Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Ես այդպես էլ չտեսա նրան հարսանյաց զգեստով». ամերիկացու հուզիչ բացահայտումը՝ հարսնացուի մահից հետո

18:02, 6 սեպտեմբերի

Այն պահը, երբ փեսացուն առաջին անգամ իր սիրելիին տեսնում է հարսանյաց զգեստով, պետք է յուրաքանչյուր զույգի կյանքի ամենահիշարժան ակնթարթը դառնա, սակայն, ցավոք, ամերիկացի երիտասարդ Ջոն Պոլոյի կյանքում դա, թեեւ հուզիչ, սակայն տխուր ակնթարթ էր:

Ջոնն ու Միշելը միմյանց հանդիպել էին ավագ դպրոցում ուսանելու տարիներին: Մեկ տարի հանդիպելուց հետո նրանք հասկացան, որ խելագարի պես սիրահարվել են:

Դպրոցն ավարտելուց 8 տարի անց զույգը կրկին միացել է եւ հասկացել, որ կյանքի մնացած տարիները ցանկանում են անցկացնել միասին: Միշելի փոքրիկ դուստրը եւս շատ էր հավանել Ջոնին: Բայց 2 տարի անց Միշելի մոտ հայտնաբերվեց քաղցկեղի հազվադեպ մի տեսակ: Զույգը որոշեց մինչ Միշելի վիրահատությունը օրինականացնել հարաբերությունները: Սակայն վիրահատությունից հետո Ջոնին տեղկացրեցին, որ սիրելիի հիվանդությունն անբուժելի է: Այսպիսով՝ նրանք որոշեցին իսկական հարսանիք կազմակերպել, քանի դեռ Միշելի վիճակը կտրուկ չէր վատացել:

Միշելը նույնիսկ կարողացավ գտնել այն ճերմակ զգեստը, որի մասին միշտ երազում էր... Սակայն Ջոնն այդպես էլ չտեսավ հարսնացուին այդ զգեստով: Հարսանիքից երկու շաբաթ առաջ Միշելը մահացավ:

«Ես այնքան եմ զղջում, որ այդպես էլ չկարողացա տեսնել, թե ինչպես է Միշելն այդ սպիտակ զգեստով մոտենում խորանին: Բայց ես ուրախ եմ, որ նա գտել էր իր երազանքների զգեստը, ու նա այնքան երջանիկ էր, երբ գնել էր այն: Նա մահացավ… իսկ ես անգամ չտեսա նրան այդ զգեստով»,-պատմել էր Ջոնը:

Այո, Ջոնն այդպես էլ կարող էր չտեսնել իր հարսնացուին ճերմակ զգեստով, սակայն այն, ինչ տեղի ունեցավ բոլորովին վերջերս, անչափ հուզեց Ջոնին: Թերթելով Միշելի բջջայինի լուսանկարները՝ նա պատահմամբ գտավ մի նկար, որից ուղղակի չկարողացավ զսպել արցունքները: Հարսնացուն հասցրել էր լուսանկարվել իր երազանքների զգեստով, եւ, ահա, նրա մահվանից ժամանակ անց կատարվեց նաեւ նրա երկրորդ երազանքը՝ Ջոնը տեսավ նրան հարսի զգեստով, իհարկե, ցավոք՝ միայն լուսանկարում…

«Երբ տեսա լուսանկարը՝ չկարողացա զսպել արցունքներս, բայց եւ սկսեցի ժպտալ՝ տեսնելով, թե որքան երջանիկ էր նա այդ օրը. Նա՝ իմ հարսնացուն: Հիվանդանոցում Միշելը բոլորին պատմում էր, թե որքան ուրախ է անցնելու իր հարսանյաց օրը: Ափսոս, նա դա չապրեց...»:

Հարսնացուի լուսանկարը եւ դրա հետ կապված հուզիչ պատմությունը Ջոնը տեղադրել էր Facebook-յան իր էջում, որից հետո Միշելի լուսանկարը տարածվել էր մի շարք կայքերում:

«Նա այնքան ուրախ կլիներ՝ իմանալով, որ այդքան մարդ տեսել է իրեն իր երազանքների զգեստով: Շնորհակալ եմ բոլոր նրանց, ովքեր տարածել են լուսանկարը»,-գրել է Ջոնը՝ հավելելով, որ Միշելի հարսանեկան զգեստը պահելու է այնքան ժամանակ, մինչեւ որ նրա դուստրը կհասունանա եւ կորոշի ամուսնանալ: Ջոնը համոզված է՝ նա հենց մայրիկի հարսանյաց զգեստը կկրի:

Աղբյուրը՝ Mirror.co.uk


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել