Հոկտեմբերի 25-ին Ստանիսլավսկու անվան ռուսական դրամատիկական թատրոնում կայացավ ռեժիսոր Արթուր Սահակյանի «Սիրով՝ ապագայից կամ Մեա Կուլպա 2» ներկայացման հերթական ցուցադրությունը, որին հրավիրված էին նաեւ լրագրողները:
Ինչպես պարզ է դառնում վերնագրից՝ ներկայացման իրադարձությունները տեղի են ունենում ապագայում՝ ավելի կոնկրետ՝ 2026 թ-ին:
«Մեա Կուլպան» ունի քաղաքական-հասարակական ուղղվածություն, ներկայացված են հասարակության եւ երկրի համար արդի խնդիրներ, որոնք առկա են նաեւ ապագայում: Ներկայացման երկրորդ հատվածում գործողությունները տեղի են ունենում 2091 թ-ին՝ նոր ղեկավար եւ բարեփոխված Հայաստան:
Գլխավոր դերերում հանդես են եկել Հրանտ Թոխատյանը, Սամսոն Ստեփանյանը, Լեւոն Հարությունյանը, Արա Սարգսյանը, Իրինա Դանիելյանը, իսկ Ջուլիետա Ստեփանյանին հանդիսատեսը կտեսնի բոլորովին նոր ու հետաքրքիր կերպարով:
Ներկայացումից հետո ստեղծագործական կազմը լրագրողների հետ խոսեց բեմականացման ուղերձի մասին:
«Եթե ամեն մեկը զգա իր մեղքը, ոչինչ չի լինի այնպես, ինչպես հիմա է: Ներկայացման մեջ ապագայի ղեկավարի կերպարը դրա համար էր ներկայացված: Դա այն երազանքն է, որին ցանկանում ենք հասնել: Սա ուղերձ կամ կոչ չէ՝ ոչ մեծահարուստին, ոչ նախագահին, ոչ վարչապետին, այլ ամեն մեկին՝ որպես Հայաստանի քաղաքացի:
Ինձ հաճախ են ասել՝ ծախված ես. միշտ ցանկացել եմ հասկանալ, թե ինչումն է այդ ծախվածությունը: Ինձ ժողովրդական արտիստի կոչումը ոչ մի առավելություն չի տալիս. ոչ ապրուստս է ձրի, ոչ էլ կոմունալ ծախսերից եմ զերծ: Ինչպես ապրել եմ, այնպես էլ շարունակում եմ ապրել»,-նշեց Հրանտ Թոխատյանը:
Դերասանը կարծում է, որ պետք չէ մեղավորներ փնտրել այն ամենում, ինչ կատարվում է մեր երկրում. գլխավոր մեղավորը հենց մենք ենք.
«Այն, ինչ կատարվում է ինձ հետ իմ ընտանիքում, իմ ու իմ ընտանիքի մեղքն է, նույնը՝ երկրի մասշտաբով: Այն, ամենում, ինչ կատարվում է մեր երկրում, իմ մեղավորության չափաբաժինն էլ կա, ուրեմն՝ ինչ-որ մի բան այն չեմ արել: Մենք իրար չենք լսում»,- եզրափակեց նա:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը