• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Nemra ռոք խումբը հայտ է ներկայացրել` մասնակցելու «Դեպի Եվրատեսիլ» նախագծին: Մրցույթին մասնակցելու որոշման եւ ներկայացվելիք երգի շուրջ NEWS.am STYLE-ը զրուցել է խմբի վոկալիստ եւ կիթառահար Վան Եղիազարյանի հետ.

««Դեպի Եվրատեսիլին» մասնակցելու մասին սկսեցինք մտածել`տեսնելով մեր երկրպագուների՝ նեմրացիների բազմաթիվ մեկնաբանությունները «Դեպի Եվրատեսիլի» հրապարակումների տակ, որտեղ անընդհատ մեզ էին նշում եւ խնդրում մասնակցել: Երբ հասկացանք, որ կանոններն այնպիսին են, որ մասնակիցներն իրենց սեփական երգով պետք է ներկայանան, դա մեզ դուր եկավ, քանի որ չենք սիրում, երբ երաժիշտները գնահատվում են արդեն հայտի արտասահմանյան երգերով ներկայանալու դեպքում: Այդպիսով՝ որոշեցինք մեր բազմաթիվ երգերից մեկն էլ առաջարկել` Հայաստանը Եվրոպայում ներկայացնելու համար, եւ եթե մարդիկ հավանեն այն, մեծ սիրով կներկայացնենք այդ երգը «Եվրատեսիլում», եթե ոչ` դրանից բացարձակ բան չի փոխվի խմբի պլանների մեջ»,-ասում է Վանը` հավելելով, որ երգն ալտերնատիվ ռոք ժանրի մեջ է.

«Այն արդեն պատրաստ է, իհարկե, դեռ դեմո տարբերակն ենք ուղարկել, ոչ լիարժեք միքսված վիճակն է, բայց կարծում եմ` այս փուլի համար բավարար է:

Երգը մեր ժանրի մեջ է, անգլերենով է, ինչպես մեր մնացած 40-ից ավելի երգերը, իսկ անվանումը՝ I'm a liar («Ես սուտասան եմ»): Երգը ռիթմիկ է, թեթեւ, բայց նաեւ մինորային ու անսպասելի է վերջանում: Վստահ եմ` այն դուր կգա տարբեր տարիքային խմբի մարդկանց»:

Վանի խոսքով` իրենց երգը գաղափարային առումով ամենահասանելի գաղափարների մասին է. «Երկու գաղափար կա ընդգրկված, հենց վերնագիրը առանձին գաղափար ունի, որով շեշտում ենք, որ այս աշխարհում բոլորն են սուտասան, սակայն քչերն են այնքան արդար ու համարձակ, որ բարձրաձայնեն դրա մասին, բայց երգի բառերի կոնտեքստը մի փոքր այլ է: Երգը նրա մասին է, որ բոլորս կորցնելուց հետո ենք հասկանում` ինչ կամ ով էր մեր կողքին, եւ կորցնելուց հետո ենք գնահատում արժեքը»:

Վանն ասում է` իրենց ելույթում անկեղծությունը կլինի ամենայուրահատուկ տարրը. «Իսկ մեր երգը կտարբերվի հենց երգ լինելով` հիշվող երգով, հիշվող կրկներգով: Միգուցե, շատերի համար այլ բաներով կհիշվի, օրինակ` խմբի մասնակիցների դեմքով կամ մազերով եւ այլն, բայց ես հույս ունեմ, որ սա երգի մրցույթ է, հանդիսատեսն էլ երգն է ընտրելու»:

Երաժիշտը «Եվրատեսիլին» հետեւում է հիմնականում YouTube-ով. «Ընկերներս հաճախ ուղարկում են իմ ճաշակով կատարումներ, շատ երգեր են եղել այս տարիների ընթացքում, որ շատ եմ հավանել, ինձ ավելի շատ երգերն են հետաքրքրել, քան շոուի մասը, քվեարկությունները եւ այլն»,-ասում է նա` հավելելով.

«Եթե գնանք «Եվրատեսիլ», նախ խմբի ճանաչվածությունը, անկասկած, կմեծանա, ու, կարծում եմ, բազմաթիվ դռներ կբացվեն նաեւ Հայաստանից դուրս, բայց չեմ սիրում այդքան շատ խորասուզվել ապագայի մեջ, տեսնենք` ինչպես կստացվի»:

Վանի կարծիքով` այս տարիների ընթացքում Հայաստանը լավագույնս ներկայացրել է Արամ MP3-ն, իսկ իրենց խմբի շանսերի մասին նախընտրում է կանխագուշակումներ չանել.

«Մեր շանսերի մասին չեմ կարող գուշակել, մենք դեռ միայն հայտն ենք ուղարկել, անգամ չգիտենք` մեր երգը մրցույթին մասնակցելու համար ընտրելու են, թե ոչ:

Եթե անկեղծ լինեմ, որեւէ այլ երկրում բարձր կգնահատեի մեր շանսերը, բայց մեզ մոտ մի քիչ տարբեր են ճաշակները, եւ շատերի մոտ դեռ կիթառ նվագող մարդը չբացահայտված եւ անհասկանալի օբյեկտ է (ծիծաղում է) :

Մենք մասնակցելու ենք բացարձակապես մեր երկրպագուների խնդրանքով ու մեծ սիրով առաջարկում ենք մեր երգերից մեկը` Հայաստանը «Եվրատեսիլում» ներկայացնելու համար: Մնացածն արդեն ժամանակը ցույց կտա»,-եզրափակեց երաժիշտը:

Սյունե Առաքելյան

Լուսանկարները` Վանի եւ Nemra-ի Facebook-ի էջերից

Հետևեք NEWS.am STYLE-ին Facebook-ում, Twitter-ում և Instagram-ում