ինքնուրույն: Ֆիլմը հիմնված է իրական փաստերի վրա, ու չափազանց հետաքրքիր էր ունենալ հնարավորություն` շփվելու իրական հերոսների հետ: Մարիայի հետ, ցավոք, շփում չկարողացա ունենալ, բայց նրա նկարները բավականին երկար եմ ուսումնասիրել: Ինձ համար պարտավորեցնող էր այն փաստը, որ իրական հերոսուհին դիտելու է իմ խաղը»:
Դերասանուհու խոսքով՝ կերպարի մեջ մտնելու դժվարություն չի ունեցել.
«Հերոսուհու հոգեվիճակի մեջ մտնելը հեշտ էր, քանի որ նկարահանումներից առաջ բավականին լուրջ ու երկար նախապատրաստական աշխատանքներ ենք ունեցել: Ժամերով խոսում, վերլուծում էինք, տարբերակներ ու արտահայտչամիջոցներ էինք մտածում: Նույնիսկ հանդգնեցի սցենարի մեջ մի քանի փոքրիկ փոփոխություններ առաջարկել, որոնք խմբի կողմից ընդունվեցին»,-ասում է նա՝ հավելելով.
«Նկարահանումները բավականին ծանր են եղել, օրեր են եղել, որ 23 ժամ աշխատել ենք: Ես հիացած եմ ամբողջ խմբով, որովհետեւ ցրտից ու հոգնածությունից միայն ես էի նվնվում :)»:
Թամարայից հետասքրքրվեցինք նաեւ, թե իր կարծիքով ինչով է տարբերվում այս նոր մելոդրաման եւ ինչպիսի արձագանք է ակնկալում հանդիսատեսից.
«Անկեղծ պետք է լինեմ ու ասեմ, որ հուզվում եմ բավականին շատ…Ֆիլմը շատ ժապավեններից տարբերվում է նրանով, որ կոնկրետ ոչ մի հատուկ բան արված չէ այն վաճառվող դարձնելու համար: Ուզում եմ հանդիսատեսը դա տեսնի, իսկ սպասելիքների առումով ոչինչ չեմ կարող ասել: Պրեմիերայից հետո ամեն ինչ պարզ կլինի»,-եզրափակեց դերասանուհին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ