Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Exclusive. Համաշխարհային աստղեր, նորաձեւություն եւ առողջ կենսակերպ. հայուհի KeyOh-ը՝ գերմանական հեռուստաշոուի հաղորդավար

14:26, 11 սեպտեմբերի

Բելգիահայ երգչուհի KeyOհ-ը, որն այս շրջանում ամուսնու հետ բնակվում է Բեռլինում, դարձել է Բեռլինի ազգային հեռուստաալիքի նոր ժամանցային շոուի հաղորդավարուհին: BE YOU International` այսպես է կոչվում նորաձեւության եւ առողջ կենսակերպի մասին շոուն, որը եթերում կլինի 2018 թ-ին:

Իսկ մինչ այդ՝ երգչուհին բացառության կարգով NEWS.am STYLE-ին պատմել է շոուի մանրամասները.

«Բեռլինի ազգային հեռուստատեսությունը կապ հաստատեց գերմանաբնակ իմ մենեջերի հետ: Նրանք ցանկություն ունեցան ինձ հետ աշխատելու, երբ տեսան իմ պորտֆոլիոն: Իմանալով, որ ես արդեն հաղորդավարության փորձ ունեմ, նրանք ցանկացան ինձ հետ համագործակցել: Նախկինում ես հոլիվուդյան աստղերի հետ էի աշխատում եւ ճանապարհորդում աշխարհով մեկ: Հիմա թվում է, թե պատմությունը կրկնվում է: Ինձ ասացին, որ թիմ հավաքեմ, եւ ստեղծեմ իմ սեփական շոուն, որտեղ կլինեն թարմ մտքեր, նորաձեւություն եւ առօրյա կյանք: Շոուին կտեսնեք նաեւ մի շարք աստղերի՝ համաշխարհային ճանաչում ունեցող մոդելների, ազդեցիկ բլոգերների, նորաձեւության աշխարհի հայտնիների եւ այլն: Լինենք հայտնի, թե ոչ, բոլորս էլ գեղեցկության եւ նորաձեւության հարցում նույն սպասելիքներն ունենք: Հիմա աշխատում եմ նոր թիմի հետ, սակայն այն մարդիկ, որոնք ինձ տարիներ շարունակ օգնել են, կլինեն կողքիս նաեւ այս նախագծի ընթացքում»,-ասում է KeyOh-ը:

Երգչուհին դեռեւս իրավունք չունի շատ բաներ բացահայտել նախագծի մասին, սակայն որոշ մանրամասներ, այնուամենայնիվ, գաղտնազերծեց.

«Նախագիծը  գեղեցկության, նորաձեւության եւ առողջ ապրելակերպի մասին է: Ես եւ իմ թիմը ձեզ համար մի շարք գաղտնիքներ կբացղահայտենք: Իմ ծրագրի միջոցով ցույց կտանք, թե ինչպես կարող եք հոգ տանել ինքներդ ձեր մասին. մենք կներկայացնենք տանը հեշտ պատրաստվող միջոցներ, որոնք շատերի կյանքն ավելի հեշտ կդարձնեն: Կներկայացնենք այն ամենը, ինչն արդիական է: Առայժմ իրավունք չունեմ շատ բաների մասին խոսել, բայց երբ եթերում լինի, կտեսնեք, թե ինչ խենթություններ են ձեզ սպասվում: Ես աշխատում եմ պրոֆեսիոնալ մասնագետների հետ, ինձ հետ հաղորդումը կվարի նաեւ մի շատ անվանի ոճաբան»,-ասում է երգչուհի-հաղորդավարուհին, որի խոսքով՝ նախագիծն իր առջեւ նոր հնարավորություններ կբացի.

«Այս նախագիծն ինձ համար նոր հնարավորություն է, որպեսզի անեմ այն, ինչ ինձ դուր է գալիս: Սակայն առաջնահերթ միշտ կենտրոնանալու եմ իմ երաժշտական նախագծերի վրա: Շատ շուտով լույս կտեսնի իմ նոր սինգլը, որը կոչվում է Love or Curse, ինչի առիթով շատ ոգեւորված եմ: Այն շատ անձնական է, բայց շատ մարդիկ կարող են իրենց տեսնել այս երգի մեջ: Եթե ինձ հարցնեին, կասեի, որ սա իմ երգերից ամենասիրելին է ինձ համար»:

Իսկ առայժմ հայուհին ամբողջությամբ զբաղված է նոր շոուի նախապատրաստական աշխատանքներով.

«Հիմա դեռ նկարահանումներ ենք իրականացնում տարբեր երկրներում եւ քաղաքներում:  Կոնկրետ չեմ կարող նշել երբ, բայց կասեմ, որ այն եթերում կլինի 2018 թ-ին: Ինչպես նշեցի, մենք շատ քաղաքներում ենք լինելու, այցելելու ենք աշխարհի ամենահայտնի գեղեցկության սրահները, խորհրդակցելու ենք ամենաճանաչված մասնագետների հետ, իսկ այդ ամենը շատ ժամանակ կպահանջի մեզանից: Հեռուստատեսությունից բացի՝ հաղորդումը կտեղադրվի նաեւ YouTube-ում: Ես այն վարելու եմ անգլերենով, բայց կլինեն նաեւ այլ լեզուներով թարգմանություններ: Մի խոսքով, անհամբերությամբ սպասում եմ, թե երբ են բոլորն այն տեսնելու»,-ասում է երգչուհին:

Սյունե Առաքելյան

Լուսանկարները՝ KeyOh-ի Facebook-ի էջից

 


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել