• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)

  Հայոց ցեղասպանության զոհերի հիշատակի օրվա կապակցությամբ «Եվրատեսիլ 2024»-ում Հայաստանի դեսպանները՝ «Լադանիվա» խմբի անդամներն, այցելել են Ծիծեռնակաբերդի հուշահամալիր...

• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

Այսօր առավոտյան դերասանուհի Ելենա Բորիսենկոյի շանը՝ Ուլֆին, զբոսանքի ժամանակ հարվածել է ոստիկանական ավտոմեքենա, ինչի արդյունքում շան ոտքը վնասվել է: NEWS.am STYLE-ի հետ զրույցում դերասանուհին պատմեց դեպքի մանրամասներից՝ արտահայտելով իր դժգոհությունը տվյալ ոստիկանի պահվածքի վերաբերյալ, որի ավտոմեքենայի համարները Ելենան չի կարողացել ֆիքսել.

«Դեպքը տեղի է ունեցել առավոտյան՝ ժամը 8-ի սահմաններում: Հստակ չեմ կարող նշել ժամը: Զբոսնում էինք օպերայի տարածքում, երբ շունս դուրս եկավ Տերյան փողոց եւ հայտնվեց կենտրոնում: Ես նկատեցի, որ վերեւից ոստիկանական ավտոմեքենա է գալիս, ընդ որում՝ բավականին արագ: Ձեռքով-ոտքով ցույց տվեցի, որ կամաց վարի, որպեսզի շունս հասցնի անցնել փողոցը:

Նա իսկապես դանդաղեցրեց ընթացքը, բայց մեքենան, այնուամենայնիվ, հարվածեց իմ շանն ու սլացավ առաջ: Ոտքը դրեց գազին ու փախավ: Ես այնպես էի բղավում, որ երեւի տարածքի բնակիչներին արթնացրեցի առավոտյան, ավտոմեքենայի հետեւից էի բղավում, որ գոնե կանգներ: Իմ ձայնից նա կանգնեց, նայեց, որ շունս քայլում է, նորից շարունակեց ճանապարհը, հասավ Թումանյան փողոց, կանգնեց, իսկ երբ նկատեց, որ ես քայլում եմ իր կողմ, թողեց ու գնաց»,-պատմում է դերասանուհին, որը հուսով է՝ շունը բացի ոտքի վնասվածքից այլ վնասվածքներ չի ստացել:

«Ավելի լուրջ հետազոտությունից հետո կհասկանամ՝ ներքին վնասվածքներ ստացե՞լ է, թե՞ ոչ: Ինձ համար ուղղակի վիրավորական  եւ սարսափելի է այն փաստը, որ այն ոստիկանությունը, որը կոչված է մեզ պաշտպանելու, դեպքի վայրից թողնում հեռանում է: Համաձայն եմ, թող կանգներ, ինձ վրա բարկանար, թե ինչու եմ շանս փողոց բաց թողել, բայց ոչ անտարբերությամբ թողներ ու փախչեր»,-ասում է Ելենան, որը դեպքի մասին արդեն հայտնել է ոստիկանությանը: Դերասանուհին նշեց, որ գործի հետագա ընթացքի մասին մեզ տեղյակ կպահի:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում