• Do good. Բրյունետը ելույթ ունեցավ Եվրատեսիլ 2023 երգի մրցույթի կիսաեզրափակչում

  Երգչուհին դուրս եկավ բեմ եւ կատարեց իր «Future lover» երգը․․.

• «Ոճերի մենամարտ». Brunett vs Իրու Խեչանովայի

  Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում․․․

• «Եվրատեսիլ 2023»-ին Հայաստանը կներկայացնի Brunette-ը

  Ես այնքան հպարտ եմ, որ մենք եւս մեկ անգամ կարող ենք աշխարհին ցուցադրել անհավատալի երիտասարդ տաղանդներ...

• Մեծ Բրիտանիայի յոթ քաղաքներ «կմրցեն» «Եվրատեսիլ»-ն ընդունելու իրավունքի համար

  2023 թվականին մրցույթը կանցկացվի Բրիտանիայում՝ անվտանգության նկատառումներից ելնելով․․․

• Պրիգոժինը «Եվրատեսիլի» անցկացման վայրի տեղափոխումն անվանել է «ծաղր ուկրաինացիների նկատմամբ»

  Եվրատեսիլն անվանել է անցյալի մասունք...

• Ռումինիան մտադիր է դատական հայց ներկայացնել «Եվրատեսիլի» կազմակերպիչների դեմ

  Երկիրը մրցույթի կազմակերպիչներին մեղադրել է հանուն Ուկրաինայի հաղթանակի գնահատականները նենգափոխելու համար․․․

• Անհարմար իրավիճակ Եվրատեսիլում. Վրաստանը չի տվել ամենաբարձր միավորը Մեծ Բրիտանիային

  Եվրատեսիլի շուրջ կրքերը չեն հանդարտվում․․․

• Ֆիլիպ Կիրկորովին թույլ չեն տվել մուտք գործել «Եվրատեսիլի» VIP զոնա

  Արտիստն ասել էր, որ կազմակերպիչներն անձամբ հրավիրել են իրեն․․․

«Եվրատեսիլ 2017»-ում Կիպրոսը ներկայացրած մեր հայրենակից  ովիգը (Հովիգ Դեմիրճյան) օրերս ներկայացրել է եվրատեսիլյան Gravity երգի նոր տարբերակը: Այն ակուստիկ ոճում է, իսկ տեսահոլովակի մտահղացումը երգչինն է: NEWS.am STYLE-ի հետ զրույցում Հովիգը խոսել է Gravity երգի նոր տարբերակի եւ Հայաստանում մենահամերգ  ունենալու ցանկության մասին.

«Առաջին անգամ Gravity երգի ակուստիկ տարբերակը կատարել եմ Նիդերլանդներում՝ «Եվրատեսիլի» պրոմո-շրջագայության ժամանակ: Այս ամառ շատ եմ այն կատարել իմ համերգային ծրագրերի ընթացքում, եւ այս տարբերակն ինձ աստիճանաբար սկսեց շատ-շատ դուր գալ: Այդպիսով՝ որոշեցի նոր գործիքավորում կատարել ու ձայնագրել այդ տարբերակը: Պետք է նշեմ, որ շատ ոգեւորված եմ այս նախագծի համար, որովհետեւ ամբողջ տեսահոլովակն ինքնուրույն եմ պատրաստել: Սա իմ առաջին փորձն էր այդ ոլորտում, եւ ես իսկապես ուրախ եմ, որ այն մարդկանց դուր եկավ»,-ասում է երգիչը՝ նշելով, որ տվյալ երգն իր կյանքի ամենակարեւոր շրջաններից մեկի հետ է կապված, ինչի պատճառով էլ նրա սրտին մոտ են թե՛ օրիգինիալ, թե՛ ակուստիկ տարբերակները.

«Երբ ես ինչ-որ բանից ազդված եմ լինում, ինձ ավելի դուր է գալիս ակուստիկ տարբերակը, քանի որ կարծում եմ՝ այն ավելի անձնական է եւ ականջին հաճելի՝ առանց շատ գործիքների, որոնք առկա են օրիգինալ տարբերակում: Այնուամենայնիվ, օրիգինալ տարբերակն ինձ ուժ է տալիս: Կարծում եմ՝ եթե մարդկանց դուր է գալիս երգի օրիգինալ տարբերակը, նրանք հաստատ կհավանեն այն նաեւ ակուստիկ ոճում»:

Հետաքրքիր է՝ իսկ ի՞նչ արդյունք կգրանցեր Հովիգը, եթե «Եվրատեսիլ»-ում ներկայանար երգի երկրորդ տարբերակով.

«Երբեք չեմ մտածել այդ հարցի շուրջ. եթե անգամ հիմա ընտրելու հնարավորություն ունենայի, էլի կընտրեի առաջին տարբերակը: Այն ավելի հզոր է եւ ավելի մոտ «Եվրատեսիլի» ոճին»,-ասում է նա:

Հովիգի համար այս ամառը բավականին բուռն է եղել. «Եվրատեսիլ»-ից հետո երգիչը համերգային շրջագայություններով հանդես է եկել տարբեր երկրներում.

«Ես սիրում եմ ելույթներ ունենալ, եւ ինձ մոտ ստացվել է համատեղել համերգային ծրագրերն ու ճամփորդելը: Ես հաջողակ եմ այն առումով, որ ապրում եմ Կիպրոսում, որտեղ 20 րոպում կարող ես հայտնվել լողափին»:

Ի դեպ, երգչին նաեւ հիշեցրեցինք, որ մեզ հետ նախորդ հարցազրույցներից մեկի ժամանակ նա ցանկություն էր հայտնել ամռան ընթացքում համերգային ծրագրով լինել Հայաստանում.

«Հուսով եմ՝ շատ շուտով կվերադառնամ համերգային ծրագրով: Դրա համար պարզապես ճիշտ պահն եմ փորձում որսալ: Հուսով եմ՝ շատ շուտով դա կստացվի. դուք առաջինը կիմանաք իմ ծրագրերի մասին»,-խոստացավ Հովիգը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում