Մարիկա Թունյանն արդեն երկու ամիս է, ինչ վայելում է մայրության բերկրանքը: Մոդելն ու ամուսինն իրենց առաջնեկին Գոռ են անվանել: Մինչ որդու լույս աշխարհ գալը Մարիկան ակտիվորեն շարունակում էր իր մոդալային գործունեությունը՝ լուսանկարվելով կատալոգների համար եւ փայլելով պոդիումի վրա:
NEWS.am STYLE-ը մոդելի հետ զրուցել է նորածին որդու, նոր զգացողությունների եւ աշխատանքային նոր գործունեության մասին:
Մարիկա, նախ՝ շնորհավորում եմ առաջնեկիդ լույս աշխարհ գալու առթիվ :) Կարո՞ղ ես հիշել, թե ինչ ապրումներ ունեցար նրան առաջին անգամ տեսնելով:
Անչափ շնորհակալ եմ շնորհավորանքի համար: Ապրումները նկարագրելն անհնար է: Այն պահին, երբ առաջին անգամ տեսնում եւ գրկում ես բալիկիդ, կարծես, առնչվում ես մեկ այլ իրականության հետ: Չգիտեմ՝ կոչեմ դա հեքիաթների աշխա՞րհ, թե՞ այլ բան :)
Փոքրիկին անվանեցիք Գոռ. ինչո՞վ էր պայմանավորված այդ անվան ընտրությունը:
Երկար ժամանակ չէինք կարողանում անուն ընտրել նրա համար: Այդ պրոցեսին մասնակցում էին ընտանիքի բոլոր անդամները, ինչպես նաեւ կոլեգաներս եւ ընկերներս: Շատ տարբերակներ կային, որոնց մի մասը շատ զվարճալի էր: Ամուսնուս՝ Ռուբենի հետ որոշեցինք, որ երբ ծնվի, կծանոթանանք եւ միանգամից կհասկանանք՝ ՈՎ է ծնվել: Եվ ծնվեց Գոռը :)
Շատ մայրեր նշում են, որ իրենց բալիկին մինչեւ ծնվելն էլ արդեն պատկերացնում են. դու հենց այդպիսի՞ն էիր Գոռին պատկերացնում:
Անկեղծ՝ ես ինձ մայրիկի դերում չէի պատկերացնում, մինչեւ չտեսա տղայիս :) Շատ ակտիվ էի ողջ հղիությանս ընթացքում, չէի հասցնում գիտակցել կարգավիճակս: Բայց երբ տեսա Գոռին, հասկացա, որ Աստծուց ավելին չէի էլ կարող խնդրել:
Ինչպիսի՞ն է Գոռը: Խելո՞ք է, թե՞, ամեն դեպքում, անքուն գիշերները շատ են լինում :)
Գոռը լուրջ տղա է, շատ է սիրում լինել ուշադրության կենտրոնում: Նա արդեն երկու ամսական է, եւ ես, կարելի է ասել, արդեն ուղիղ երկու ամիս չեմ քնել :)
Կարո՞ղ ես քեզ նկարագրել մայրանալուց առաջ եւ հիմա: Առօրյադ շա՞տ է փոխվել:
Իհարկե, առօրյաս փոխվել է, բայց ես ինձ ստիպում եմ լինել ակտիվ, դուրս գալ տանից, չնայած՝ դա բարդ է նորածին բալիկի հետ միասին, բայց բախտս բերել է՝ Գոռը սիրում է զբոսնել, հաճույքով ինձ հետ շրջում է մեքենայով, սալյակով եւ, իհարկե, ձեռքի վրա :) Նաեւ տանից դուրս գալ է ստիպում նորաստեղծ բիզնեսս, որը թեեւ առայժմ փոքր է, բայց ակտիվ զարգանում եւ ուշադրություն է պահանջում: Կարծում եմ՝ ժամանակակից կնոջ համար կարեւոր է աշխատանք ունենալը, զբաղած լինել թե տանը, թե տանից դուրս... Դա դժվար է առանց աջակցության: Իմ դեպքում ստացվում է, քանի որ ամուսինս ինձ աջակցում է, Գոռի տատիկներն ու պապիկները՝ նույնպես:
Ո՞ւմ է նման որդիդ՝ քե՞զ, թե՞ ամուսնուդ:
Նա ամեն օր է փոխվում: Երբ նոր էր ծնվել, հայրիկիս էր նման, այժմ Ռուբենին է նմանվել, բայց աչքերն իմն են :)
Քո եւ ամուսնուդ ո՞ր հատկանիշները կցանկանայիր, որ Գոռը ժառանգեր:
Կցանկանայի, որ ժառանգեր երկուսիս լավագույն կողմերը, ինչը հետագայում կերեւա: Գոռն ունի հայկական, ռուսական, ուկրաինական եւ վրացական արմատներ. պետք է, որ հետաքրքիր խառնուրդ ստացվի :)
Մարիկա, ինչպես ինքդ էլ նշեցիր՝ մինչեւ մայրանալն էլ ակտիվ գործունեություն էիր ծավալում՝ որպես մոդել, այժմ էլ նոր բիզնես ես սկսել: Արդյոք հիմա նույնքա՞ն ակտիվ ես շարունակելու քո մոդելային գործունեությունը, թե՞ այլ աշխատանքով ես զբաղվելու:
Իրոք, շատ ակտիվ էի: նույնիսկ հղիության 9-րդ ամսում մասնակցեցի ֆոտոնկարահանման՝ «Ապագա մայրիկ» կատալոգի համար, ինչպես նաեւ ընկերուհուս հետ սկսեցի MarTers Online Atelier նախագիծը, որով էլ այժմ ակտիվորեն զբաղվում եմ: Ինչ վերաբերում է պոդիումին՝ այնտեղ պատրաստվում եմ վերադառնալ գարնանը, սակայն, բնականաբար, ոչ նույն ակտիությամբ: 16 տարի մոդելային ակտիվ գործունեությունից հետո այժմ ինձ ավելի հաճախ կտեսնեք դեֆիլեի մասնագետի՝ խորեոգրաֆի դերում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ