Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Երջանիկ եմ, որ Երեւանում եմ ապրում». ՀԱՀ-ից շեֆ-խոհարարն աշխատում է Հայաստանում (ֆոտո)

13:06, 22 սեպտեմբերի

Լորենցո Ֆլիթն անկրկնելի շեֆ-խոհարար է՝ արտասովոր հեղինակային խոհանոցով: Ավելի քան 15 տարի իր խոհարարական վարպետությունը կատարելագործել է Լոնդոնի, Դուբայի, Մոսկվայի, Մոզամբիկի եւ ՀԱՀ-ի լավագույն ռեստորաններում: Ծնունդով ՀԱՀ-ից է: Եվ ահա հայուհի կնոջ հետ Երեւան գալով՝ Լորենցոն որոշել է, որ ապրելու եւ աշխատելու է հենց այստեղ: Ճակատագրի կամոք կամ «ձգողականության ուժով» Լորենցո Ֆլիթին հրավիրում են Երեւանի Fish House ռեստորանում աշխատելու:

Լորենցոն ռեստորանի այցելուներին զարմացնում է հայկական իշխանով, սիգով կամ լոքոյով տարատեսակ ուտեստներով, արտասովոր համերով եւ մատուցմամբ: Խոհանոցում նրա գլխավոր կանոնը մաքրությունն ու կարգուկանոնն է: Այդ պատճառով ռեստորանում նա աշխատում է բոլորի աչքի առջեւ, որտեղ յուրաքանչյուր հաճախորդ կարող է տեսնել ուտեստի պատրաստման գործընթացը: Լորենցոյի կարծիքով՝ դա բարդ է խոհարարների համար, բայց այդ որակներն առաջին բանն են, որին ուշադրություն են դարձնում հաճախորդները: Լորենցո Ֆլիթը համաձայնեց հատուկ մեզ համար իշխան պատրաստել, իսկ այդ ընթացքում մենք զրուցեցինք նրա կարիերայի, Հայաստանի մայրաքաղաքում կյանքի եւ խոհանոցում իմպրովիզացիայի մասին:

Ո՞րն է Ձեր ամենասիրած հայկական ուտեստը:

Հայկական խոհանոցը շատ հարուստ է, ինչ-որ բանով նման է ե՛ւ եվրոպականին, ե՛ւ հարավաֆրիկյանին:

Շատ եմ սիրում հայկական արիշտան: Այն շատ «բաց» ուտեստ է, արիշտան կարելի է մատուցել զանազան սոուսներով, ձկան եւ մսի հետ:

Երկա՞ր ժամանակով եք Հայաստան փոխադրվել:

Այո, իհարկե: Երբ կնոջս հետ արձակուրդին Երեւան եկանք, անմիջապես մտքովս անցավ այստեղ մնալ: Արդյունքում այդպես էլ ստացվեց:

Ինձ շատ է դուր գալիս Երեւանը, մարդիկ անկեղծ են, այստեղ հարմարավետ է: Իրականում ես երջանիկ եմ ամենուր, ցանկացած քաղաքում եւ երկրում: Եվ հիմա ես երջանիկ եմ, որ Երեւանում եմ:

Ռեստորանում աշխատանքն ակնհայտ սթրես է: Ինչպե՞ս է ձեզ հաջողվում լավ տրամադրության մեջ լինել:

Իրականում ամեն ինչ շատ պարզ է. երբ սիրում ես աշխատանքդ, միշտ գոհ ես, որքան էլ ծանրաբեռնված լինես: Խոհանոցն ինձ համար աշխատավայր չէ, այլ ապրելաոճ:

Հեշտությա՞մբ եք ընդհանուր լեզու գտնում ձեր գործընկերների հետ, որոնց հետ կողք կողքի աշխատում եք նույն խոհանոցում:

Երբ սկսում ես ճանաչել մարդկանց, ավելի դյուրին է նրանց հետ աշխատել: Մեր խոհանոցում հաղորդակցման հետ կապված ոչ մի խնդիր չկա: Շփվում ենք անգլերեն, ռուսերեն եւ նույնիսկ հայերեն: Բոլորն էլ օգնում են միմյանց:

Ինչ եք կարծում, խոհարարի աշխատանքը ստեղծագործակա՞ն է, եւ արդյո՞ք յուրաքանչյուր մարդ կարող է այն հաղթահարել:

Կարծում եմ՝ պետք է բնածին հոտառություն եւ գեղեցիկի զգացողություն: Հարկավոր է հասկանալ մթերքների համադրությունը եւ կարողանալ դրանք գեղեցիկ մատուցել: Խոհարարի գործը միայն բաղադրատոմսին հետեւելն ու ռոբոտի նման պատրաստելը չէ: Հարկավոր է մշտապես նոր խոհարարական տեխնիկա յուրացնել, խաղալ տարբեր համեմունքների, բաղադրիչների եւ համերի հետ:

Ձեզ համար կարեւո՞ր է քննադատների կամ ռեստորանի այցելուների կարծիքը:

Չափազանց հարգում եմ ռեստորանային քննադատներին, բայց պետք է ասեմ, որ ինձ համար առաջին հերթին կարեւոր է հյուրերիս կարծիքը: Իմ թիմն աշխատում է, որպեսզի մեր ռեստորանի յուրաքանչյուր հաճախորդ եզակի գաստրոնոմիկ հաճույք ստանա: Ես հաճախ եմ ռեստորանի սրահ մտնում եւ շփվում հաճախորդների հետ, ուզում եմ հասկանալ, թե ինչն է նրանց դուր գալիս, ինչը՝ ոչ: Շեֆ-խոհարարի եւ հաճախորդի շփումը շատ կարեւոր է, այդպես մենք ավելի արագ ենք իմանում, արդյո՞ք խնդիրներ կան՝ կապված սննդի, մատուցման կամ սպասարկման հետ:

Ինչո՞ւմ է ձեր խոհանոցի հիմնական առանձնահատկությունը: Ինչո՞վ է այն տարբերվում այլ հաստատություններից:

Մթերքի որակը: Սա այն է, ինչի հարցում մենք հաստատ փորձեր չենք անում, միայն բարձրակարգ մթերքներ ենք պատվիրում: Եթե մոտենաք սառնարանին, նույնիսկ հոտ չեք զգա, քանի որ ձուկը միշտ չափազանց թարմ է: Մթերքը միայն տեղական է, միայն հայկական ձուկ ենք պատրաստում, այդ պատճառով կարող ենք վերահսկել ժամկետներն ու չափանիշները: Մեր հաստատությունը միակն է Երեւանում, որտեղ բաց խոհանոց կա: Հյուրը կարող է հետեւել խոհարարների աշխատանքին:

Շատերն են վարժվել սիգը կամ իշխանն ամբողջությամբ ուտել, քանի որ դա գեղեցիկ է: Իսկ ես փափկամիսն եմ պատրաստում եւ մատուցում եմ բանջարեղենից խավարտով, ձկնային չիփս եմ պատրաստում, նույնիսկ ձկան մսով տոլմա: Փաստորեն, մի քանի խոհանոց միախառնում եմ: Ընդհանուր առմամբ, եվրոպական ոճով եմ աշխատում, ավանդական բաղադրատոմսերն ավելի ժամանակակից եւ տեղական ձեւաչափով եմ մատուցում: Եվ, իհարկե, աշխատում եմ մատուցման ձեւի վրա:

Իրականում մեկ մարդը ոչինչ չի անում, կարեւոր է թիմը: Այդ դեպքում նոր եւ հետաքրքիր բաներ են ստացվում: Խոհարարություն եւ լավ սպասարկում. միայն այս տանդեմի շնորհիվ հաստատությունը կարող է հաջողության հասնել:

 

Մարգարիտա Ավագյան

Լուսանկարները՝ Նարեկ Տեր-Պողոսյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել