Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ջինս. հագուստ, որը միշտ թրենդում է

13:16, 6 սեպտեմբերի

Աշխարհում ոչ մի նորաձեւամոլ չի կարող իր զգեստապահարանն առանց ջինսի պատկերացնել: Ներկայիս սեզոնում դենիմը շարունակում է իր դիրքերն ամրապնդել: Այսօր «ջինսան» թրենդում է: Սա ոչ միայն պրակտիկ է, հարմար, այլ գլխավորը՝ նորաձեւ: Համարձակորեն ոտքից գլուխ դենիմով փաթաթվեք, եւ դուք ոճային ու ժամանակակից տեսք կունենաք: Ճիշտ ընտրված ջինսը, սպիտակ վերնաշապիկը կամ «հարբեցող» շապիկը՝ բարձրակրունկներով կոշիկի կամ կեդերի համակցությամբ արդեն դասական է:

Ներկայումս դիզայներները ջինսային թրենդը նոր մակարդակի են բարձրացրել: Նրանք մեզ կոմբինեզոններ, զգեստներ, տաբատներ, կիսաշրջազգեստներ, վերնաշապիկներ եւ նույնիսկ աքսեսուարներ են առաջարկում: Այն ամենն, ինչը ձեր սիրտը կուզի, ընտրությունը ձերն է:

Ջինսը բազային զգեստապահարանի ցանկացած տարրի համար հոյակապ լրացում է: Նախընտրեք բարձր գոտկատեղով ջինսերը, օվերսայզ մոդելները եւ կլեշ մոդելները, որոնք մեզ են հասել 90-ականներից: Չմոռանաք ձեռք բերել նաեւ դասական ուղիղ մոդելներ՝ մաշվածությամբ կամ թեթեւակի պատառոտված եզրերով: Մի քանի սեզոն նորաձեւության ալիքի կատարին կլինեն հիպ, գրանժ ոճի ջինսերը, mom ջինսերը եւ ասեղնագործությամբ ջինսերը: Ծոպերը, ապլիկացիաները, փայլերը գրպաններից տեղափոխվել են տաբատի ստորին հատվածներ՝ սրանով ձեւն ավելի էֆեկտիվ դարձնելով:

Դենիմե բաճկոնի հետ չի կարող մրցակցել ոչ մի վերնազգեստ: Հարմարավետ եւ պրակտիկ բաճկոնը մշտապես նորաձեւամոլների սիրելին է եղել տարվա բոլոր եղանակներին՝ ե՛ւ գարնանը, ե՛ւ աշնանը: Այն այնքան ունիվերսալ է, որ կարելի է համադրել թե՛ տարբեր տաբատների, թե՛ թափանցիկ կիսաշրջազգեստների, թե՛ կաշվե զգեստների եւ տրենիկների հետ: Նույնիսկ ուշ աշնանը կամ ձմռանը կարելի է հագնել տաք տարբերակի ջինսե բաճկոն՝ մորթյա ներդիրով կամ օձիքով: Հատկապես տարածված է բաց երկնագույն դենիմե բաճկոնը:

Ժիլետներ եւ վերնաշապիկներ. 90-ականների սկզբին որքան էր սիրում այն հագնել Մադոննան, եւ որքան սիրեցինք մենք այսօր: Սա ցանկացած կերպարի եւ ոճի հրաշալի լրացումն է: Այն կարելի է հագնել ցանկացած թոփի, գեղեցիկ սպիտակեղենի կամ զգեստի վրայից՝ վերեւի կոճակները չկոճկելով՝ դրանով կերպարին զգայականություն հաղորդելով: Ժիլետներն ու վերնաշապիկներն անչափ ակտուալ են աշնանային երեկոներին, երբ տաք հագնվելու անհրաժեշտություն չկա, սակայն որպես նորաձեւ հավելում հագնելն անչափ տեղին է:

Դենիմե Total look. սա այս տարվա իսկական թրենդն է: Դեռեւս մի քանի տարի առաջ դենիմե բաճկոնի, կիսաշրջազգեստի կամ տաբատի եւ պայուսակի համադրությունը հասարակ ու ոչ ոճային լուծում էր համարվում: Բայց հատկապես հիմա դենիմ+դենիմ իրերի համադրությունն արդիական է ինչպես երբեք: Մի՛ վախեցեք ոտքից գլուխ ջինս հագնել ջինսի հետ: Կարեւորը դենիմի տարբեր գույները չմիախառնելն է: Եթե բաճկոնը բաց երկնագույն է, ապա թող ներքեւի հատվածն էլ նույն երանգն ունենա:



Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել