«Շատ եմ սիրում Հայաստանը, այստեղ արդեն երրորդ անգամ եմ: Առաջին անգամ տասը տարի առաջ եմ եղել, իսկ վերջին անգամ Հայաստան եկել եմ այս տարվա մայիսին»,-ասում է բրիտանական The Voice նախագծի ֆինալիստ Էշլի Մորգանը, որն այս օրերին Հայաստանում է: NEWS.am STYLE-ը երգչին հանդիպեց երեկ՝ Հասմիկ Կարապետյանի «Դու պիտի ապրես» տեսահոլովակի շնորհանդեսին: Լրագրողների հետ զրույցում բրիտանացի երգիչը պատմեց, թե ինչն է իրեն բերել Հայաստան, ինչպես նաեւ սիրով մեզ համար կատարեց Կոմիտասի «Վայ-վայ» եւ «Սարերի հովին մեռնեմ» ստեղծագործությունները.
«Մայիսին Հայաստանում լինելու ընթացքում հանդիպեցի Ալլա Լեւոնյանին, Հասմիկ Կարապետյանին, ինչի առթիվ շատ ոգեւորված էի: Այս առավոտ եմ ժամանել Հայաստան՝ հատուկ այս իրադարձությանը մասնակից լինելու համար»,-ասում է երգիչը՝ հավելով, որ սիրահարված է հայկական մշակույթին, հատկապես՝ երաժշտությանը.
«Տարիներ առաջ ծանոթացա Հովիկ Ազարյանի հետ: Նա Բրիտանիայից է: Մենք ընկերացանք, ու նա ինձ ծանոթացրեց հայկական մշակույթին, ինչի շնորհիվ շատ սիրեցի հայկական երաժշտությունը: Դրանից հետո սկսեցի լսել Հասմիկի, Ալլայի, Սիրուշոյի, Ինգա եւ Անուշ Արշակյանների, Ռազմիկ Ամյանի եւ մյուսների ստեղծագործությունները»,-ասում է նա:
Երգիչը Հայաստանում մասնակցել է նոր հաղորդաշարի նկարահանումներին, որի հաղորդավարուհին Հասմիկ Կարապետյանն է.
«Հայաստանում մասնակցել եմ Car Toot Karaoke-ի նկարահանումներին: Հաղորդման իմաստն այն է, որ ես հայ երգիչների երգերից հատվածներ եմ սովորում ու երգում նրանց հետ: Նկարահանվել եմ 6-7 հաղորդման մեջ՝ Ալլա Լեւոնյանի, Հասմիկ Կարապետյանի, Սոֆի Մխեյանի, Ավետ Բարսեղյանի, Ռազմիկ Ամյանի եւ այլ հայ աստղերի հետ: Բացի հաղորդումից՝ նաեւ կատարել եմ Կոմիտասի մի քանի ստեղծագործությունների cover տարբերակները, եւ կարծում եմ՝ սրանք շատ գեղեցիկ ստեղծագործություններ են: Դրանք կատարելու եմ Կոմիտասին նվիրված համերգի ժամանակ: Չեմ հասկանում հայերեն, հատկապես դժվար եմ արտաբերում «ղ» հնչյունը, բայց երգում եմ: Հուսով եմ՝ հետագայում էլ ձայնագրություններ կունենամ Հասմիկի եւ Ալլայի հետ, նաեւ իմ երազանքն է Սիրուշոյի հետ երգելը: Սիրում եմ Սիրուշոյին, հատկապես, նրա «ՊռեԳոմեշ» երգը: Սիրում եմ հայկական երաժշտությունը, ուտեստները, կառույցներն ու Արարատը»,-ասում է Էշլին՝ տեղեկացնելով, որ եւս մի քանի օր կլինի Հայաստանում.
«Այստեղ կլինեմ եւս 5 օր, բայց հույս ունեմ, որ էլի կվերադառնամ»,-եզրափակեց նա:
Սյունե Առաքելյան
Լուսանկարները՝ Նարեկ Տեր-Պողոսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը