• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

NEWS.am STYLE-ը շարունակում է իր ընթերցողներին ներկայացնել կինոաշխարհի հեռտաքրքիր նորույթները: Այսօր առաջարկում ենք դիտել այս աշնանը մեծ էկրաններ բարձրացած ամերիկյան մի կատակերգություն, որի գլխավոր դերերում հանդես են եկել Ռիզ Ուիզերսփունը, Նեթ Վուլֆը, Ջոն Ռուդնիցկին, Պիկո Ալեքսանդրը, Քենդիս Բերգենը եւ Մայքլ Շինը:

Ռեժիսոր Հոլլի Մեյերս-Շայերի «Էլիսի տանը»/Home Again կատակերգությունը Էլիս Քինեյի մասին է, որը հենց 40-ամյակի շեմին ամուսնալուծվում է՝ երկու հրաշալի դուստրերի հետ Նյու Յորքից տեղափոխվելով Լոս Անջելես: Ամուսնալուծության պատճառով Էլիսը հաճախ է դեպրեսիաներ ունենում, ինչը նկատում են նաեւ նրա մտերիմ ընկերուհիները՝ առաջարկելով Էլիսի 40-ամյակը նշել անմոռանալի կերպով եւ բարձրացնել նրա տրամադրությունը: Սկզբում գլխավոր հերոսուհին այնքան էլ կողմ չի լինում խնջույքին, սակայն ավելի ուշ ընկերուհիներին հաջողվում է համոզել նրան: Էլիսն իր տարեդարձը նշում է ակումբներից մեկում, որտեղ պատահմամբ ծանոթանում է երեք երիտասարդների հետ, որոնք հետաքրքրված են ֆիլմարտադրությամբ:

Տղաները վարձը չվճարելու պատճառով վտարվել էին վարձակալած բնակարանից: Էլիսը որոշում է բարեսիրտ գտնվել նրանց հանդեպ եւ մի գիշեր իր բնակարանում անկյուն հատկացնել: Սակայն երիտասարդներն այնքան են հրապուրվում հմայիչ կնոջով, որ այլեւս չեն ցանկանում հեռանալ նրա բնակարանից: Նրանց սերը Էլիսի հանդեպ կրկնապատկվում է, երբ հայտնաբերում են, որ վերջինը հայտնի ռեժիսոր Ջոն Քինեյի դուստրն է: Էլիսին սկսում է դուր չգալ այն փաստը, որ երեք երիտասադներ մնալու են իր բնակարանում, հատկապես, երբ դուստրերն արդեն պետք է տուն վերադառնային տատիկի մոտ անցկացրած հանգստից հետո: Նա արդեն պատրաստվում էր վտարել տղաներին, երբ հանկարծ նկատում է, որ իր դեռահաս աղջիկները, որոնք ծնողների ամուսնալուծությունից հետո հաճախ էին ունենում տրամադրության անկումներ, ընդհանուր լեզու են գտել երիտասարդների հետ եւ նույնիսկ ընկերացել են:

Էլիսը համաձայնվում է տղաներին հատկացնել հյուրերի համար նախատեսված անկյունը: Էլիսին սիրահարված երիտասարդները ամեն գնով փորձում են շահել նրա սիրտը՝ նրան օգնելով տնային գործերում եւ աղջիկների տնային հանձնարարությունների հարցում: Սակայն իրավիճակը կտրուկ փոխվում է, երբ անսպասելիորեն դուստրերին այցելության է գալիս Էլիսի նախկին ամուսինը:

Նրան դուր չի գալիս այն փաստը, որը նախկին կինն ու աղջիկները բնակվում են երեք երիտասարդ տղամարդկանց հետ: Բացի այդ՝ ամուսինը խոստովանում է, որ դեռ սիրում է Էլիսին եւ ցանկանում է վերադառնալ ընտանիք: Ի՞նչ որոշում կկայացնի Էլիսը, եւ ի՞նչ ճակատագրի կարժանան նրանով հրապուրված երիտասարդները:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում