Համատեղ լուսանկարը որպես ավատար մի՛ օգտագործեք
Հոգեբանները հաճախ են խոսում այն մասին, որ հարաբերություններ ունենալու դեպքում էլ է պետք է պահպանել ինքնուրույնություն, ունենալ նաեւ սեփական կյանքը։ Սոցցանցի պրոֆիլը քո ինքնաբավության պատկերավոր ապացույցն է։ Եթե քո ամբողջ էջը նվիրված է բացառապես «երկուսիդ», ապա դու սկսում ես մոռանալ քո մասին, իսկ դա արդեն լուրջ մտահոգության առիթ է։
Սոցցանցում ձեր նախկին սիրեցյալների էջերին մի՛ հետեւեք
Ավարտելով հարաբերությունները՝ դրանց մասին պետք է մոռանալ։ Մեկընդմիշտ։ Սոցցանցերում հետեւելով նախկին ընկերների կամ ընկերուհիների էջերին՝ դուք կասկածի տակ եք դնում ձեր սեփական երջանկությունը։
Ձեր նախկին սիրեցյալներին «սեւ» ցուցակում մի՛ ընդգրկեք
Անդրադառնալով նախկին ընկեր-ընկերուհու թեմային՝ նշենք, որ հակառակ ծայրահեղության մեջ նույնպես պետք չէ ընկնել։ Հիմա դու երջանիկ ես քո ներկա բոյֆրենդի հետ, բայց դա դեռ չի նշանակում, որ բոլոր նախկիններին պետք է ջնջել քո անցյալից՝ այդ թվում սոցցանցերից։ Անցյալը եղել է ու միշտ կլինի։ Մշտապես սիրեցյալին թեգերով նշելն առնվազն տարօրինակ է։ Կարելի է սահմանափակվել միայն իսկապես կարեւոր իրադարձություններով՝ օրինակ համատեղ հանգստի լուսանկարներով։
Ձեր ընտրյալի հետ սոցցանցում հրապարակումների միջոցով մի՛ վիճեք
Վիճելն, իհարկե, բնական փուլ է ցանկացած հարաբերություններում։ Պարզապես չարժե դա անել հրապարակավ։ Նախ, որովհետեւ դա ձեզ ամենեւին էլ դրական լույսի ներքո չի ներկայացնում, նաեւ ձեր զուգընկերոջն է ստորացնում։ Բացի այդ՝ դա պարզապես անհարգալից վերաբերմունք է ձեր էջի մյուս այցելուների նկատմամբ։
Հրապարակավ սեր մի՛ խոստովանեք
Նույն պատճառով, ինչ նախորդ կետում՝ դա շատ անձնական զգացմունք է ու պետք է այդպիսին էլ մնա։ Բացի դրանից՝ հոգեբանները հավաստիացնում են, որ եթե դու որեւէ մեկին քո երջանկությունն ապացուցելու կարիք ունես, ուրեմն առաջին հերթին հենց դու ունես նման ապացույցի կարիք։
Նրա մասին դժգոհություններ ու գանգատներ մի՛ հրապարակեք
Խնդիրների մասին չարժե բարձրաձայնել։ Մանավանդ` սոցցանցի մասշտաբով, որտեղ քո էջը կարող է այցելել ցանկացած ոք՝ այդ թվում քո նախկին բոյֆրենդն ու նրա գաղտնի երկրպագուհին։ Եվ հետո՝ դա պարզապես անքաղաքավարություն է։
Աղբյուրը՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր