Բելգիայում հայտնի հայ երգչուհի KeyOh-ը երկրոդ անգամ է համագործակցել հայտնի BruCaro զարդերի բրենդի հետ՝ ինչպես նախորդ տարի, այս տարի էլ դառնալով բրենդի դեմքը: Թե ինչպես ստացվեց բելգիական հայտնի ապրանքանիշի հետ երկրորդ համագործացությունն, ու ինչ նորություններով է ներկայանալու 2018 թ-ին, բացահայտել ենք KeyOh-ի հետ զրույցի ընթացքում.
«Մոտենում է Ամանորը, այդ պատճառով էլ բրենդը ցանկացել էր ներկայացնել զարդերի իր նոր տեսականին, ինչի համար նրանց անհրաժեշտ էր նոր եւ թարմ դեմք: Ճիշտ է՝ նախորդ տարի էլ եմ ներկայացրել BruCaro-ի զարդերը, եւ հույս ունեմ, որ երկրորդ անգամ համագործակցելու առաջարկը եղել է նախորդ տարվա հաջողության շնորհիվ: Պետք է նշեմ, որ նրանց ներկայացրած անդամանդյա զարդերն իսկապես շատ եմ սիրում, դրանք շատ գեղեցիկ են: Ինձ համար իսկապես հաճելի է աշխատել այս հայտնի բրենդի հետ»,-ասում է երգչուհին՝ խոսելով նաեւ նկարահանման գործընթացի մասին.
«Ես միշտ սիրում եմ այն, ինչ անում եմ եւ հույս ունեմ, որ դա միայն ինձանից չէր գալիս, այլ ամբողջ թիմից: Նկարահանումն իրականացվել է Բելգիայի գեղեցիկ ամրոցներից մեկում: Ես ուղղակի հիացած էի այդ տարածքով, որը շատ համահունչ էր զարդերի գովազդին»:
Ինչպես ասում են՝ ադամանդները կանանց լավագույն ընկերներն են: Արդյոք հայ երգչուհին համաձա՞յն է ասվածի հետ.
«Օհ, կարծում եմ՝ դա ընդամենը հայտնի ասույթ է: Իհարկե, շատ կանանց պես ես էլ եմ սիրում ադամանդներ, քանի որ դրանք գեղեցիկ են ու ժամանակ չեն ճանաչում, բայց երբեք չէի փոխի լավագույն ընկերներիս ադամանդների հետ: Կյանքում լավագույն բաներն անվճար են տրվում»:
2017 թ-ը մոտենում է ավարտին. KeyOh-ից հետաքրքրվեցինք նաեւ, թե ինչ նորություններով է հանդես գալու 2018 թ-ին:
«2017-ն իսկապես լավ տարի էր ինձ համար, հուսով եմ՝ մյուս տարին էլ հագեցվածության առումով բացառություն չի լինի: Իմ հեռուստաշոուն արդեն համարյա պատրաստ է: Առաջին եթերաշրրջանի մեկնարկը կտրվի 2018 թ-ին: Այն կհեռարձակվի Գերմանիայի ազգային հեռուատեսությամբ: Վերջերս թողարկվեց նաեւ իմ Love or curse սինգլը, ինչը նշանակում է, որ կունենամ նաեւ համերգային նոր ելույթներ: Բացի այդ, համագործակցում եմ մի քանի միջազգային ապրանքանիշների հետ: Միջազգային ճանաչում ունեցող արտիստների հետ եւս համագործակցություններ են սպասվում: Եթե ամեն ինչ լավ գնա, NEWS.am STYLE-ն առաջինը կիմանա իմ բոլոր նորությունների մասին»,-եզրափակեց երգչուհին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով