• Jacquemus-ը նոր շունչ է հաղորդում ամառային հարսանիքներին

  Jacquemus-ը նոր շունչ է հաղորդում ամառային հարսանիքներին: Շատերն են, երեւի, հիշում, որ ինքը՝ Սիմոն Պորտ Ժակեմուսն անուսնացել է 2022 թվականի օգոստոսին...

• 2024 թվականի հարսանեկան գույնը

  Համարձակ կապույտը 2024 թվականին կլինի հարսանեկան ամենատարածված գույնը․․․

• Wedding Day. հարսանեկան խառնաշփոթ հայկական ձեւով

  Հայկական հարսանիքները համարվում են ամենաառատաձեռն, պայծառ ու գեղեցիկներից մեկը․․․

• Հագնվեք հարսանիքի համար․ տղամարդկանց լուքեր

  Կարող է թվալ, որ տղամարդկանց համար ավելի հեշտ է հանդերձանք ընտրելը...

• Հագնվեք հարսանիքի համար. ի՞նչն է այժմ նորաձեւ

  Միայն հարսնացուն գիտի, թե կոնկրետ ինչ է հագնելու հարսանիքին․․․

• Ռիհաննայի Savage X Fenty լեյբլը յուրացնում է հարսանեկան նորաձեւությանը

  Զուգագուլպաների, գոտիների եւ ներքնազգեստների հավաքածուն առկա է «Angel White»-ում XS-ից մինչեւ 5XL չափսերով․․․

• Say Yes to the Dress հայկական թվիսթով

  Հարսանյաց սեզոնի գագաթնակետին մնացել է երկու ամիս․․․

• Եթե շտապում ես ամուսնանալ․ ի՞նչ զգեստ ընտրել կյանքիդ ամենակարեւոր օրվա համար

  NEWS.am STYLE-ը վերլուծում է 2023 թվականի գարուն-ամառ հարսանյաց զգեստների նորաձեւության միտումները․․․

Հարսանեկան նորաձեւության աշխարհում հայկական նոր անուն է հավակնում դառնալ հանրաճանաչ՝ Nina Sarkisyants: NEWS.am STYLE-ի հետ զրույցում ապրանքանիշի հիմնադիր Նինա Սարկիսյանցը պատմեց, թե ինչպես է որոշել զբաղվել հարսանյաց զգեստների դիզայնով եւ ինչպես է փորձելու հայկական անունը տարածել միջազգային շուկայում:

«Սարկիսյանց ամուսնուս ազգանունն  է, նրանք արմատներով Մուշից են: Ես ծնվել եմ Վանաձորում: Իմ նախնիները Թումանյանի տոհմից են սերում: Մասնագիտությամբ մարքեթոլոգ եմ: Դեռ փոքր տարիքից գեղեցիկ զգեստներ տեսնելու համար դիտում էի պատմական ֆիլմեր, կարծես, նախապատրաստվեի ապագայում դրանք ստեղծելուն: Սակայն լուրջ չէի վերաբերվում դիզայների մասնագիտությանը, այդ իսկ պատճառով ուրիշ մասնագիտություն ընտրեցի: Սակայն զգեստների հանդեպ սերը ես միշտ եմ ունեցել: Ես հետեւում էի հայտնի դիզայներների աշխատանքներին, բայց երբեք չէի մտածի, որ կարող եմ որոշ ժամանակ անց ստեղծել իմ սեփական ապրանքանիշը, որը նույնպես հայտնի կդառնա»,- ասում է նա:

Նինա Սարկիսյանցը վեց տարի առաջ ամուսնու հետ Վորոնեժում փոքրիկ խանութ է հիմնում. ամեն ինչ սկսվում է հենց այդտեղից:

«Սրահը շատ փոքր էր, եւ մենք վաճառում էինք ոչ թանկ ապրանքանիշերի զգեստներ, բայց բավականին արագ կարողացանք գնորդներ գրավել: Ինքս մեծ բավականություն էի ստանում հարսնացուների հետ աշխատանքից, սիրում էի նրանց զուգել»:

Դիզայների խոսքով՝ կարճ ժամանակ անց Մոկսվայում մի իտալացի գործարարի հետ հանդիպումը շրջադարձային է լինում.

«Նա Միլանում ուներ զգեստների սեփական արտադրություն, եւ առաջարկեց մեզ համատեղ արտադրանք սկսել: Եվ այդպես առաջացավ սեփական ապրանքանիշը հիմնելու գաղափարը: Դժվարությունները շատ էին, քանի որ մենք սկզբում ոչ շատ թանկ զգեստների շուկան էինք վերցրել, բայց հիմա մեր առջեւ խնդիր էր դրված գրավել էլիտար, ձեռագործ զգեստների շուկան: Սկսել ենք զրոյից՝ նորաձեւության աշխարհում չունենալով ոչ մի կոնտակտ: Մեզ օգնեցին իմ մարքեթոլոգի գիտելիքներն ու ամուսնուս տնտեսագիտական գիտելիքները: Ես սկսեցի ստեղծել մեր առաջին հավաքածուն, իսկ ամուսինս զբաղվեց բրենդի առաջխաղացմամբ»,- անկեղծանում է Նինան:

 Nina Sarkisyants անունը կարճ ժամանաակ անց լայն տարածում է ստանում. «Մեր առաջին իսկ հավաքածուն շատ կարճ ժամանակում վաճառվեց, եւ արդեն երկու ամսից անց մենք բացեցինք մեծ բուտիկ Վորոնեժի ամենկենտրոնական հատվածում՝ 140-ամյա հնության շենքում: Թողարկեցինք մեր առաջին հավաքածուն՝ Melitena-ն, այնուհետ մեկը մյուսի հետեւից եղան նոր հավաքածուներ՝ Сiliсia, Коmmagena, Arrata, Sofena, Erato, իսկ վերջին հավաքածուն՝ Biayna-ն կթողարկենք օրերս»:

Հարսանյաց զգեստներ ստեղծելիս Նինան առաջնորդվում է սկզբունքով՝ երբեք չկրկնօրինակել. «Մենք երբեք չենք վերցնում ուրիշի գաղափարները ոչ զգեստներ ստեղծելիս, ոչ էլ անգամ մեր հավաքածուի նկարահանումների, գովազդային արշավների դեպքում: Տարբեր դիլերներ նշում են, որ մենք ունենք մեր ուրույն ոճը, դա եվրոպական, այսպես ասած, լակոնիկ ոճն է եւ  հասարակ ձեւը՝ համադրված բարդ կտորների  եւ ասեղնագործության հետ»:

Ապրանքանիշը հաջողություններ է գրանցել նաեւ միջազգային շուկայում՝ Մոնակոյի արքայազների հետ բարեգործական ընթրիք, մասնակցություն Iternational New-York Bridal Fashion Week-ին, ցուցադրոթյուններ՝ Մոսկվայում, ապագայում պատրաստվում են ցուցադրվել նաեւ Միլանում:  

«Մեր հարսանցուներն ամենատարբեր երկրներից են, այդ թվում եւ Հայաստանից: Մեր զգեստները վաճառվում են Իտալիայում, Օմանում, Թունիսում, այժմ բանակցություններ են տարվում Ֆրանսիայում, Լիբանանում, Իրանում վաճառքի հանելու հետ կապված»:

Այս ամենից զատ՝ Նինա Սարկիսյանցը երազում է, որպեսզի իր ապրանքանիշը, որպես հայկական անուն, տարածվի ամբողջ աշխարհում. «Ինձ ոգեշնչում է Հայաստանը, երազում եմ այստեղ էլ հիմնել իմ արտադրությունը, եւ որպես հայ դիզայներ, իսկ ես ինձ հայ դիզայներ եմ համարում, զգեստներս հայտնի դառնան ամբողջ աշխարհում»:

Nina Sarkisyants ապրանքանիշի ստեղծագործական թիմը սեպտեմբերի 19-ին կլինի Հայաստանում, որտեղ կնկարահանի գովազդային հոլովակ:

Շուշան Շատիկյան

Հետևեք NEWS.am STYLE-ին Facebook-ում, Twitter-ում և Instagram-ում