• Շերի զգեստը կցուցադրվի ամենամյա բարեգործական Julien's Auctions-ում (ֆոտո)

  Ակնկալվում է, որ ասեղնագործությամբ ապշեցուցիչ սեւ անսամբլը կարժենա 2000-ից 4000 դոլար..

• Պենդերեցկու անվան փառատոնի փակման համերգի հասույթը կուղղվի Սյունիքի սահմանամերձ համայնքներում ապրող եւ Արցախից տարհանված երեխաների կարիքներին

  Հայաստանի պետական սիմֆոնիկ նվագախումբը փառատոնն անցկացնում է 2019 թ-ից...

• Ռիհաննան, Փերիս Հիլթոնը եւ այլք Diamond Ball 2018-ին

  Նյու Յորքում տեղի է ունեցել արդեն ավանդական դարձած Ռւհաննայի կազմակերպած Diamond Ball բարեգործական պարահանդեսը...

• Հայ հայտնիները պաղպաղակ եւ քաղցր ձողիկներ վաճառեցին բարեգործական նպատակով (ֆոտո/վիդեո)

  Հայկական շոու-բիզնեսի մի շարք հայտնիներ այսօր պաղպաղակ վաճառեցին՝ հանուն բարեգործության...

• Էլթոն Ջոնն ու ՀՀ նախագահը Երեւանում այցելել են ռեաբիլիտացիոն կենտրոն (ֆոտո/վիդեո)

  Նշենք, որ Հայաստան Ժամանելուց հետո Էլթոն Ջոնը ուղեւորվեց Երեւանի հյուրանոցներից մեկը...

• «Կանն- 2018»․ Ադրիանա Լիման, Ալեսանդրա Ամբրոսիոն, Հայդի Քլումն ու այլ աստղեր՝ amfAR Gala  բարեգործական երեկույթին

  Կաննի կինոփառատոնը մոտենում է ավարտին...

• Քանյե Ուեսթը ու մյուս ռեփերները ստեղծում են Չիկագոյի անապահով ընտանիքների օգնության կազմակերպություն

  Քանյե Ուեսթը որոշել է օգնել իր հայրենի քաղաքի ՝ Չիկագոյի աղքատներին․․․

• Դարոն Մալաքյանը նոր տեսահոլովակ է ներկայացրել, որի հասույթի մի մասը կուղղվի Արցախի երեխաների օգնությանը

  Youtube-ի Scars On Broadway ալիքում…

Երեկ՝ նոյեմբերի 28-ին, Yerevan Mall առեւտրի կենտրոնում «Բարի մամա» բարեգործական հիմնադրամի ջանքերով մեկնարկել է «Բարի տնակ» ամենամյա բարեգործական ակցիան՝ ի օգնություն լքված եւ հաշմանդամություն ունեցող երեխաների:

Հասարակական ու քաղաքական գործիչները, հայկական շոու բիզնեսի ներկայացուցիչները, որոնք ներկա են եղել միջոցառումը, կոչ են անում քաղաքացիներին հավաքել նվերներ, տաք հագուստ՝ մանկատների փոքր բնակիչների համար։ 

Բարեգործական ակցիային մասնակցել են Նիկոլ Փաշինյանը, Շուշան Պետրոսյանը, Իրինա Թովմասյանը, Եգոր Գլումովը, Սոֆյա Ղուլյանը, Gosh-ը, Մեգին, Էրիկ Զաքյանը, Դավիթ Վարդանյանը, Սեդի Տոնոյանը, Նարե Ճուգուրյանը, Սյուզի Հարությունյանը, Արուսյակ Հարությունյանը, «Լալաֆա» վոկալ ստուդիան՝ ի դեմս Հրանուշ Տոնոյանի, եւ այլք:

«Ես բոլոր երեխաներին մաղթում եմ վերադառնալ ընտանիք կամ ձեռք բերել նոր ընտանիք, նաեւ՝ առողջություն»,- նշել է Նիկոլ Փաշինյանը, որը եկել էր դուստրերի հետ։ Նաեւ քաղաքական գործիչը նշել է, որ կդիտարկի նախագիծն ու կաջակցի ռեաբիլիտացիոն կենտրոնի շինարարությանը։

Իրինա Թովմասյանը, իր հերթին, նշել է, որ Ձմեռ պապին գրված նամակներում երեխաները ամենաանշան նվերներն են խնդրում՝ խաղալիքներ, տաք հագուստ, բջջային հեռախոս եւ ժամացույց.

«Ամեն անգամ մենք կազմակերպությունների օգնությամբ իրականացնում ենք երեխաների բոլոր ցանկությունները, ու այդ նվերները նվիրում նրանց Նոր տարուն։ Սրանք փոքր երազանքներ են, որոնք նրանց իսկապես երջանկացնում ու ուրախացնում են»։

Առեւտրի կենտրոնում «կղզյակ» են տեղադրել, որտեղ բոլոր ցանկացողները կարող են բերել նվերներով փաթեթներ, նաեւ կարելի է ձեռք բերել Ամանորի խաղալիքներ, որոնք մանկատան երեխաների ձեռքերով են պատրաստված, ու դրանով իսկ ավանդ ներդնել ընդհանուր գործի մեջ։

«Բարի մամա» բարեգործական հիմնադրամի գլխավոր նպատակն է կառուցել ռեաբիլիտացիոն կենտրոն հաշմանդամություն ունեցող երեխաների ու նրանց մայրերի համար, որոնց կցուցաբերվի ոչ միայն բժշկական, այլեւ հոգեբանական օգնություն։

««Բարի մամա» բարեգործական կազմակերպությունում արդեն կան ավելի քան 8000 մայրեր, որոնք պատրաստ են անշահախնդրորեն օգնել այդ բարդ գործին՝ մեկը նյութեր է ուղարկում խաղալիքների համար, մյուսը՝ ֆինանսապես օգնում, յուրաքանչյուրը փորձում է իր ավանդն ունենալ։

Այսօր Երեւանի մանկատներում 644 երեխա կա, որոնցից 450-ն առողջական խնդիրներ ունեն ու նրանց պետք է ցանկացած օգնություն ու աջակցություն։ Մեր կազմակերպության գոյության երեք տարիների ընթացքում մեզ հաջողվել է փոխել 92 երեխաների կյանք՝ նրանց վերադարձնելով իրենց ընտանիքներ։ Հիմա մենք մեկ խնդիր ունենք՝ կառուցել «բարի տնակ»՝ կենտրոն, որտեղ մեր երեխաները կկարողանան բուժում ստանալ, իսկ 18 տարեկան դառնալուց հետո հաշմանդամություն ունեցող երեխաները կկարողանան մասնագիտություն ստանալ։ Բացի դրանից, կենտրոնն ապաստան կդառնա նաեւ այն մայրերի համար, որոնք պատրաստ չեն լքել իրենց երեխաներին, բայց գնալու տեղ չունեն»,- պատմել է հիմնադրամի տնօրեն Մարինա Ադուլյանը։

«Բարի տնակ» բարեգործական ակցիան Yerevan Mall աեւտրի կենտրոնում գործելու է մինչեւ հունվարի 13-ը։ 

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում